بالفطرة كذا جذّاب

[محمد بن عمار]

السلام عليكم ...
عندما يفرض الشعر نفسه
ويصرّ على رأيه بكل عنجهية
أستسلم له لاحول لي ولا قوة ،،
جديد هذا الفجر الجديد ،،،

بالفطرة كذا جذّاب

ألا ياراعي اليوكون ذبحي من بقرب الباب = عليه الله أكبر أشعل السرجوف نيراني
هنوف ٍ مرخي الغطوة ولفتاته بدون حساب = غرير ٍ أدعج ولأجل المكيدة يمضغ لباني
ندهته قلت له يانابي الأرداف قلبي ذاب = خف الله في مشاعر شاعر ٍ بالحب هيماني
سحرني فيك نظرات لعيونك تخطف الألباب = وأسرني صوتك اللي فيه من ترنيم الألحاني
جمالك يذبح العشّاق بالفطرة كذا جذّاب = وأنا من عقب شوفك ميت ٍ والخالق أحياني
رحيق الشوق من شأنك بوديان الحشا منساب = وخلايا الود من شوفك تجددّ وسط شرياني
تعمّد تطعن المجروح وجرحه في الحشا ماطاب = وتمشي في الجنازة وأنت فيها المعتدي الجاني
شكيت الوجد وأبديت العنا من غيبة الأحباب = وعذلت القلب لأجل رضاك يا مكحول الأعياني
معك يحلى السمر ياناثر الغره على الأهداب = ويطيب الليل لو تنقض جديلك فوق الأمتاني
أنا من يوم طيفك ما إستحّل الفكر عقلي غاب = وصارت عيشتي والنوم عقبك كلها أحزاني
خف الله في خفوق ٍ يحتضر لأجلك بدون أسباب = فلا ، حي ٍ ولا مقتول ، وسط الجوف ذوياني
ولولا إني أداري العيب وهرج الحاسد المغتاب = لأّبيّن ما بقلبي ،، وأعلنه لفلان وفلاني
وأقول إن خاطري والشّف من شوفة وليفي طاب = كلام ٍ صادق ٍ ماهو بهرجّة مزح بلساني
يشيب الوقت والأيام وراسي والشعر ما شاب = جريح ٍ للقصيد ونزف قافي إسم ديواني
وهذي حالة الدنيا تخلّي لك عداك أصحاب = وتعّود ، تقلب الأصحاب بعد الود عدواني

مودتي لشموخكم وتواصلكم
6 / 1 / 1432 هـ
محمد بن عمار

[العصفور]

شكرا لإمتاعنا بإبداعك
لاهنت
تحياتي

[منصور العبدالله]

لا يـاراعـي اليـوكـون ذبـحـي مــن بـقـرب الـبـاب
عـلـيـه الله أكـبــر أشـعــل الـسـرجـوف نـيـرانـي
هنـوف ٍ مرخـي الغطـوة ولفتـاتـه بــدون حـسـاب
غـريـر ٍ أدعــج ولأجــل المكـيـدة يـمـضـغ لـبانى




محمد بن عمار

اليوكن مضلل ولا لا......؟؟؟

وبعدين على هانظارات السود ماشفت الا اللى عند الباب

ماشفت اللى جنبه

هههههههههههههههههه

صباحك ورد صباحك شعر يا عذب


اطربتنا هذا الصباح

[منيع]

مبدع ومتميز
تسلم ياابن عمار
تحياتي لكم

[داعي الشوق]

الأمور اللي مثل هذي ما تجي الا الصباح الله يا كافي

و صباحك خير و شعر يا بن عمار

و صح لساااانك ملاييييييين

و لاهنت

**********

[الشيباني]

وفقك الله
وسلمت اناملك
تحياتي وتقديري

[الطامي]

م بن عمار
صح السانك
الله عليك يابو قلب خضر
رائعة جدا
لاهنت اخي

[حي الضمير]

صح لساااااااااااانك
قصيده كاااااااايفه ورائعه وابدعت
سلمت يمناك

[عبدالله الدخيل]

ما شاء الله تبارك الله


صح لسانك يا محمد وبارك الله فيك


متألق وجزل ونتعلم منك

ودي واحترامي

[عبدالله راشد الثويني]

اللــــــــه اللــــه

التلفت عند الاشارات مشكله هههههه

جزا الله من على باب اليوكون عنا خير ، اللي خلاك تظهر لنا هالجزله
صح قلبك يابعدي ولا هنت

وتقبـّـل تحيتي