يوم الاحد جتني من الناس الاخبار

[احمد الكثيري]

يوم الاحد جتني من الناس الاخبار = أخبار ياكم كدرت لي مزاجي
قالوا رحل بعسوس والفكر محتار = فعلا خبر سبب لقلبي انزعاجي
جاني الخبر ناظرت بيمين ويسار = اظلم علي الكون واطفى السراجي
قمت اذكر الله واصبح الدمع مدرار = ماني مصدق للخبر والرواجي
قالوا حقيقه واشعلوا بالحشاء نار = وانا انثر الدمعه ودور خراجي
مرحوم يابعسوس ياوافي الاشبار = شربي بعد فرقاك كله هماجي
مالي اعتراض وبيد مولاي الاقدار = اقدار ربي ما عليها احتجاجي
مرحوم ياللي ماشكى منّك الجار = موتك ترك فيني جروح(ن) فجاجي
لاجيت بنسى كن بعضاي منشار = اقوم ادور في الحوايج علاجي
استرجع الذكرى من ايامنا صغار = والقلب بالفرقى غدى الهم لاجي
ساعة فراقك مؤلمه يابن لاحرار= دكت ضلوعي واستباحت سياجي
عنك انشد اللي حولي اصغار وكبار= واصيح بسمك ما يرد المناجي
ادري غيابك طال وبعيد الاسفار= لو تنطوي بالسير ياخوي لاجي
ياالله ياعالم خفانا والاسرار = بامرك نجى يونس وجاه انفراجي
ياقابل (ن) توبة عبيدك وغفار = تغفر لضيفك عدما البحر هاجي
ضيفك نزل لا جار حوله ولا دار= ياكود ن اعماله بقبره سراجي
يارب تجعل منزله روض وازهار=واغسل ذنوبه بالبرد والثجاجي
والا أنت ياللي برحمته مثل الامطار = تغنية لا قطعت سلوم التناجي

ملاحظه/
متوفره باليوتوب شيله بعنوان
مرثية رحيل بعسوس

انشاد معيض العسكري

[الطائر المهاجر]

الله يغفر له ويرحمه
ويجمعكم به في فردوسه الأعلا
ويحسن عزاكم ويلهمكم وذويه الصبر والسلوان

[منيع]

ابيات مؤثرة جدا
رحم الله الفقيد واسكنة الفسيح من جنتة
تعازينا لكم وللاسرة الكريمة

[داعي الشوق]

صح لسانك احمد الكثيري
الله يرحم الفقيد و يسكنه الجنه و اموات المسلمين
و يلهم اهله و ذويه الصبر و السلوان

و تعازينا لك و لهم

ولاهنت

[حي الضمير]

صح لسانك
قصيده رائعه
لافض فوك

[هترل]

صح لسانك يالكثيري قصيده مؤثره لاهنت
والله يغفر لفقيدكم وبسكنه فسيح جناته واحسن الله عزاكم
ودي

[عبدالإله]

صح السانك
انا لله وانا اليه راجعون
اللهم إنا نسألك بمنك وكرمك
أن تتغمد الفقيد برحمتك الواسعه و جميع موتى المسلمين

[ساهر الليل]

صح لسانك
واحسن الله عزائكم

والله يرحم ميتكم ويسكنه جنات الخلود

[الطامي]

الكثيري
صح السانك ملايين
ورحم الله ميتكم وغفر له
لاهنت

[عبدالله الشويمان]

صح لسانك يا اخ احمد

الله يتغمد فقيدكم برحمته ويسكنه فيسح جناته..

دمت بخير ولا هنت