مدة يمينه تسبق البحث في ويب

[طلال البدور الشهراني]

السلام عليكم
بعد الغيبه اجلب لكم هذه الابيات المتواضعه
في شخص فوق مستواها اخي ظافر بن مظف المريري الحارثي

الهاجس اللي دوم للحروه قريب=مايطربه مدح الضعيف الهداني
لاما نوى الامداح جته العواقيب=كم عقبةٍ تردع ورود المعاني
كن العروق لكل زوعه مقاطيب=ماهيب تطلق له سراح وعناني
الا ليامنه بغى منهج الطيب=وامداح رجالٍ فحل صيرماني
ياكيف ماتطلق جداد المكاتيب=للي علومه للنشامى بياني
ابومظف منصى الاهل والاجانيب=واللي حداه الوقت واصبح يعاني
رجلٍ مضرى بكرمة النفس والجيب=ماهو مضرى بالوطا والطماني
ممشاً معه من بطن بيشة ليا طريب=كنه من الكعبة لركن اليماني
مدة يمينه تسبق البحث في ويب=ومن غزرها مثل الغروس المجاني
من ضحكة الناجد له حظوظ ونصيب=اوفر من اللي بِشّر بنجل ثاني
من روس قيفٍ يفعلون المواجيب=بلحارث اهل المقديات الظماني
لترج حرزٍ بالسيوف المعاطيب=لاجات صكات الدهر والزماني

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[حرف وشعر]

الشهراني ابيات جدا رائعه ويستاهل من كتب فيه

دمتم علي خير

[داعي الشوق]

صح لساااااااااااانك مليوون يا طلال

و الحمدلله على السلامه

قصيدة طيبة و جزلة

ولاهنت يالشاعر

و يا هلا بك من جديد

******************

[جهاد الشعلان]

صح لسانك وسلم بنانك

والنعم في المادح والممدوح

اهنيك على جزاله حرفك

تقبل مروري

[كظيم]

ونعم فيك يالشهراني والنعم في الحارثي

وصح لسـانك على هـ الشـامخـه
ابيـات جزلـه ووافيـه من وافي لشخص يستحقهـا
ابدعت يابعـــدي
تقبل مروري المتواضع لاهنت
ودي وتقديري

[الخنساء]

صح لسانك مليووووون ولايكفووون

قصيدة جزلة من شاعر متمكن

سلمت ودام حرفك

[عبدالعزيز العمار]

يستاهل المادح والممدوح كل خير

صح لسانك ياطلال ولاهنت

جزله من راس جزل

تحياتي وتقديري

[نجم الإبداع]

طلال البدور


صح لسانك

مصافحه طيبه

لاهنت

تقبل مروري

وتقديري

[عمر ال شيبي]

صح لسانك يا مبدع

وطيبه من طيب