ولم حطب

[عبدالله الشويمان]

السلام عليكم ورحمة الله وبركاته..

احبتي القراء.اقدم لكم هذه الابيات لعلها ترضي ذائقتكم...

ولم حطب يا عاشقٍ شبة النار=الصيف رووح والبرود اقبلنيا
جانا الشتاء ويالله علام الاسرار=تجعل مزون الوسم معها يجنيا
تنزف على كل الوطن جزل الامطار=تسقي عروقٍ بالثرى ويحينيا
حتى تصير القاع مكسيه خضار=سرور للضعان واهل المدنيا
والبل ترعى والغنم ليل ونهار=ويحلا حليب ضروعهن واللبنيا
وإن هب ناسناسٍ تعطره الازهار=زهر الخزامى والنفل يشعبنيا
ويا ما حلا المجلاس في ظل الاشجار=في روضةٍ والعشب فيها اخضرنيا
وبالليل في بيت الشعر حولك وجار=فيه الدلال بهيلهن فوحنيا
معك من السُمَار مجموعه أخيار=هروجهم للمستمع يطربنيا
فيها قصص والغاز ونكت واشعار=عوايدٍ عند النشاما مشنيا

عبدالله الشويمان=الرعد

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[منيع]

ياسلام عليك
مبدع وجزل ياعبدالله
تحياتي لكم

[ساهر الليل]

صح لسانك يابو بدر

خذني معك للبر ههههه

رائعه انت راعيها كما عهدناك

تقبل تحياتي

[خالد محمود الفردي]

صح لسانك استاذ عبد الله


شعر في الصميم ..

[داعي الشوق]

مشنيا .. الله الله يا بو بدر

هذي دواة الروح

الله يجيب الخير

و صح لسانك و دام حرفك

ولاهنت لاهنت

[بنت النور]

صح لسانك وعتلى شانك
ياشاعر الفطاحله اهنيك
على الذائقه الرائعه
لاهنت
تحياتي

[حرف وشعر]

أمين يأالشومان علينا وعليكم وعلى جميع المسلمين وان يجعلها سنة خير وبركة وفرج ،،

شكرًا لك ،،

[الطامي]

الشويمان
صح السانك ملايين
ابدعت واجدت
الله يستجيب داعائنا ويرزقنا الوسمي المبارك
شكرا لك

[الراقي]

صح السانك

راائعه

دمت ودام قلب ينبض بين اضلعك