جديدكم لكم ........" البارحه جونا ماطر"

[يعقوب الشمري]

البارحـه جـونـا مـاطـر=ومن "حولنا" النار مضويـه
باطـراف "تنهـات" خيمنـا=شلـة شبـاب ٍ عزوبـيـه
الكـل يضحـك و"متهـنـي"=ماللحـزن صوبهم "نـيـه"
الا انـا اكـسـر الخـاطـر=مـن سبّتـك يالشقـاويـه
يابنـت ياللـي تركتيـنـي=ماتنفـعـك هالمـزاجـيـه
المشكلـه عـارف ٍ طبعـك=لاتـدعـيـن المثـالـيـه
لاكن عـزاي الوحيـد انـي=اغليـك رغـم " الانانـيـه"
لاجيـت ابنسـاك اتـذكـر=ذيـك البـراءه الطفولـيـه
ايـام عدت وكنـا صغـار=فينـا الطبايـع سمـاويـه
نضحـك بـلا قيـد ونغنـي=احلـى الاغانـي الشماليـه
ماكنا ندري بحجـم الذنـب!=وحنـا نـردد " يامرعـيـه"
تتذكري زيـن ...ولازيـد !=تتذكري زيـن ... يابنيـه؟
بالعيد نفرح عشـان نقـول=عطونـا يانـاس عيـديـه
الله واكبـر يـاذاك الوقـت=ياحـبـنـا للفضـولـيـه
يامـا ويـامـا تهاوشـنـا=ياانتـي بالحيـل "شـريـه"
ويامـا لعبـنـا بحارتـكم=علـى "السياكـل" ورجليـه"
تتذكـري زيـن ...ولازيـد!=تتذكري زيـن .... يابنيـه؟
نلعب سـوى دوم واحد طش=واعـد لـك دون هالمـيـه
وادورك لـيـن مـاأتـعـب=واقـول وينـك يا"فوزيـه"؟
اتذكـرك تختبـي بالحـوش=بالعشه "حولـه" و"حواليـه"
والقاك صدفه !! بوسط البيت=متخـبـيـه بالـدوانـيـه
تحت "الدواشق" وذيك الفرش=كنـك مـن ايـام منسـيـه
اشد "شعرك" وانـا مقهـور=واقول ..قومـي .. ياجنيـه
تقولي "يعقوب" وشـبك انت؟=مافيـك رحمـه ومـاويـه؟
حسيـت بالبـرد واتغطيـت=تعبانه بالحيل ...مـو ليـه
أثريني فجأه... "دفْيت"ونمت=وتوي دريت انـي هنيـه!!!
تتذكـري زيـن... ولازيـد!=تتذكري....زيـن يابنـيـه؟
تتذكري زين ؟ ولازيد !=تتذكـري زيـن يابنـيـه؟
بالطين يامـا بنينـا بيـوت=ونمرهـا كــل عصـريـه
وبالليل نسهر "انـا" و"يـاك"=علـى قصـص هالحراميـه
واروح لل"مدرسـه" نعسـان=وانتـي ولا داريـه فيـه !!
بالفصـل ارقـد ولااهـتـم=وذي "حالتي " كـل صبحيـه
كم مرة ٍ ... مرني الاستـاذ=وبذاك " العصا " قطّـع ايديـه
تتذكري زيـن ... ولازيـد!=تتذكري زيـن.... يابنيـه؟
تتذكري كنـت " نصـراوي"!=وانـت بميولـك "هلالـيـه
الموج الازرق وفارس نجد=افضل نوادي السعوديه
اليالتقوا اطربونا صح= وصار اللقاء فيه نديه
البارحـه جـونـا مـاطـر=ومن "حولنا" النار مضويـه
باطـراف "تنهـات" خيمنـا=شلـة شبـاب ٍ عزوبـيـه
الكـل يضحـك و"متهـنـي"=ماللحـزن عندهـم "نـيـه"
الا انـا اكـسـر الخـاطـر=مـن سبّتـك يالشقـاويـه

[خالد العمري]

الله الله الله

فعلاً نص رائع يحمل قصة رائعة تخيلتها كامله

يعقوب الشمري

صح لسانك وأعتلى شأنك
أتحفتني بهذه الرائعة
ومن هنا أطلب منك مشاركتنا في الموضوع التالي

http://www.fatahilah.com/showthread.php?t=19636

حيث أنني أحس بأنك سوف يكون لك شأن

صح لسانك

قصيدة رائعه وعفويه وجميله
من القلب إلى القلب

كل الشكر لك عليها
دمت بخير

[عادل العتيبي]

صح لسانك



ياسلام على هذه الروعه


استمتعت بقرائتها



لاهنت

تقبل تحياتي

[يوسف بن صالح]

اخوي : يعقوب الشمري

صح لسانك الوووف


يامـا ويـامـا تهاوشـنـا
ياانتـي بالحيـل "شـريـه"

وش لك بحب الشرانيه وانا اخوك


الله يهنيك


لا عدمتك

إبداااع يايعقوب


صح لسانك حتى ترضى



لاهنت


إحترامي وتقديري

[سناعيس]

يعقوب الشمري
صح لسانك على هذه الهجينية الرائعه
وماناقصها الا شيله على راس طويله

لاهنت وبيض الله وجهك

تحياتي

[الأموره]

الشمـري ،،

أبدعـت في صيـاغـة الكلمة

جدا رائع ،،

صح لسانك ملايين

سلمت و سلم فكرك

الف شكـر لك

دمت برعاية الخالق

الله يعينك يالشمري صح لسانك

[نجم الإبداع]

ارحب يايعقوب

صح لسانك

قصيده وافيه وعلوم طيبه

ابدعت ياشاعر

لاهنت

فائق الاحترام