رد التعديلات الفنيه

[سناعيس]

هذه القصيدة تفضل الطامي (منصور المري) وأسندها علي
وحاولت أن أجاري هذا الشاعر الجزل بالقصيدة التي تليها
والتي ربما لاتصل الى الطموحات ولكن برجاء قبولها كما هي

قصيدة أخي الشاعر الطامي

سنعوس ياسنعوس مال الدهر بي = تعبت وانا احوس ياطير حوران
منذو صباح اليوم ماقدر اشربي = فنجال قهوه يالسنافي وخرمان
رسايل جتني وطاحت بدربي = مدري من المشرف او من كحيلان
اخاف ادمين الفطاحل غدر بي= يبغي يعدلها وعماها ولازان
الصبر زينٍ وحيث مافيه حربي = ماغير تنظيم الفطاحل وبيزدان
جنوب او شرق وشملٍ وغربي = الله يقويهم على كل الأحيان
المخرِج اللي صاغ ماهو بسلبي = يحتاج له وقتٍ ويطلع بالافنان
ياهل فطاحل شدو الحيل قُربي = حثو الهمم نبغي انشيده بنيان
راقي ومن زاره يعاود لشربي= يروي الضما من منتدانا بليهان

ردي وقصيدتي المتواضعه

ياذا الحمام اللي على القاف طربي=ساجع يشادي ماكتب له وطربان
منصور يامنصور صوتك عرج بي=وهذا صداه اقبله ياعالي الشان
انا اشهد انك وافي مانت سلبي=شهم وفعلك واضح لكل الأعيان
لا جمع لاقسمه ولاهوب ضربي=لامن عرفنا من ورى هاك الافنان
الطيرلا من هد لأيات خربي=يجيب علم الخرب وكنه ولا كان
دكتورنا اللي لا سلك كل دربي=يمشي وهو للراس رافع ولا هان
هو شيد المبنى وانا فيه احبي=ولازلت انا من علمه ادرس الى الان
وكل الفطاحل يافتى الجود تسبي=عقول المواقع لاتمعنت إمعان
الكل منهم دايم الدوم ذربي=شيمه كرم اخلاق أيضا وأخوان
وللكل شكرا قلتها ملي قلبي=للي لهم بالقلب قيمه وعرفان

[الأموره]

دكتورنا اللي لا سلـك كـل دربـي
يمشي وهو للراس رافع ولا هـان

الله الله يا سنآعيس ...~

أبدعت تبآرك الرحمن ..~

صح لسانك ملايين ...~

سلمت و سلم فكرك ...~

الف شكر لك ...~

دمت برعاية الخالق ...~

[ام العمده]

الاستاذ/سناعيس

صح لسانك واعتلا شانك

لاهان راسك

رائعه من روائعك

ابدعت

دمت بخير

[زهرة اللوتس]

وكل الفطاحل يافتى الجـود تسبـي
عقول المواقـع لاتمعنـت إمعـان

الكـل منهـم دايـم الـدوم ذربـي
شيمه كرم اخلاق أيضـا وأخـوان

وللكل شكـرا قلتهـا ملـي قلبـي
للي لهم بالقلـب قيمـه وعرفـان


الله الله الله
سلمت وسلم فكرك
سناعيس الف الف شكر
ولاهنت وبيض الله وجهك
وموفق انشالله
في الارتقاء بهذا الصرح
ولك مني
اطيب تحية

زهرة

[رفيعة الشان]

الله عليكم يافطااحلة الشعر
أداام الله هذا الإخاء والود بينكم
ووفق الله مشرفنا لكل ما يحب ويرضاه
وصح الله السنتكم جميــعاً
قصيدة ومجاراة راائعه

لاااااهنت

سناااعيس

صدى رااائع من شااعر مبدع

ابياات بغاايه الروعه والجمال

نضماا ومعنى

وكل الفطاحل يافتى الجـود تسبـي
عقول المواقـع لاتمعنـت إمعـان
الكـل منهـم دايـم الـدوم ذربـي
شيمه كرم اخلاق أيضـا وأخـوان
وللكل شكـرا قلتهـا ملـي قلبـي
للي لهم بالقلـب قيمـه وعرفـان

ابياات بغاايه الرووعه

لا هنت

موج القصيد

[الطائر المهاجر]

جزلة من راس جزل وشاعر مبدع

صح لسانك ولا هنت

تحياتي الطيبة

[ناصر عبيد الهواوي]

بيض الله وجهك يامشرفنا
فجهودك واضحة وموفقة ان شاء الله
والرد اروع من رائع وبيض الله وجه المري
ووفق الله الجميع لكل خير والسلام

[منيع]

ماشاء الله عليكم
ابيات رائعة ومعبرة
بين شعراء لهم حسهم المميز اتجاه هذا المنتدى الرائع بكم جميعا
تحياتي لكم

[داعي الشوق]

صح لسانك يالطامي

و صح لسانك مشرفنا العزيز سناعيس

مجاراة جميلة

واكبة الحدث الجميل

لله دركما من رائعين

تحيتي و تقديري

،،،،،،،،،،،،،،،،،