صــــــرخـــــة!!

[مروان الشيخ]

لأجل هؤلاء الاطفال

دوله على الضفه ودوله بغزّه=وياليتها دوله عشان تقسّمْ
شعب(ن) محاصر والمصايب تهزّه=والناس تتنفس على ريحة الدمْ
ظلام حاصرهم.. وظالم يتزّه=سكوت امه صابها البكم والصمْ
لو قلب حي يشوف منظر يحزّه=الا قلوب(ن) ماتت بجرعة السمْ
سم النفاق اللي تستر ببزّه=يكشف يدين مخضبه من تحت كمْ
اشكل مهيوبه و اناقه و رزّه=مثل الخشب منخور من شافه انخمْ
صرنا تحت رحمه بعير(ن) و وزّه=ودجاجة(ن) صقعا وثور(ن) معمعمْ!!
ياحيف يا امه نشت في معزّه=وشبت تلاطم موجها كنها اليمْ
كنا في حزه وانقلبنا في حزّه=تبلد الاحساس ما عاد نهتمْ
لو طير حلق.. يلحقه من يجزّه=يكسر جناحه قبل ما يطير وينمْ
شجعان في كبت الشعور المنزّه=ابطال في قتل الامل لو تكلمْ
واصبح كلام الحق كل(ن) يوزّه=يعنى تعودنا على لزقة الفمْ
عَقب الزقاره ما قدرنا نمزّه=الكِرْز كله دخنه من تحكمْ
يالبرد كيف احرق شتانا فجزّه=ويرجع لنا صيف الزمان يتبسمْ
ترجع لنا القدس الحبيبه بفزّه=تنفض غبار عزوم شعب(ن) محطمْ
يا من حكم ضفة نهرها وغزّه=هي ناقصه تقسيم شعب(ن) مقسمْ

[ابومياس]

اشكـل مهيوبـه و انـاقـه و رزّه
00000000000مثل الخشب منخور من شافه انخـمْ
صرنا تحت رحمه بعيـر(ن) و وزّه
00000000000ودجاجة(ن) صقعا وثور(ن) معمعمْ!!

ايش اقول يامروان

والله صدقت في كل حرف

يا من حكم ضفـة نهرهـا وغـزّه
000000000000هي ناقصه تقسيم شعـب(ن) مقسـمْ

اي والله مو ناقصة تشتيت وتقسيم

مروان الشيخ

صح لسانك وبيض الله وجهك

نص من ضمير حي

سلمت ودمت

[ابومالك رسام]

اشكر لك نخوتك وتفاعلك

مع اهل فلسطين الذين يضربون على ظهورهم

وضرباتهم في وجيهنا ابنا جلدتنا ولا ننصرهم

دمت بخير حال

[ماجد المهدي]

صح لسانك يا الشيخ

ابدعت ومعاني جزله

والله يكون في عون اخوانا المستضعفين في كل مكان

تحياتي لك

ماجد المهدي

[مبارك أبوظهير]

الله الله


الشيخ مروان ..



أنت مبدع وكفى .. لله درك ياشيخ



إعجابي .. ومتابعتي .. وتقديري




مبارك

[الطامي]

مروان
لاهنت وصح السانك

[ابوعبدالرحمن القريشي]

المشاركة الأصلية كتبت بواسطة مروان الشيخ

لأجل هؤلاء الاطفال

دوله على الضفه ودوله بغزّه=وياليتها دوله عشان تقسّمْ
شعب(ن) محاصر والمصايب تهزّه=والناس تتنفس على ريحه الدمْ
ظلام حاصرهم.. وظالم يتزّه=سكوت امه صابها البكم والصمْ
لو قلب حي يشوف منظر يحزّه=الا قلوب(ن) ماتت بجرعه السمْ
سم النفاق اللي تستر ببزّه=يكشف يدين مخضبه من تحت كمْ
اشكل مهيوبه و اناقه و رزّه=مثل الخشب منخور من شافه انخمْ
صرنا تحت رحمه بعير(ن) و وزّه=ودجاجة(ن) صقعا وثور(ن) معمعمْ!!
ياحيف يا امه نشت في معزّه=وشبت تلاطم موجها كنها اليمْ
كنا في حزه وانقلبنا في حزّه=تبلد الاحساس ما عاد نهتمْ
لو طير حلق.. يلحقه من يجزّه=يكسر جناحه قبل ما يطير وينمْ
شجعان في كبت الشعور المنزّه=ابطال في قتل الامل لو تكلمْ
واصبح كلام الحق كل(ن) يوزّه=يعنى تعودنا على لزقة الفمْ
عَقب الزقاره ما قدرنا نمزّه=الكِرْز كله دخنه من تحكمْ
يالبرد كيف احرق شتانا فجزّه=ويرجع لنا صيف الزمان يتبسمْ
ترجع لنا القدس الحبيبه بفزّه=تنفض غبار عزوم شعب(ن) محطمْ
يا من حكم ضفة نهرها وغزّه=هي ناقصه تقسيم شعب(ن) مقسمْ

اخوي مروان

عندما نفتح ملفات امتنا الجريحة نجد جراحا عميقة اصيبت بها امتنا منذ سنوات طويلة
تراكمت على مر السنين مما اثقلت كاهل امتنا
نسأل الله فر جا قريبا من عنده
صح لسان مليون على هذا الضمير الحي .

دمت بود

مروان الشيخ

صح لسانك

ابيات قيمه ورائعه الله يعافيك

لاهنت على هالنظم المميز

تحياتي

[الصريح العتيبي]

الاخ الشاعر/مروان الشيخ000000000000سلمه الله
صح لسانك واعتلى شانك
قصيده جزله
دمت بخير حال

[حي الضمير]

صح لسانك يامروان ابيات دقيقة الوصف ومؤثره تعبر عن الحال
ونسال الله ان يعين اخواننا المضطهدين في فلسطين