ديوان شاعر حرب سبيل الحصني

[محمد عبدالله البدراني]

ياناس عيب مشارك البيض في الراي=عيب علي اللي يستحـون وغليبـه
لاجا ولد عمـي شفاتـي ومـذراي=زبني حجاي . اليـا تخيلـت ريبـه
يبـي جنابـي ويتعلـق بيمـنـاي=قلت انفهـق والـراي راي الحبيبـه
ثم انصفق دمه علي جـال مركـاي=اليا نابتـه ذات الشهـاب المشيبـه
لا تلتفت يم الفحـل لـد لـي جـاي=هـذا فحـل مالـه علينـا غصيبـه
اليا قضي من منهلي طـق مغشـاي=واليا زعلت اخـذ عليـه الرطيبـه
ياغمر لا شفـي ولا انتـه بمفـلاي=وعليـك راداتـي بعيـد وصعيبـه
انـا هوايـه مايبـرق بعـوجـاي=امشي عليه قطوع واذهـب ذهيبـه
مثل ابن عمك يتفهق عنـد علبـاي=واعطيه في جمـع يقـض التريبـه
مايمشي الا فـي هوايـه وبرضـاي=وانـا عليـه اكبر.لـك الله مصيبـه
واقفا هزيـمٍ رادتـه بـس الاقفـاي=مكسـوف مايقدطريـق النجيـبـه
سـودا سـوداً مايحـاول بـجـلاي=لامات يشمع فـوق راس النصيبـه
من شان يعرف منزله بعد الاوفـاي=بهجـر ويحقرفـي طويـل المغيبـه
اللي عسي ماله علي الـدار نعـاي=مقلاع سنٍ طاح مـن حنـك شيبـه

[محمد عبدالله البدراني]

هذا الزمان اللي كثيـره بلاويـه

اللي به المعروف يطلع جريمـه

ليـا زارك اللـي زاوي زاويـه

عليه من غبر الليالـي وسيمـه

ياصلك في بيتك يبوسٍٍ لواحيـه

الين عظامه من نقيض الجميمه

يبيـك تقضـي لـزومٍ موازيـه

موقف عليه اللي يتل الشكيمـه

وطلبت عون اللي نخافه ونرجيه

رحمن رجوى مد غيره هزيمـه

وفضيت جيبك ماليٍ له مخابيـه

شيمة عرب . مانته مدور غنيمه

علي اللزوم اللي يخصك مبديـه

فل الحجاج . وذب ذيك الخريمه

واليا خذيت سنين وانته تراجيه

ماجاك جيته والجوارح سليمـه

عنيت يمه مستحي حاسبٍ فيـه

لكن ماعند اسود الوجه شيمـه

اليا سمعك بطيب اسمه تناديـه

جابهك بالعليا ورمحـه وريمـه

كنك تبـي تبـلاه والله معافيـه

لكن ماتمشـي عليـه الظليمـه

يصيح ويحط الشواهـد بذانيـه

والله ذكر في سيـرةٍ مستقيمـه

من زل حرف من الشريعه مخليه

علي هذاك الحرف عض النديمه

تاره يقول ان الخطا صاب راميه

وتاره تقول الطيب باس وعزيمه

وجه الندا مايقدر العذر راعيـه

واردها لاهل العقـول الفهيمـه

اللي يعرفون الندا كيـف ناديـه

ويقدرون لطقـة البـاب قيمـه

اقولها من هاجسٍ مانيب كاميـه

صبرت لين انه طرحني هشيمه

عمري يردن الثلاثيـن ماضيـه

شاركت ابو تسعين قومه وسيمه

[محمد عبدالله البدراني]

البارحـه نجـد وفضاهاالوسيعـي

علي صارت ضوق عيـن الجـراده

يا ابوفهـد لنجـوم بقعـا لميعـي

قدمي اليا منـي لمسـت الوسـاده

من قطنها أوجس مثل شوك النقيعي

وقامـت عيونـي تاخذالسهرعـاده

ليّـه ثـلاث أيـام مانـي طبيعـي

في حـال مالِيّـه عليهـا جـلاده

اشد عزمـي وِ بثوانـي يضيعـي

ضيـاع سلـك العنكبـوت البيـاده

وانـا عَيَـادي بالحيـاه وربيعـي

واخيـر مايجلـب علـي السعـاده

إليا بذلـت بكـل طَيّـب صنيعـي

والاّ التلاشي عـن لزومـك نقـاده

لكن عزاي أني سبقتـك جضيعـي

والنوم وقت الصوم قالـوا عبـاده

حكم علي النوم بئـس الضجيعـي

تدري وعندك ياابن عمـي شهـاده

مانـي كليـل ولالسانـي قطيعـي

لولا الثـلاث اللـي بهـن القـلاده

عيا تحت رجلي جملهـن يطيعـي

حمله فتـل ياتـاج راسـي قيـاده

ليا جيت ابشفع عند ذاك الشفيعـي

كنـك تطلـع مـن لهاتـي كـداده

تشري بنا غبـر الليـال وتبيعـي

لكنـهـا حكـمـة قــوي الاراده

اللي بظلـه كـل خلقـه جميعـي

السيد اللـي مـال غيـره سيـاده

ودعتك اللـي مايخـون الوديعـي

ماضاع من ركـز عليـه اعتمـاده

[محمد عبدالله البدراني]

ياصاحبي بعض الهدايـا رزايـا
نقص ٍ علي اللي ينتظرها واهلها
مثل المصير اللي جميع الحوايـا
تسوق فيه من الذبيحـه وسلهـا
مافيـه خيـر ولا يعشـي قوايـا
مـن ذاق لقمـه قافيتهـا تفلهـا
والهرج مايملا اليديـن الخلايـا
اليا زاد غيـم فالكبـود ودبلهـا
لين انها تاصل حـدود القصايـا
مع دمها ومجراه يجـري زعلهـا
مار الكلام اللـي يكـف الحكايـا
من ضامري غش السوالف غسلها
قل لليدين اللـي عليهـا كوايـا
ارزاق خلق الله تـرى الله كفلهـا
اللي مخازن بـاب جـوده ملايـا
لاتحسبـون انـه عليكـم تكلهـا
الا انهـا تخفـى عليـه الخفايـا
ليا من عقـال السوالـف عقلهـا
اللي ورث حاتم بزيـن السجايـا
اليا تراكا .. والشـوارب فتلهـا
حضر لك الغايب وسوى سوايـا
مع كل مجـدال ٍ ذلولـه جدلهـا
وان طال عمره ناوي ٍ له نوايـا
يبا يشـارك بالنفـوس وبجلهـا
ويبـا يعمـر للحفـاه العـرايـا
بيوت مابجدودهـم مـن نزلهـا
بالهرج .. والا اليا تركنا الحكايا
تقاطعت ذيـك السوالـف اعللها
غيم سماه .. ونشفـن الشفايـا
وارضه عن اللي قال شربت بللها

[محمد عبدالله البدراني]

يا اهْل الونيْت اللي على قاسمَيْنـي

من مصنعه مظهار ضـوْ المكينـة

للي يرُوح يسَـار واللـي يمِينـي

شقرٍ مصادير اللهَب مـن جبينـه

وَقْدِه ليا جا مـع خطـاة البطِينـي

مِبْدار هِمْلـولٍ يجـي فيـه عِيْنـة

أكبر مـن الكيلـو ودون الثنينـي

ومتواطي الفنجـال باقـي جنينـه

سَمْعِي بَاذانيّـه وشوفـي بْعَينـي

يوم إيتقيْعَسْ ثـم يعطـي عرينـه

فات الزريـق وباغتـوه الكمينـي

وامرج عَيَا بين الزريـق وكمينـه

وتناولـوه وعــوَّدوا عايفيـنـي

ما غيـر يقلاهـم مَـرَار الغبينـة

مسراحهم قفْـوِه ضحـانٍ متينـي

ما ياصل اللي بين عَجِّـه وُبَيْنـه

آخر موديـل أول ونيـتٍ ثمينـي

فيمـا يحدُّونـه هَلِـه مرخصينـه

قلنا لهـم حِـدُّو يَبَـا الله يعينـي

من قدَّر الواجـب يبـا الله يعينـه

حَدَّو وعَدَّوا سَلْـم يـا سالمينـي

أبْـرَك نهـارٍ جابكـم جالبيـنـه

لعل مـن صَبِّـه عـوار اليدينـي

ما توجسه يمنـاه عاشـت يمينـه

الله ما هو فـي حاجـة العابدينـي

لا في رجا الكافر .. ولا عابدينـه

الله غنِـيٍ عـن عبـاده يقيـنـي

لكن مثل اللي بَنَى الجمس .. وَيْنه

هذا .. وتم البيـع بَيْنـه وبينـي

والكـل منّـا سيرتـه حاضرينـه

وسَلّمت مفتاحـه مـن المذربينـي

ذيبٍ غرابْ .. وقلب أسَدَّ وعرينـه

عزمه ليا طال المد َى مـا يلينـي

من صًلْب شيبـانٍ لنـا جاذبينـه

حبيب مرسالـي وساعـد يمينـي

عزم ووفا . . ومحَنَّـكٍ عارفينـه

وملفاه ريف الضيف، هَيْف السميني

هَدّاج ما حامـت ظوامـي قطينـه

رمْحٍ مضاريبـه تقـض الوتينـي

عوق الخصيم ليا لَعَبْ بـه قرينـه

جزا ليـا صـار المجـازا يقينـي

يافي ويوفي راعـي الدَّيـن دَيْنِـه

ورِّيْـث عَـوْدٍ رافـق الراحلينـي

ذبَّـوا طريـقٍ كلنـا ضاربيـنـه

صالح عساه برفقـة الصالحينـي

يوم الحساب ويوم كشف الضغينـة

عسـاه بَيْـن حْضَـاه ومقرّبينـي

للهادي المعصـوم راع المديـنـة

ذكَّرتنـي يـا مْوَنّـس الغانمينـي

باسلوب مدخال البيوت الحصينـة

وادراك سـمٍ فـي وُبَـر ياقطينـي

بالغبَّة الخضرا وسقـت السفينـة

من قيل له مثلك مـن الوارثينـي

ما مات يا حـان بعوانيـه حينـه

له ساعةٍ مـن دون رَبْعِـه يبينـي

الضد يـا مسّـه تلاشـىَ يقينـه

إن ادَّعَىَ .. وإن قابـل المدّعِينـي

خصمه يقوم وحجته فـي جرينـه

مثل الجنين وسيـرة أم الجنينـي

يوم اعْرَسوا وِحْسَابهـم حاسبينـه

قضوا شهرهم في ظهور الهجينـي

وزاروك تالـي وقتهـم غانمينـه

وِرْعٍ جبر عظمه علـى المِشّتَيْنـي

واعرس على أمه طامع إنّك تعينـه

وضَرَبت في جلُّود راس الخمينـي

رَدَّيتهـم والـذنـب متقاسميـنـه

أدرك من البيبان بـاب السجينـي

من عندنا باب السجـن مدركينـه

ما اقولها خـوفٍ مـن الذاهبينـي

لومك على اللي ما يكرسع سنينـه

لكـن ذكـرَى تنفـع المومنيـنـي

خَوفي من اللي جنسهـم نافلينـه

لبَّاسَة القرمز .. هـلَ الحلقتينـي

والثالثه فرْق الجمـل عـن قرينـه

اللي لهم روس الرواسـي تلينـي

الله وُخلقـه فعلـهـم خابريـنـه

[محمد عبدالله البدراني]

انا نشدت العود والعود ياسعـود

مع مانشدتـه صادمنـي دموعـه

وأقفيت ماثمّـن كلامـي بمـردود

الا بكـى يامـا تحنـن ضلوعـه

وانا اتخيل ماعن الحـال منشـود

لكن ابـو تركـي تذكـر ربوعـه

ربعْ اليا ضاق السماملـح بـارود

يرمون للذيب العشا عقب جوعـه

عوق الخصيم وملتجي كل مضهود

من ناجع الحصنان ترك انجوعـه

كم واحدْ خلآ بني عـم واجـدود

ياسعود حي ويسمعني اسموعـه

حيْ شديدْ وان بغيتـوه موجـود

فضل جلوسْ بينهم عن رجوعـه

يتلون منور يوم حاوي ومـردود

زعيم جمـع كـل وادي ينوعـه

وده لحقهم دورنا اسهود ومهـود

كل يحط مـن المراكـي الكوعـه

لا بندقْ تنقل ولا سيـف مجـرود

باضلال اخو نوره وضله دروعـه

باضلالهم غلب الطماميع مفقـود

غيثْ علينا ماعلى الناس نوعـه

كم دولهْ طبيتها وجيـت مشهـود

يفرز على رجال اهلهـا بذوعـه

شفت المهونه والاجاويد بزهـود

شبعانهم عنـده يقيـن بجوعـه

واللي حلاله مايوقف على حـدود

متحري حروه لفقـر(ن) يلوعـه

يضوي على بابه طوابير واجنـود

ويطوقه جيش عديـده اجموعـه

يسلب حلاله سلب ويحال كـادود

ولوينلحق ما ذاق خلـي يتوعـه

والا ملكنـا بـاذل كـل مجهـود

للشعب بالرفعان هـذي طبوعـه

يسهر ليالي مادرينا بهـا رقـود

والخير من كل النواحـي دفوعـه

ويزيدنا منا غنـي عـن الـزود

والشاهد اللـي ماتعـدد فروعـه

مكتب ضمان مايبي فيه مقصـود

يعتاش به من لا تعيشه اسبوعـه

ومدارس تبنى ومساجد وممـدود

حبل الطلب ومسهلات اشروعـه

[محمد عبدالله البدراني]

البارحة عني لذيذ الكـرى فـر

واللي حداه وحال بينـي وبينـه

ابو ثمان غـر ومجـدل أشقـر

الموت شيـال الجنايـز بعينـه

قبله وانا مامـن حياتـي تكـدر

بالي ولا ادري ماقع الهم وينـه

واليوم عبرات الضماير تكسـر

عزي لمن كن العبايـر جبينـه

ياعود ريحان مع الهيـف يفتـر

من وين ماهب الهواء جاب لينه

نبي تحت حروة رجاك نتصبـر

ونجاحد اللي كم لنـا جاحدينـه

باللون والحليا حليـاه مخطـر

العرف مايعرض على عارفينـه

يركا على جمر الغضى لين يحتر

ويصير به من عينة الجمر عينه

ياعونة الله غادي اشعل ومحمر

الله على من شال همـه يعينـه

ينساق من بين المعاليق ويجـر

لين يتعلق فـي مـلازم وتينـه

واطي حالي طي حاله ليا صـر

من حر ما يوجس وهم صابرينه

يا فاعل السية عليـك الله اكبـر

والله ما قعد لـك كذيـا رهينـه

بيني وبينك بيرق الحرب ينشـر

مانيب عبدٍ لك عند هلك مشترينه

ومسامحينك بالخطـا لا تعـذر

ناسٍ قعـود بيوتكـم عاقلينـه

عساك ياراع القعـود المشـذر

تركب عليـه ولا ادرّج جنينـه

الا اني أخـذ رادتـي وأتبختـر

يسلم جملك وساعةٍ ماهي شينه

وأقول لا شفتوا ندامة ولا شـر

وأقرأ لكم عمّا وتبـارك بطينـه

مرافـقٍ در ونمانـن تـقـل ذر

والكل ما يلقـا خويـه حتينـه

[محمد عبدالله البدراني]

يا بدر ما تخفـى علـي السواليـف

ياطيـب الرفقـة .. بعيـد الهقـاوي

ادري واعرف ملامس الشلف والشيف

ورفيق الابرق من رقيـق النـداوي

لكن اطوف فاضي الحكـي تطويـف

لين إنهـا تاصـل حـدود اللحـاوي

وليا التفتنا لـه هدمنـا الغطاريـف

بمطـرق يبعـد خفيـف الاهــاوي

كد هيز ياوافي الخصايل وكد عيـف

ملامسـة يحيـر فيهـا الـمـداوي

ليا طب ميدان النفـوس المشاريـف

حطت ووطت مـن كثيـر العـزاوي

والاّ الكمـال لواحـد حـي ومنيـف

ذا الجود والحبل المتيـن الرّهـاوي

محيي النفوس..وخالق المزن والريف

محيي الهشيم اللـي شعيبـه سنـاوي

ما اقول انا عنتر ولا اقول انا ستيف

اقـول وهـاب الوهايـب سمـاوي

لكن ليـا منـي رفعـت المراظيـف

سـم الحنـش وسمهـن امتـسـاوي

وليا ضرب رمحي مدق الشراشيـف

شـال الصفـاق وصلّعـن الكـلاوي

يوم الردي في مذهب الكلب حريـف

يندس..وذي عادت الكلب الشـواوي

يا صلك غافل ويترعرع ليـا شيـف

ويروغ ليا قلت الخـلا يالضـراوي

لكن خله يـا بـدر يركـب الهيـف

يطويك فـي بشتـه وانـا بالعبـاوي

والحر يدري ليش نصبر على الحيف

وش هو مدانـا لابتلاتنـا البـلاوي

ماهي سواليـف الوجيـه المكاسيـف

عشاقـة الميلـة بلـيـا حــراوي

على الرفيق يصلفحـون التصانيـف

ومن الهبـوب يسخـرون الجنـاوي

والضد يـا خذهـا عليهـم مدانيـف

والكـل معطيـه القفـا مـا يـراوي

كنـه مكتـف عـن تحديـه تكتيـف

لكن مـن العانـي يبـون العشـاوي

باصرار وبـرزة خشـوم مشانيـف

وان ذار مالك تنشـده ويـش نـاوي

يضرب بك الغبة ويظهر على السيف

ويطير بك يـم الكواكـب فضـاوي

يصل القمر ويرد فـوق العواصيـف

وانته معه كـن الرياحـي خـلاوي

وليا صرخ باذتـه دوي القواصيـف

راحـت حماريـه وتمـزعّ يـلاوي

من عقب ما هو حاتم الكف ياضيـف

وعنتـر ليـا غيـم نهـارٍ عمـاوي

ويطق با صبع لابن لعبون وحنيـف

وابن ربيعـة .. والحيـاة الخـلاوي

ما علق المنسف ولا علـق السيـف

مثلـه.. ولا غنّـى ولا عبـد راوي

هذا الدليل إنه على قصـر وسخيـف

لكن رايك.. وانـت رايـك كفـاوي

رايـك نسيـر فيـه لقـدام وانقيـف

والنـار نشعلهـا ونحمـي المكـاوي

[محمد عبدالله البدراني]

سبيل بن سند بن سبيل المزيني الحربي
من قبيلة الحصنان من مزينة من بني سالم من حرب 0
ولد سنة [[ 1356 هـ ]] في ضواحي مدينة محافظة الرس بمنطقة القصيم 0وقد إلتحق في سن ٍ مبكرة من العمر في اللواء السادس بالحرس الوطني في مدينة الرياض وكان أمير الفوج // ســلا ّف بن مفضــّـي البهَـيْمـَة وذلك في حدود سنة ( 1374 ) هـ وعندما إنتقل اللواء السادس إلى منطقة جيزان إستقال من الخدمة 0
وبدأ في ممارســة قيادة سيارات النقــل , وقــد مارس هــذه المهنة فــترة طويلة , ثــم تركهــا في سنــة ( 1399 ) هـ وإستقر في منطقة القصيم حيث إمتهن الزراعة , وذلك في منطقة ( دهيما ) الزراعية الواقعة جنوب مدينة عنيزة 0
وقد توفي ( علية رحمة من الله تعالى ) مساء الأثنين الموافق 13 من شهر محرم عام 1418 هـ , كما توفي إبنه سلمان في نفس الليلة 0
وله من الأبناء ستة وهم : سلمان وعقيل وثلاب وعبدالله وسند وحمد 0[1]
فرحم الله الشاعر // سبيل إبن سند وأسكنه فسيح جناته إنه هو أهل التقوى وأهل المغفرة0





ياأمير يا شين الخطأ منـك شينـاه
ياخوفتي عقلك هك اليـوم غايـب
يوم ٍ مثلك تزعل النـاس عوجـاه
رجّال عرف ومن حموله وشايـب
لاجا هل ٍ غي الجهل فيـه وأغـواه
ولا مسرد ٍ من كل الأطراف خايـب
أنته تقـول القيـل وتجيـد معنـاه
شالك هوى نفسك على غير صايب
لا كان حنّا مـن تحـدى إنتحـداه
من دون واجبنا نجيـد الصوايـب
ياشايب ٍ غي الجهل تـوّ مـا جـاه
يبى يعيب النـاس والعـود عايـب
يا ضريغط اللي شال همـن بدنيـاه
ياذيب بيـن معكرشـات الذوايـب
إن كان عنـدك للفعايـل إمجـازاه
حرب ٍ عمامك يوم مـسّ الجنايـب
غصب ٍ عليك وصامل العلم تلقـاه
ان طاب لك وإلا على غير طايـب
أبـوك معطينـا الأخـاوه بيمنـاه
لولا الأخـاوه راح مالـه نهايـب
يا من سواليفـه توسّـخ شفايـاه
ذيب العلوم ولا ذكر لـك حرايـب
طوبى مقرّ اللي ولى الحكم وأرساه
يامآ رسى واليوم حـدر النصايـب
ورّث حبيب الشعب عقبـه تـولاه
فيصل على كبد العدو سـمٍ ذايـب
بظلال أخو نوره مشى الذيب والشاه
خلّى الغنم والذيب تمشي صحايـب
وخلاّك يالنمرود تمشـي بحسنـاه
وتحط بالشعب السعودي عصايـب
والله يلو يدري عن العلم وأقصـاه
مالك شفاعه لـو تشفّعـت تايـب
مغترّ فيك الله على الخيـر يقـداه
وش عرّفه لك عند مطلق حلايـب
ماشاف نزل ٍ لـك يـدق الخونـداه
بمعيلـه مثـل الخجـز واللعايـب
نزل ٍ نشوفـه والمخاليـق تدهـاه
نـزل البـلاوي كلهـا والمصايـب
عن روس خلق الله وأنا أبراي لله
عن ناس ترعى في طرفكم حبايـب
لو فيك خير ووجهك الشّين ينكـاه
مـا تعتـرض لمكمّليـن النوايـب
وأولاد وايل عن سوالفـك مغنـاه
ماهـم بعـوزك يامـدوّه زرايـب
قطعانهم عشب الخطر غصب ترعاه
ترعاه أباعرهم لـو الـدم رايـب
وحرب ٍ قواطيع ٍ على الخيل وإرماه
عوق الخصيم مـورّدة كـل هايـب
وشريدة الفرسان وشلـون تنسـاه
وشلون تنسى يا طويـل الخبايـب
اللي على شيل الجماهـي مضـرّاه
يمناه والفسقـان سيـف العطايـب
وإبن نحيت اللـي نهـار المثـاراه
كم كبد حـي ٍّ شـب فيهـا لهايـب
على أبلج خلّى الظـواري تعشّـاه
وبطوع إخو نوره تعشّـى كتايـب
وإبن جزاء يوم النضا جـاه ينخـاه
وشلون تنسـى يالعيـن الصلايـب
يوم ٍ يشيب الراس من حس طرياه
بيـن الحناكيـه وذيـك الجذايـب
وفيحان إخو نوره تحت حد شلفـاه
كم فارس ٍ خـلاّ عظامـه حطايـب
اللي بجاهه يوم زاروا هـل الجـاه
رد الذويبي مـال رايـح كسايـب
ماخوذ غصب وضمّر الخيل تشعـاه
وشلون تنسى ياعجيـب العجايـب
ونسيت إبن ناحل مع الضيف وقراه
هيف السّمين اللي بها النّي سايـب
اللي يدسّم شارب الضيـف لاجـاه
الخيل يعطيها وعطا البـل وهايـب
ونسيت منور ذيب جمـع ٍ سرايـاه
مثل الدّبا الكتفان ريـف القرايـب
حرز الذليل اللـي يفـك المخـلاّه
نسيت إخو حسنا عطيب الضّرايـب
وذويـخ بالعربـان تكثـر رزايـاه
إليا شان نطق إمّيْليـن العصايـب
كم هيّة ٍ زيزومهـا جـاب حسنـاه
وسعود من بعـده يفـك النّشايـب
وإبن جديع اللـي بهيّـه ضحايـاه
فرسان قـوم ٍ فـوق قـبٍ ربايـب
يبـون وضـحٍ بالأباهـر محنّـاه
افتكهـا ووّهـل جبرهـم نكـايـب
ونسيت مانع حوض مـوت منايـاه
ماتأخـذ إلا محتمـيـن الدّبـايـب
كم فارس ٍ قرّب له أجلـه وغفّـاه
وعليـه خـلاّ للحوايـم لـوايـب
من كف إخو فـزه نواعيـه تنعـاه
عليـه هـلاّت العبايـر سكـايـب
ونويشي اللي بالخوي كل ٍ أوحـاه
بثرأ خويّـه عـن عوانيـه نايـب
قص أربعه وإثنين والسّابع أنجـاه
أنهى الملام وخاطره ماهـو طايـب
وأبوك يالهيباد مـن فـك بحمـاه
يوم الرصاص بنوع وبل السحايـب
برّم عصب رجليه وإنّـا احتمينـاه
دونـه فعلنـا معجـزات ٍ غرايـب
واليوم عندك لـه محبـه وملجـاه
غوّال إبوك وحايب ٍ بـك حوايـب
والا ما تنسى وطيت ٍ فوق علبـاه
وميقافنـا لا دفلجـن بـك ركايـب
جينـاه وإربـاع المبانـي ممّـلاه
في كل بيـت ٍ مكتّفيـن ٍ قضايـب
واللي نزل عنـده ثلاثيـن جمهـاه
بين الذرا والنار ضـم الحضايـب
من عرض من ربص هكاليوم بدماه
راع النقا والفوز يـوم الغصايـب
راسه سبق كفه على عرش ماطـاه
من كف إخو جوزاء وأبوك السّبايب
فعل ٍ على وضح النقاء ما إخترعناه
ما هي سواليف الوجيـه القلايـب
وأضحى جزاء ميقافنا اللي وقفنـاه
شبّهتنا ضيـن ٍ رثـع فيـه لايـب
ذيب ٍ يرد من أول الضّيـن لتـلاه
الشّكـوى لله ياكبيـر القطـايـب
والله والله واحـدٍ مـا أتمـهـزاه
بالكـذب..والله يالقلـوب اللبايـب
لولا القمر وسهيل والجـدي لـولاه
لأقول قـول ٍ مـا تعقبـه طلايـب
مار بذرا العنبـر تركـت العلنْـداه
ياللي تبي بالكـذب تأخـذ غلايـب
يالطّايش اللي طيّشه كبـر مركـاه
هلا هلا ياحـوش بيـض التّرايـب
هذا جداك وغيـب قلبـك عرفنـاه
مار الغلط مرجوع وإنس الحزايـب
إما تعـذ ّر عـن مقالـك ومنشـاه
عبر الأثير ولا نبـي لـك نجايـب
يـوم المجلّـد كـل حـيٍّ ٍ تمـلاّه
تراك ما أنت من الإذاعـه نعايـب
دفترك ما خصيت به يـوم نقـراه
قاريـه أنـا ومسطّراتـه عرايـب
حتى تعذ ّر لـك لنـاس ٍ مسمّـاه
كرّ النّظر وإحسب جميع الحسايـب
كرّ النظر وإضرب علـى ماتـورّاه
وعندك طريق العافيـه والعقايـب
إمّا حفرت البير وإقطن علـى مـاه
وإلا تدمّـه دام مـيّـه سـرايـب
مادام كـل ٍ ماسـك ٍ مـاه بلـزاه
وإلا تعرّضت المحـن والصّعايـب
يمّـك ملاييـن المدافـع معـبّـاه
وأقفالـهـا قيّـادهـا بالكـرايـب
الطّيـش لايحرمـك لـذ المسـاواه
إعرف ترى للطيش غيب وغبايـب
إلا إن عندك للخزى ميـل مشهـاه
معجبك مالك من فعولـن ٍ رهايـب
فالله خلق للداء دواء وأنت من داه
ودواك للجـرّاح فيـه الطـرايـب
يامـا لعينـك مـن مغثّـه ومـاذاه
ياللي بحركم يامليـن الـذ ّهايـب
به حصة ٍ بيضـاء تـلالا مغطّـاه
غيّم سماها بين خضـر ٍ رطايـب
ماأدري ركبها غبار شيول ومسحاه
وإلا بهـا زدتـم إعـداد الجلايـب
لاوا قفيـن ولا بالأعيـان شفنـاه
حظـي بـري لله علينـا رقايـب
حظي بري ما قالوا النـاس قلنـاه
وبحظ من جاب الخبر لـي جايـب
ياطير إبن برمان مـدري حلايـاه
ياللي تبـي فينـا تحـط النّقايـب
ماهو هلا يالمنتسب عقـب عفنـاه
حنّا جبرنا مـا يحـوش القشايـب
ولا عندنـا لـك يامحمـد مناجـاه
خبل ٍ تومِّي فـي شنبـك الهبايـب
تبي تمثِّل عنتـر الخيـل جهجـاه
تمثيل وإلا مسـرد ٍ ماأنـت ثايـب

[محمد عبدالله البدراني]

والبقيه تاتي ان شاءالله

واي طلبات على قصائد الشاعر الكبير مستعدين باضافتها


تحيتي وتقديري