قصيدة قالو تحب البر

[سعيد عوده الحويطي]

اخواني اعضاء منتدى الفطاحلة اقدم اكم هذه القصيدة بعنوان ((قالو تحب البر ))التي ارجوا ان تحوز على رضاكم .

قالو تحب البر قلت ايه احبه=وشلون ما احبه وانا راحتي فيه
البر هو علاج قلبي وطبه=هو الذي لا زاد همي يداويه
والبر الى جيته وقلبي طربه=ينزاح هما داخل القلب مخفيه
واحب انا المرقاب يوم ارتقبه=واحب مد الشوف من راس عاليه
واحب شوف المزن يوم ارتكبه=لا ذعذعت ريح الجنوبي تقديه
واحب شوف البرق لنه ثقبه=واحب صوت الرعد الى صم اذانيه
واحب شوف ثعول ماها تكبه=واحب شوف الروض والسيل غاطيه
واحب شوف العشب لنه نشبه=الى اخضرت الريضان وزانت مراعيه
ياكن وجه الارض لوني مشبه=بستان زرع معتني فيه راعيه
واحب بيت الشعر لنه نصبه=واحب شوف رتوع بدو حواليه
واحب شوف الذود في راس خبه=يازين شوف اذوادهم في مفاليه
واحب تجميع الحطب ثم شبه=وقدة حطب سمر على الكيف ناقيه
لون الذهب ناره وهي تلتهبه=الى صرت عن لفح الهبايب مذريه
ومقدم براد مع قرص لبه=ودلة الرسلان جنبه تباريه
من افضل انواع البن نقيت حبه=برية من دار صنعا مجانيه
يازين فنجاله الى انه سكبه=بالزعفران اللي مع الهيل صافيه
وسميت بسم الله ساعت تصبه=وسقته على اليمنى وكبيرك تبديه
فنجال كل اللي يذوقه عجبه=في مجلس راع الردى ماجلس فيه
هذا الذي بالي وعقلي رغبه=وكل على كيفه يصور امانيه
ويا عاذلي في البر احذر تسبه=يجهل حياة البر من لا ربى فيه
احب عيش البر لونه صعبه=ونحب طلعاته ونعشق مماشيه
كل شي في عيش الصحاري نحبه=برده وحره مع رياحه وسافيه

[منيع]

ياسلام عليك
ابدعت واجدت
تحياتي لكم

[فارس القوافي]

مساء النور ياسعيد

ارررحب اخوي

صح لسانك لاهنت

يعطيك العافية

دمت بخير

[كظيم]

الله الله الله
سعيد الحويطي
صح لسانك يابعـدي
قصيده جزلـه ووافيـه
ابيـات في قمة العذوبه والوصف الطيب
تقبلني وتقبل اعجابي ومروري المتواضع لاهنت
ودي وتقديري

[الخنساء]

صح لسانك مليوووووووون ولايكفووووون

قصيدة جزلة من شاعر متمكن

سلمت ودام حرفك

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[داعي الشوق]

صح لساااااااانك مليون يا بو توفيق

هيضتنا يا رجل بالمكشات

ابدعت و امتعت يالشاعر المبدع

و صح لسانك

ولاهنت

وسلامي لك

**************

[فايز بن جبيل]

كـل شـي فــي عـيـش الصـحـاري نحـبـه / بــــــرده وحـــــــره مـــــــع ريـــاحــــه وســافــيـــه


جزل يا شاعرنا

سعيد صح اللسانك واعتلا شانك على هذه الوضحى

كل التقدير

[عبدالمحسن الرحمه]

صح السانك جزله من جزل لله درك ننتظر الجديد بشغف

[الطهيف]

بوح جميل
من شاعر مبدع
صح لسانك الف
ولاهنت
ودي واحترامي