حرام الحب يذبل بالمآسي

[الطائر المهاجر]

حرام الحب يذبل بالمآسي = حرام احلامنا تدفن صغيره
حرام سنين من عمري اقاسي= ضياع ولا دريتي بالسريره
رفعتك فوق هامات الرواسي= وعطيتك ماتبي روحي أسيره
واشوف اليوم عن حبي تناسي= رضيتي ينتهي لحظه قصيره
لأنّك ما تبي فكرٍ سياسي = يخطط بالعقل يرسم مصيره
تبي قلبٍ يحبك بانغماسي = عمى وابكم بديوان الأميره
انا الغلطان ما خذت احتراسي= مشيت الدرب اجهل بالمسيره
وهم عشته بقلبي دون راسي= احسبك في الهوى طفله غريره
وتلاشى فجري الغالي بياسي = لعل اللي انكتب في الأمر خيره
اذا الغطاس ما يدري المقاسي= جذبه الموج لعموقٍ خطيره
وبحر الحب ماله من أساسي = فلا عمقٍ تقيسه من هديره
يطيح ابه الذي ماله مراسي = عشيق الورد يبحث عن عبيره
يجيه العقل من بعد الغراسي = ويدري عن حقيقه من عشيره
بوقتٍ كثر فيه الإلتباسي = خلط دره بنفوه في غديره
فلا هو كل ما يلمع بماسي = ولا تنبيك بالملمس حريره

[الأموره]

انا الغلطان ما خذت احتراسي
مشيت الدرب اجهل بالمسيره
،،

فلا هو كل ما يلمـع بماسـي
ولا تنبيك بالملمـس حريـره

،،

صح لسانك ملايين ،،

سلمت يالشاعر ،،

الف شكر لك ،،

دمت برعاية الخالق ،،

[راجي الحاج]

كلمات عذبه رقيقه مؤثره

صوت والقاء اعذب وارق

ابداع دكتورنا بكل ما تحمل الكلمه من معنى

دمت بخير وصحه

[الطائر المهاجر]

شكرا للفاضلة الأمورة
على حسن الحضور والتفاعل
لاهنت
تحياتي

[مبروك بن ماضي]

أخي الفاضل / الطائر المهاجر
عندما يكون الشاعر كبيراً
تتقزم كل الحروف والمعاني
سعدت بالمرور وغنمت بالمتابعة
سلمت قريحة جادت
سأقتفي اثر حرفك الأصيل
دمت بخير حال ،

[زهرة اللوتس]

صح لسانك وبيض الله وجهك
الشاعر ابو عبد الله
تسبلم ويسلم فكرك
رائعة وليس هذا بغريب عن شاعر مثلك
تقبل
مروري
تحياتي
وتقديري

[الـزلـزال]

اذا الغطاس ما يدري المقاسي=جذبه الموج لعموقٍ خطيـره
وبحر الحب ماله من أساسـي=فلا عمقٍ تقيسه مـن هديـره

.
.
.

فلا هو كل ما يلمـع بماسـي=ولا تنبيك بالملمـس حريـره

الطائر المهاجر

قصيده فيها عتب موجه لمحبوب تناسا

ماكان من حب متبادل

كما وجه الشاعر العتب لنفسه في بعض الأبيات

تخللها حكم متقنه ولها رونق رائع ومميز

كالعاده الجزل لايأتي منه إلا الجزل

نهنئك ونهنئ أنفسنا بهذه الشاعريه المرفرفه فوق السحاب

صح لسانك ملايين ملايين

وتقبل فائق تحياتي

[الخنساء]

المشاركة الأصلية كتبت بواسطة الطائر المهاجر

حرام الحب يذبل بالمآسي = حرام احلامنا تدفن صغيره
حرام سنين من عمري اقاسي= ضياع ولا دريتي بالسريره
رفعتك فوق هامات الرواسي= وعطيتك ماتبي روحي أسيره
واشوف اليوم عن حبي تناسي= رضيتي ينتهي لحظه قصيره
لأنّك ما تبي فكرٍ سياسي = يخطط بالعقل يرسم مصيره
تبي قلبٍ يحبك بانغماسي = عمى ابكم بديوان الأميره
انا الغلطان ما خذت احتراسي= مشيت الدرب اجهل بالمسيره
وهم عشته بقلبي دون راسي= احسبك في الهوى طفله غريره
وتلاشى فجري الغالي بياسي = لعل اللي انكتب في الأمر خيره
اذا الغطاس ما يدري المقاسي= جذبه الموج لعموقٍ خطيره
وبحر الحب ماله من أساسي = فلا عمقٍ تقيسه من هديره
يطيح ابه الذي ماله مراسي = عشيق الورد يبحث عن عبيره
يجيه العقل من بعد الغراسي = ويدري عن حقيقه من عشيره
بوقتٍ كثر فيه الإلتباسي = خلط دره بنفوه في غديره
فلا هو كل ما يلمع بماسي = ولا تنبيك بالملمس حريره

صح لسانك مشرفنا

قصيدة رائعة ترجمت

روعة المعاني

لاهنت وسلمت ودمت بخير

[عذب القوافي]

صح لسانك ياأبوعبدالله

جزل ولاتأتي إلا بالجزل

سرني مروري على فاتنتك

تقديري

أبوابراهيم,,,,,,

[منيع]

اذا الغطاس ما يدري المقاسي
جذبـه المـوج لعـمـوقٍ خطـيـره

اجل جذبك الموج
وانت خطير
صباح العشق
شكرا لك
تحياتي