بلغ السيل الزبى ،،، والمري

[الطامي]

ياصاحبي لوالزبى غرقه سيل = الشاهد الله مانقص من غلاتك
بيني وبينك فيه ناس مغاليل = ماقصدها نفعتك تبقي رفاتك
لواظهرو كل الموده محابيل = تضحك بوجهك لين تقصف حياتك
قومن معبيها قديم الدهاويل = وناس تمصلح يالله منها نجاتك
ناس تحسب انى حماقى ومهابيل = تفعل وتخفي فعلها في عباتك
هذا جزى من قدم السيف والخيل = تغزي عليها لين تقشع حصاتك
من قدم اليمنى يلاقي المحاصيل = سمن العرابي ومن يسوي سواتك
ماهو يلاقي كل يوم باثر ليل = وجعة صباح ووجعة الليل جاتك
والله يالولاهرجة القال والقيل = لافض شنت جمعتك مع شتاتك
لاكن طمعنا باليالي المقابيل = برفع اليدين ويقبل الله صلاتك
وحسن الضنون ولوانشوف البهاذيل = وحنى انجازي فعلنا بحسناتك
ولوان صارت من ارجال حلاحيل = ماكان ذا بالعلم غير ابركاتك

[الطائر المهاجر]

صح لسانك وبيض الله وجهك
والله يالولاهرجـة القـال والقيـل=لافض شنت جمعتك مـع؟؟ اتـك
لاكـن طمعنـا باليالـي المقابيـل=برفع اليديـن ويقبـل الله صلاتـك
وحسن الضنون ولوانشوف البهاذيل=وحنى انجـازي فعلنـا بحسناتـك

لا شفت لك مطفوق او شفته خبيل = فاقر عليه ولو تطول صلاتك
الوقت خلى الخلق مثل المهابيل = ما اظن تلقى صاحي لو مراتك

لاهنت يالغالي
تحياتي

[الخنساء]

صح لسانك اخي الشاعر منصور
لاهان راسك قصيدة رائعة
ترجمت جميل الصفات
سلمت وسلم شعرك
دمت بخير

[مبارك أبوظهير]

المري منصور



كل عام وأنت بخير .. وتقبل الله طاعتك .



وصح لسانك .. وقواك الله يابعدي .



غلاااااااااااااااااااااااي




م ن

[مبروك بن ماضي]

اخوي المبدع :
الشاعر / منصور الوذين المري
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[منيع]

لـواظـهـرو كـــل الـمــوده محـابـيـل
تضحك بوجهك ليـن تقصـف حياتـك

تسلم يامنصور المري
ابيات رائعه حقا
تحياتي

[ماجد الزيد]

والله يالولاهرجـة القـال والقيـل=لافض شنت جمعتك مـع(؟؟) اتـك
الوقت خلى الخلق مثل المهابيل = ما اظن تلقى صاحي لو مراتك

صح لسانك وجاد بنانك جزله جزله وطيبه
هل بالامكان ان تدز لي على الخاص مابين الاقواس)

[ابومياس]

هذا جزى من قدم السيف والخيـل
000000000000000تغزى عليها لين تقشـع حصاتـك
من قدم اليمنى يلاقـي المحاصيـل
000000000000000سمن العرابي ومن يسوي سواتـك

منصور

لافض فوك

جمال الحرف ملك لك

صح لسانك ودام راسك يالذيب

دمت بخير

[الطامي]

يالللللللللللللللللللللللللللل لللللللللللله
من قدي ؟؟؟؟؟؟؟؟ ها ها ها ها ها ها
فطاحلة الشعر حضرو وشرفو الصفحه واسعدوني بزيارتهم ومتابعتهم وجميل ابياتهم وتعليقاتهم
كم انا سعيد بتواجدكم جميعا
انه لشرف لي بزيارة
الطائر ............ حلوة من لسانك التكمله كملك الله بجمال الأيمان وشوف الحور الحسان في جنة الرحمن
ومنيع:::::::::::: سلمك الله يالغالي من كل مكروه وفاز وجهك يوم ان عنة الوجوه
وابن ماضي:::::::::::::: اعجب الله فعلك بالحسنات وادخلك الجنات
وابو مياس ::::::::::::::::::::: جملك الله بالأيمان وادخلك جنة الرضوان
وماجد الزيد ::::::::: البيت هو البيت مراتك وخواتك ؟؟؟؟ وافهمها باأ ،،، وفقك الله لطريق الرشاد وفزت يوم الحشر والميعاد
ومبارك ابو ظهير """"""""""""""" قواك الله بالأيمان وطاعة الرحمن وادخلك الجنان
طبعا الدعاء لكم وانا ان شاء الله معكم شريك
جميعكم لاهنتو وبيض الله وجوهكم
وتقبلو مني كل الود

[ماجد المهدي]

صح لسانك يا المري

ولا هنت قصيدة راقيه وابداع لا يستغرب منك

تحياتي لك

ماجد المهدي