جعل الذي ماهو منيف الشمايل

[ماجد الزيد]

شبّت فتايل قاف وافي الخصايل=والشوت بحجاج الفسيلي محلّه
ماهوب من له بالمراجل وسايل=وينزّ مذعور ٍ ليا شاف ظله
شبيه خرب ٍ شاف بالجو صايل=قام يْتهزهز طاري الحرّ شلّه
هافي طبوع ومايل السلْم مايل=نيران جدّه ورّثت فيه ملّه
ياعلّ ما يذكر على عيال وايل=من بيّنت به ذلّةٍ خلف ذلّه
رداه ما جِنِّس مثيله بعايل=به علة ٍ كنْها عن الفين علّه
عليه من رجسه بوجهه مثايل=كلح البراطم والخشم فيه جلّه
ماشال لعيال الحمايل جمايل=خبيث نفس ودنس قلبه يشلّه
لا صار ماهو للطويلات طايل=ما صاحن الخفرات لامات لله
تخسى يمينه ما تحوش الجزايل =خسيس ولا له بالصناديد خِلّه
تزوع تسبدي من رديّ الفعايل=ناقص وزايد فيه غِله وسِله
لا صار ما يُذكر بوقت الهوايل=حلا الحليلة بالثلاثة تحِله
تهوش ويمشط في يديه الجدايل=ون طقّ ظيف الباب ضاقت بكله
عدو عينك يشبهه بالعمايل=شحيح ون كاثر هل البل بِلّه
جعل الذي ماهو منيف الشمايل=للموت يجبّى كل واطي جِبلّه

[الـزلـزال]

ماجد الزيد

نص مميز وجزل
من شاعر عودنا على الجزاله في كل حالاته
أبدعت وأمتعت شاعرنا
دمت بخير وسلام ودام لنا حرفك الراقي
صح لسانك ملايين ملايين
ولك فائق تحياتي وتقديري

[عبدالله الشويمان]

ياعلّ مـا يذكـر علـى عيـال وايـل=مـن بيّنـت بـه ذلّــةٍ خـلـف ذلّــه
تسلم تسلم
وصح السانك يا ابو حمد
نص جزل وانت راعي الجزاله..
دمت بخير وصحه وسلامه

[ماجد الزيد]

اخواني الاعزاء ابو بدر والزلزال

صح الله ابدانكم يالقروم وشاكر لكم مروركم الراقي والكريم سلمتوا ودمتوا

ودي ومحبتي

[عمر ال شيبي]

جعل الذي ماهو منيف الشمايل

للموت يجبّى كل واطي جِبلّـه

اولا والنعم منك ومن اعيال وايل

وصح لسانك على الجزله

ويستاهل من قصدت به

[منيع]

جزل ومبدع
تسلم اخي الشاعر ماجد الزيد
تحياتي لكم

[داعي الشوق]

صح لساااااااانك يا بو حمد و اعتلا شانك ،،

و يفداك اللاش

و عساك سالم

و لاهنت

[طوفـــان]

جعل الذي ماهو منيف الشمايل
للموت يجبّى كل واطـي جِبلّـه

ياسلام عليك ، أبدعت شاعرنا بمطروحك ، بارك الله فيك وفي ماتطرح

واصل شاعرنا الكبير ..

[الطامي]

تزوع تسبدي من رديّ الفعايـل
ناقص وزايد فيه غِلـه وسِلـه
لا صار ما يُذكر بوقت الهوايـل
حلا الحليلـة بالثلاثـة تحِلـه
تهوش ويمشط في يديه الجدايل
ون طقّ ظيف الباب ضاقت بكله
،،،،،،،،،،،،،،،،،،،،،
الزيد
صح السانك ملايين
اللهم امين على قولك
عسى الردي مهان واثره تقتفيه السافيه ،،، بيت شعر لي ذكرتني به
شكرا لك

[عبدالعزيز العمار]

صح لسانك ياماجد وجاد بيانك

وافيه وجزله بالحيل ..

لاهنت ولاهان منطوقك