( سر اندهاشي )

[سناعيس]

أخواني أخواتي الفطاحله الكرام
هذه المتواضعه بعنوان ( سر اندهاشي)
آمل أن تجد القبول لديكم
..

بديت باسم الله بصدر(ن) على شه=والعجز في تاليه وقف على شي
وسطرت أنا الأبيات للخلق فشه=مدري قنوط أو ياس والا إندواشي
ومما بقلبي ساطي(ن) به يحشه=ذكرت أنا للناس سر أندهاشي
غديت مثل اللي بلحظه يلشه=ماس(ن) من الكهرب بسرعة رماشي
وعافت عيوني نومها لايخشه=ولاجيت أبرقد كرهني فراشي
والا مثل من جاه بالعقل وشه=وأضحى على عيونه سواة الغباشي
واحس نفسي صابها تقل كشه=من هول ماشفته وزاد إرتباشي
شفت العراق اليوم كل(ن) يدشه=من عقب ماهو عاصي(ن) مايناشي
يوم(ن) كل(ن) جاب جيشه يهشه=مثل الغنم مدفوع سلاحه بلاشي
وصار الأمريكي كل راس يطشه=وفي دم بارد يذبحه تقل حاشي
وقاموا يقشون الجثث بالمقشه=ولايسمع الا أصوات رمي الكلاشي
وعقبه تنادي بالسلام أم كشه=هذا تليوق له وهذا طناشي
وأثبت لنا التاريخ عن صدق غشه=وإن العرب قسمين مرشي وراشي
وان السياسه مضمحله وهشه=للشرق الأوسط وأرضها من هشاشي
وأقرب مثال(ن) حي القدس رشه= بوجيه كل الناس عقب الهواشي
فتح وحماس الكل ولم محشه= وكل كشف عن نيته مابغاشي
هذا يبي منصب وهذا يششه=وهذا يصدق كل من جاه واشي
ولولا أبو متعب كل غيض يفشه=كان القضيه عقدوها الخشاشي
وصرنا كما العصفور في وسط عشه=في جو بارد والمطر له طشاشي
ومثل الغريق اللي تشبث بقشه=الموج عالي والبحر بإرتهاشي
وصلاة ربي عد مزن(ن) ينشه=على النبي واعداد وبل الرشاشي

..
وسلامتكم
30/2/1428هـ

[كريمة محمد]

[glint]

واحس نفسي صابهـا تقـل كشـه
من هـول ماشفتـه وزاد إرتباشـي
شفت العراق اليوم كـل(ن) يدشـه
من عقب ماهو عاصي(ن) مايناشي
يوم(ن) كل(ن) جاب جيشه يهشـه
مثل الغنم مدفوع سلاحـه بلاشـي

[/glint

الله الله الله عليك اخى سناعيس
قصيدة مااا اجملها
تسلم لنا اناملك اخى
وادمت ولا هنت
تحياتى لك

[مبروك بن ماضي]

الشاعر القدير / سليمان السكيبي
لاجديد سوى الابداع الغير مستغرب من اهله.
ولا نملك امامه الا التصفيق بحراره..
تحياتي وتقديري لك ولاهنت
أخوك / بن ماضي

[منيع]

الاخ الشاعر/ سناعيس
ابيات رائعة
تصور واقعنا المؤلم الان
تسلم على هذه الوشوشه
تحياتي وتقديري

ما اجمل ما كتبت وما ابلغ ما نطقت كلمات له رنين ولها صدى يطرب القاري كأنه يسمع نبرات تلك الحروف نعم
هنا اجد الكلمه والحرف الراقي فماذا عسى ان اقووووووول لك هل اكتفي بصح لسانك وعلى شانك ولا فض فوك لا اعتبرها كافيه في حقك
ولاكن سوف ابقى ارتوي نبع ما تخط اناملك وفي انتظار ما يستجد لديك
ومتابعتي بشغف له
تحياتي لك
اخوك
سراب الراحل

[الخنساء]

وأثبت لنا التاريخ عن صدق غشـه
وإن العرب قسمين مرشي وراشـي
وان السياسـه مضمحلـه وهشـه
للشرق الأوسط وأرضها من هشاشي
وأقرب مثال(ن) حي القـدس رشـه
بوجيه كل الناس عقـب الهواشـي
فتح وحمـاس الكـل ولـم محشـه
وكل كشـف عـن نيتـه مابغاشـي
هذا يبـي منصـب وهـذا يششـه
وهذا يصدق كل مـن جـاه واشـي
صح لسانك اخي الشاعر نائب المشرف
قصيدة ترجمت الواقع المر
لاهان راسك
سلمت وسلم شعرك
دمت بخير

رائعه جدا صح لسانك


واقع نحاول ان نتناساه ولكن لن ننساه



تحيااااااتي لكـ

مرور وتسجيل إعجاب بما قرأت

وتفاعل جدير بالإشادة مع هم من هموم الأمة

بارك الله فيك وأكثر من أمثالك

وفقك الله

،،،،،،،،،،
،،،،،،
،،،

[عيدالماجد]

لاادري مااقول وكيف اعلق على هذه الرائعه هذه اللوحه الجميله التي اتحفتنا بها وصورت لنا واقعنا المرير الف صح لسانك وعلا شانك

[ابو زياد]

في ذمتي انك ذيب
صح لسانك ياسليمان
ولاهان راسك على هالابيات الساطعة
و التي تحمل الكثيرالكثير من القوه
تحياتي