لاجيت بعض الدواير شفت للزحلقه

[الطائر المهاجر]

كيبورديه من معاناتي مع بعض الدوائر ، وما عشته عن تجربه خلال الثلاثة اشهر الماضيه

لاجيت بعض الدواير شفت للزحلقه= ان كان مالك ظهر او "واو" تسند خطاك
كلٍ يشوتك مثل قوطي بوسط طْرقه = ولا رحت للي يديره رقّدك واحتواك
يرجعك للي سبب بلواك لو يرمقه= ماهوب داري بداره لو بهرجه معاك
تتعب بركضك ولااحدٍ شفت منه شْفقه= لو كنت عودٍ مريضٍ والزمن ابتلاك
ولا رحت يم المحاكم عشت في المزنقه= تتعب تلاقي مواقف لو تشوف الهلاك
ولا جيت تعقّب تحسبك ناصيٍ لوثقه= يقول اصبر تورّد ثم تاخذ سراك
ومن بعد شهرين وانته دايمٍ في طبقه= تحول على شيخ يعطي موعدٍ به شقاك
شهرين وإلا ثلاثه ماوراها عْتقه = وفي كل مره يؤجل فأنت هذا جزاك
الخصم غايب وحكمه مااهتوى ينطقه= لو كان حقك وضوح ومالحقه الشكاك
تطفش وتترك لحقٍّ تحسبك تلحقه= والخصم مبسوط يوم انه بظلمه اذاك
ونقول ليش التحايل رافعٍ بيرقه = والكاسب اللي مشى به مستغل لْغباك
في وقت كلٍ اذا لاقى لشي سرقه= ولا قيل احلف حلف لو الدلاله معاك
يعني انا وانت صرنا مضرب المطرقه= مادام فينا ضمير وما سرقنا سواك
حقي وحقك ضياعٍ خلف ذا الأروقه= وان لم تكن ثعلبٍ تنصاد بأدنى شباك

[زهرة اللوتس]

صح لسانك وفكرك
لاهنت
جزلة من جزل
تحية طيبه

[فهد الغنام]

صح لسانك يا مؤسس .. كلام .. ودائما قصائدك هادفه ..

تحياتي وتقديري لقلمك


فهد

[بدر الحافي]

يا سلام عليك
اصبت اي والله

شعرك رسالة دائما

الله يطول بعمرك
وصح لسانك

كتبت فأبدعت وأمتعت
صح لسانك
ولاهان راسك
ودي واحترامي

[الـزلـزال]

الطائر المهاجر

نص مميز ومتقن وهادف

من شاعر متقن ومتميز في كل حالاته

ابدعت وأمتعت طائرنا الراقي المميز

حلق بشعرك المميز الهادف ولنا الأستمتاع بتحليقه

أبعد الله عنك هموم المراجعات وأدام لنا تميز حرفك

صح لسانك ملايين ملايين

ولك فائق تحياتي وتقديري

[داعي الشوق]

يا سلام عليك يا بو عبدالله

حطيت ايدك على الجرح

صح لسااانك ملايين

لي عودة للرد بما يليق

ولاهنت

**********

[عبدالعزيز العمار]

الطائر المهاجر

صح لسانك ونظمك الجزل

وصدقت صرنا مضرب المطرقه

تحياتي وتقديري

[علي سعود العازمي]

بهذي معاك حق ياكثر الزحلقه هالايام يالغالي

صح الله السانك ولاهنت

تحياتي لك

[حي الضمير]

ابدعت حيل ياشاعر الحكمة
وملياااااار صح لساااااانك وفكرك