من عاند صروف الليالي تـبـيــده

[فواز الغسلان]

مـن عـانــد صـروف اللـيـالـي تبـيـده=ولا فـيـــه بـيـتٍ ســالــمٍ مـن رزاياه
وقـلـوبـــنـــا تـفــرح الـيــا عـاد عــيــده=ونركض نـطـارد فــرحــةٍ مـا لـقـيـنـاه
والـعـيـد يـنـقـص عـمـرنا مايـزيـده=ويخـصم مع اللي بالـتـعـاسـه طـويـنــاه
والـنـفـس لـو عاشت سنينٍ مديده=لابـد مـن يـومٍ عـلــى الـقـبـر ملـفــاه
مـلـفــى فـقـيـر الـقــوم والا عـمـيده=ويـاقـصـر دنـيــــانــا ويـاطــول مسراه
نـرجــي وعــايــدهــا ونـنـسى وعيده=ولا كل من ســاق الـمـواعـيـد وفــاه
واكـثـر سـوالـيـف الـعرب ماتـفـيـده=وحـنا اليا جـتـنا السوالـف حكيـناه
وطبع الرجال اهل العقول الرشيده=تـتـرك وكـالــة قـيــل والا سـمـعـنــاه
وتـشـرب نـبـوع الـهرج دامه رغيده=ولا تـقـربـــه لاشـافـت الطـين في ماه
الـنـاس تـمـشــي بـالـعــلـوم وتـعـيده=لا صــار ماتـخـــشــى ولـــيــــه وتـدراه
والا الـبـشـر دايـم عـيـوبــه عـديده=وربي جعل نقص الـبـشـر من مزاياه
والـصـبـر يـاتــي بالـعـلـوم الـوكـيـده=عـن قــولـةٍ يـاحـيـف هـذا ظـلـمـناه
ولا كل من يـنـصـح دروبـه حـمـيده=وفـرق الخـلايـق بـالـفـعـايـل نـوايـاه
والحـسـد يشعل بالـضـمـايـر وقـيـده=باللي حـسد غـيره على رزق مـولاه
لا شـاف خـطـوات الـنـشـامى بعيده=وهو طول وقـتـه جـالـسٍ عند مركاه
يكره مدوح اهل الدروب السديده=ويضحك بـرجـلٍ مايجـي مثـل ماطاه
ودارٍ يـجـــيـك مـن الـمـغــــثــه بـريــده=ارحـل تـرى مـوت الـقـهر في زواياه
الـذيـب مايـرضـى مـع الـنـاس قـيـده=والـقـرم مايـرضـى الـمـهـونــه بـدنـيـاه
والـطــيـــر لا ثـارت بـواريـــد صـيــده=يكـفــخ ويـتــرك عـش بيضه ومـربـاه
لا شفت جرح الـغـبن ينزف صديده=مايـنـفــع الـمـجـروح بالـنـاس شكـواه
ارحـل وتلـقــى لـك ربــوعٍ جـــديــده=وتلقى الذي يحـفـظ حـقـوقـك ويرعاه
والـنـفـس لـو تـسـكن خلاها وحيده=ولا واحــدٍ كـن الـمـعـيـشــه بـمـخـبـاه
ورزقـك عـلـى اللـي مايخـلـي عـبـيـده=ولو نـمـلك ارزاق الخـلايـق مـنـعـناه
لـو مـاتـكـــيــــده راح يـبـــلاك كـــيــــده=والـنـاس كـلٍ يـجــذبــه ســاس مجـنـاه
لابـان رزقـك تـقـل تـشـفـط وريــده=والا تـقول الرزق من كـسب يـمـناه
وان قمت صوبه لاجل تلـعـن كديده=تـقـعـد تـطــارد بـالـمـحـاكــم قـضـايـاه
وصارت صداقــات الـمـراجل زهيده=كـلٍ يجـي للـروض من شـان مرعــاه
يـسـري مـعـــه والـبرد يـردم جـلـيـده=ويـفــزع لـو انــــه تــالــي اللــيــل نـاداه
والـيــا عـطــاه الـحـاجة اللـي يـريـده=اعـطــى الرفـيـق بساعة الضـيـق علباه
عـيـنـه على مال الـرفـيـق ورصـيـده=وان طــاح راح مـن الـرزالــه وخــلاه
وكــم واحــدٍ لامــات مـاهـو فـقــيده=والـنـــاس تلـعـب فـي حـلالـه وتـنـساه
لو شفت نعي الـناس وسط الجـريـده=ياكـثـر من يـفرح يـبــي ســرع فرقـاه
وخـطـو الـولــد لامات مـاله شــريـده=وابـعــد ربـوعـــه بـالـمـخــالــيــق يـنـعــاه
وبـيـتٍ يـسـاوي بـالـمـعــانـي قـصـيـده=وقـصـــايـدٍ مـع طــولـهــا ضــاع مـعــنــاه
والـلـي يـريــد الـنــاس تـسـمـع نـشـيده=يـتــرك قـصــيــد الـمـصــلــحــه والمحــاباه
الـقـــــاف مـايـرفــــع قــلـــوبٍ بـلـــيــــده=ولا يـجــدع الـلــي بالـنـدى طال مبناه
ويـلـي عـلـى رفـقـة خـطــات الـولـيـده=اللي الـيـا شـاف الخـلـل فـيــك يـرفـاه
يـشـبـه لـنـاصـر بالـوقــوت الـشــديـده=اللي دروب الطـيـب طـبـعـه ومـمـشاه
شـيـــخٍ فـعـــولــه بـالـمــراجل مـجــــيــده=مـن نـقـــوة الـمــره وهـمــدان مـنـشاه
نـسـل الـصـمـيــخ الـلـي طـبــاعه فريـده=ولد الحصان اللي خذى الطيب والجاه
والـطـيـب يـبــقــى والخـــلايــق شـهـيــده=بـالـلــي عـطــى يــوم اللـيــالي عـسيراه
يـوم الــعـرب تـشـفــق لــذوق الـعصيده=يـامــا ذبــح كــومـاء ويـامـا عطى شاه
ومن طـاب تـبـقــى الـمـرجـله في حفيده=والـسـبـع يـنـجـب لـه سـبــاعٍ مـضــراه
غـــفـــران يكـثــر بـالـمـعـــادي حـصـيــده=وراحة خفوق اللي على الطيب خاواه
لا ذقــت طـــعـــنــات الـلــيـــال الـعـنــيــده=جـيـتـــه وشاف جـروح روحــي وداواه
طـبـــعــه قـلـــيــــل مـن الاوادم يـجــــيــــده=ولا كـل من هــام الـطــويــلات يـرقـــاه
وان مـاربـحـت مـن الـخــلايــق عـقـيـده=بـعــض الـعــرب قــربــه مـغـثــه وماذاه

[مبروك بن ماضي]

اخوي المبدع :
الشاعر / فواز الغسلان
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري

أخوك / بن ماضي

[بنت العز]

صح لسانك وعلا شانك
تسلم لاهنت
شكرررررررررررا

[الطائر المهاجر]

بوح رائع من شاعر رائع
لاهنت ولاهان مغليك
صح لسانك مليون
تحياتي العطره

[داعي الشوق]

يا سلام عليك يا بن غسلان

ولله دررررررررررك يالشاعر الرائع

وافي يا فواز وافي

و يستاهل ناصر الصميخ ،

ما يثمن الطيبين الا الطيبين

قصيدة قمة في الجمال

بها من الحكمة مع الابداع

و الثناء الشيء الكثير

شاعر من الطراز الأول

صح لسانك مع التقدير لك

[الـزلـزال]

فواز الغسلان
قصيده رائعه ومميزه وجزله
من شاعر عودنا على تقديم كل جميل وراقي
شاهدنا فيها حكم ومدح
صغتها لنا بكل أتقان وجزاله
صح لسانك ملايين ملايين
ولك فائق تحياتي وتقديري

[همس الورد]

الله الله الله

صح لسانك

و صح بدنك

و اعتلا شانك

قصيدة رائعة

تحياتي و تقديري

[زهرة اللوتس]

الشاعر فواز
سلمت وسلم فكرك
جزلة من شاعر جزل
لاهنت وبيض الله وجهك
تحياتي


زهرة

[عبدالعزيز الرقابي]

وكم واحـدٍ لامـات ماهـو فقيـده

والناس تلعب فـي حلالـه وتنسـاه

لو شفت نعي الناس وسط الجريـده

ياكثر من يفرح يبـي سـرع فرقـاه

وخطو الولد لامـات مالـه شريـده

وابعـد ربوعـه بالمخاليـق ينعـاه

وبيتٍ يسـاوي بالمعانـي قصيـده

وقصايدٍ مع طولهـا ضـاع معنـاه

واللي يريد النـاس تسمـع نشيـده

يترك قصيـد المصلحـه والمحابـاه

القـاف مايرفـع قـلـوبٍ بلـيـده

ولا يجدع اللي بالندى طـال مبنـاه

ماأجمل هذا النص الذي يزخم بالحكمه .. لله درك من مبدع ..
فواز الغسلان .. صح لسانك ..
وتقبل مروري المتواضع ومتابعتي المستمرة ..

تحياتي الطيبه ..

[الخنساء]

النـاس تمشـي بالعلـوم وتعيـده

لا صـار ماتخشـى وليـه وتـدراه

والا البشـر دايـم عيوبـه عديـده

وربي جعل نقص البشر من مزايـاه

والصبـر ياتـي بالعلـوم الوكيـده

عن قولـةٍ ياحيـف هـذا ظلمنـاه

ولا كل من ينصـح دروبـه حميـده

وفـرق الخلايـق بالفعايـل نوايـاه

والحسد يشعـل بالضمايـر وقيـده

باللي حسد غيره على رزق مـولاه

لا شاف خطـوات النشامـى بعيـده

وهو طول وقته جالسٍ عند مركـاه

صح لسانك واعتلا شانك

قصيدة جزلة من شاعر جزل

سلمت ودام حرفك