اشهد ان الضرب في الميت حرام

[نجم الإبداع]

قالو الشعار وشبك ياكليم=ماتشاركنا بحرفك والكلام
قلت خلوني وانا حالي سقيم= قبل غزه مانفع كثر الملام
راح بيت القدس سموه اورشليم=والعراق اقفى وما شفنا هشام
المصيبه واضح الفرق العظيم = شلت ايدينا وضيعنا المرام
ماصنعنا ابره ولا نزرع هشيم =تابعين الغرب حتى بالنظام
مابنا همه ولا فينا حكيم =نرتعش لامن لفى منهم مدام
الكسل والوهن وافكار الفطيم =والجشع غطى على عيون الكرام
بيننا للغدر غز الفين نيم = والجراذي حول تاج العرف هام
العدو يصنع ويزرع دون ضيم = والعرب مايصنعون الا الظلام
همش التفكير واختال الخصيم=باسنا مابيننا يلهب ضرام
الهدف واضح بلا سينن وجيم=والشرف مانيل بافكار الحطام
الشرف بالجهد لو حار الحليم=في زمان العولمه شد الحزام
من يقاوم فيل هايج دون سيم=بين نيبانه وخرطومه يسام
يالله اني طالبك وانت الرحيم = اهزمن صهيون واخذل جيش سام
اشهد ان الوقت مايرحم يتيم=واشهد ان الضرب في الميت حرام

[ياسر عبدالرحمن الخالدي]

ماصنعنا ابره ولا نـزرع هشيـم
تابعيـن الغـرب حتـى بالنظـام


صح لسانك صح لسانك

دائماً لا تاتي الا بالصادق الجزل

[الطامي]

فلاح بن منشار
صحيح (( اشهد ان الضرب بالميت حرام ))
ولاكن لاحياة لمن تنادي
صح السانك وبنانك
واثابك الله على هالقصيدة الرائعه
لاهنت اخي

[مشبب عبدالله القحطاني]

من يقاوم فيل هايـج دون سيـم
بين نيبانـه وخرطومـه يسـام
يالله اني طالبك وانـت الرحيـم
اهزمن صهيون واخذل جيش سام
اشهد ان الوقـت مايرحـم يتيـم
واشهد ان الضرب في الميت حرام

السلام عليكم ورحمة الله وبركاته

أسعد الله جميع أوقاتك بكل خير ومسرة

أشهد بالله إنك أبدعت وصدقت في قولك

أشهد إنك صادق(ن) قولك حكيم = واشهد إن الغرب ألجمنا سهام
حالنا حال السقيم المستديم = لا علاج ولا وفاة(ن) في سلام
الله اللي يرزق الشخص العقيم = يرزق الأمه بنصر(ن) مايضام

يعطيك العافية شاعرنا ومبدعنا والله يوفقك ويسدد خطاك ويجزاك خير الجزا

[سعيد الصاعدي]

الاخ الفاضل / صدى الالهام
صح لسانك لاهنت
اشهد ان الوقـت مايرحـم يتيـم
واشهد ان الضرب في الميت حرام
نص شعري راقي جدااا
من شاعر جزل
تسلم ويسلم فكرك يالغالي
تحياتي
أخـوك
س / ص

[مبروك بن ماضي]

أخي الفاضل الشاعر القدير / فلاح بن منشار
قصيده تحاكي واقعنا المر للأسف!!!
صح لسااااانك يالغالي ولاهنت ..
لله درك ومبدع في كل الحالات ..
لك كل التحيات والتقدير ..

[سناعيس]

شاعرنا فلاح بن منشار
صح لسانك ولله درك
رسالة شعرية ساميه
أجدت بايصالها بكل جزالة

لاهنت
تحياتي

[راجي الحاج]

لا حول ولا قوة الا بالله

وصف دقيق لحالنا المخزي

نسأل الله أن يزيل الغمةوالذلة

تحياتي لشخصك ولضميرك بو محمد

[منيع]

ترجمة فعليه لحال امة متخاذلة
بارك الله فيك
تحياتي

[نجم الإبداع]

المشاركة الأصلية كتبت بواسطة اخو شمّا

ماصنعنا ابره ولا نـزرع هشيـم
تابعيـن الغـرب حتـى بالنظـام


صح لسانك صح لسانك

دائماً لا تاتي الا بالصادق الجزل

تسلم يا ياسر

صح بدنك

تشرف بمرورك الكريم

لاعدمتك