الفتنة

حمود السكراني · 29-10-2011, 02:40 PM

يالله تثبتنا على دين الاسلام = فالفتنة اللي جيمها سابق السين
الشعب ثار وثورته طشت أصنام =طاحت مع الثورة نجوم ونياشين
مايدوم بالدنيا تقيٍ وظلام =واللي يغًره ضحكة الوقت مسكين
انظر بها الدنيا وتدبير الأيام =كم غيبت سود الليالي سلاطين
والظلم باالدنيا مساحات واكوام = والعدل نبعه من قلوب المحبين
ميلام من هو عاند الظلم ميلام = لوكان كل الخلق ماعنه راضين
بس السؤال وش لبس الكافرحرام = وفسًر زنوده نخوةٍ للضعيفين
ان كان مالثورة بها شرع واحكام =وش عاد تنفع ثورةٍ تبعد الدين
ثورة مصالح شبًها اقلام وعلام = داخل مكاتب عند ناسٍ معادين
اصبر تشوف وصادق العلم قدام = بين الصليب وبين نجمة سداسين
ترى خلافٍ ضم فارس والأروام =مضمونه الكعكة تقُسم على مين
يهب يالكافر لهم يرسم احلام = خسئت ياحلمٍ وحى به شياطين
شوف اليمن ثم شوف ماحل بالشام = ومصر تخبط بين وحدة وثنتين
الله سندنا عن خبيثٍ ولوام =وعن كل من ذم الولاة الكريمين
محفوظ ياموطن به الوحدة حزام = والدين نهجه والسلاطين حذرين
من هم به لوهم ماتشيله عظام =محفوظ باسم الله مكيد الخبيثين
بقيادة اللي لعتدى معتدي قام =وقفة أسد جاه بعرينه معادين
يعيش ياصقرٍ جسورٍٍ ومقدام = اللي سكن حبه قلوب الملايين
شيخ لزم عدله على نفسه الزام = بدا بنفسه ثم رسمها قوانين
ملفى كبار القوم وضعوف وايتام =حبيب شعبه وجهة القلب والعين
عسى السلامة ترافقه طول الأيام = ياجعل ابومتعب دوامٍ على الزين

كظيم · 29-10-2011, 03:05 PM

اللهم آمين يارب

بعيد المدى
ما اجملك وما اعذبك وما اجزلك
قصيده عانقت السحـاب بقوتهـا وجمالهــا
سبك وحبك وفكر نيـّر من أول حرف لآخر حرف
صح لسانك وكلك يابعــدي
ابدعت في هذه الدره لله درك
تقبلني وتقبل اعجابي ومروري المتواضع لاهنت
ودي وتقديري