دنيا تقلب ولا ندري بحروتها

[الطائر المهاجر]

بالصوت

دنيا تقلب ولا ندري تواليها

دنيا تقلب ولا ندري بحروتها=ايام نضحك بها وايام نبكيها
ياما خدعتنا وتهنا في متاهتها=نطرد وراها ولا نحسب لتاليها
كم من بليد تجي لها في وجاهتها=وكم من ذكي لقى نفسه بدانيها
وكم حر يشكي لهيب من قساوتها=وكم ثعلب صار ذيب في مفاليها
جربتها في حلاوتها ومرارتها= ولقيتها خادعه محد يجاريها
ان اقبلت شفت شيٍ من سعادتها= وان ادبرت شفت نحس من بلاويها
تعمي نفوس البشر من قل دبرتها =تركض وراها ولا تحسب خطاويها
تمشي نفاق ولو تظهر ديانتها = تبي المكاسب ولا تخشى لباريها
النفس اذا عودت تحيا بقناعتها = تغنيك عن حاجة من نذل تبغيها
تقنع برزقك ولا تمشي بخدعتها = تعيش مرتاح نفسك ما توطيها
ومهما الليالي تضدك في تعنتها = فالصبر درعك ولو تعلن تحديها
"دع المقادير تجري في اعنتها"= وليا تذمر من اقدار تلاقيها
مابين غفوات عينٍ والتفاتتها = يغير الله من حالٍ تعانيها
واكسب نفوس البشر تكسب مودتها= طيب وتواضع وبسمه ما تخليها
ومهما تعانيه من بعض بعداوتها = حلمك عليها يغير من تجافيها
وللنفس حقٍ فلا في يوم تكبتها = اضحك وافرح ودور ما يسليها
وايا وياك تعطيها لشهوتها = ابليس يبغاك تمشي في شهاويها
ومهما تألم بنار تحس حرقتها = لاتبد حالك وتكشف عن خوافيها
اسرار نفسك معك في يدك ملكتها= واذا طلعت منك ما تملك نواصيها
ولا ضقت من دار تدري ويش علتها = فانظر حواليك لديار بمآسيها
حتى ولو شفت من يعتاد سرقتها = فلا هوب مانع لأرزاقٍ توافيها
في يوم يرحل ويدفن تحت تربتها= ويترك كنوزه لمنهو ما تعب فيها
الارض لله محييها ومنبتها = ومن خاصم الله خسران بتواليها
والدين لله والخلق بتشتتها = كلٍ يحاسب على اعمال يبديها
فلا يخدعك من يدور يوم فتنتها = يمكن عميلٍ وخدامٍ لاعاديها
يكفر لهذا وهذي من كتابتها = عن جهل والا يتاجر في فتاويها
عيشتك في دار تدري وش ثوابتها= امن وامان ولا تجهل خوافيها
اخير من ديرة تغريك سمعتها = وهي شعارات تخدع من يراعيها
العدل بالارض معدومٍ بساحتها= والظلم يحكم بقاصيها ودانيها
لكن ربك كفيل في حمايتها = يمهل ولا يهمل الظالم لاهاليها
يالله انا طالبك نفسي تثبتها = على الشهاده اذا نادى مناديها

[الطامي]

دع المـقـاديـر تـجــري فـــي اعنـتـهـا"=ولــيــا تــذمــر مــــن اقــــدار تـلاقـيـهــا
مـابـيــن غــفــوات عــيــنٍ والتـفـاتـتـهـا=يــغــيــر الله مــــــن حـــــــالٍ تـعـانـيــهــا


صح السانك دكتور
قلت فابدعت وأحمت القافيه والمعنى لافض فوك
شكرا لك

[منيع]

درر يادكتور وعوايدك الابداع والتميز
كل الشكر لكم
تحياتي

[داعي الشوق]

ومهمـا الليالـي تضـدك فـي تعنتـهـا
.. فالصبر درعــك ولــو تعـلـن تحديـهـا .

صح لسانك يا دكتور

قصيده جزله و حكيمه يا حكيم

،، دمت ولاهنت و صح لسانك مدد

[منيع]

عيشتـك فـي دار تــدري وش ثوابتـهـا
امــــن وامـــــان ولا تـجــهــل خـوافـيـهــا
اخـيــر مـــن ديـــرة تـغـريــك سمـعـتـهـا
وهــي شـعـارات تـخـدع مـــن يراعـيـهـا

صح لسانك يادكتور
تحياتي لكم

[حي الضمير]

ابدعت وعواايدك ياعلم
ومدد صح لسانك

[نجم الإبداع]

صح لسانك يابو عبدالله

جزله وموسيقيه دافئه

لاهنت

[حرف وشعر]

نص بليغ حيل يابوعبدالله

صح الله يمناك ،،

[جهاد الشعلان]

الله الله الله

هكذا القصيد واللا فلا

ابدعت وامتعت

ابيات جميلة جداً

راقت لي كثيراً

صح لسانك

تقبل مروري

[الراقي]

رائع شعرا و حضورا
دمت بِكُلِ مَوَدَةٍ