الفتى عثمان لو يشحذ سيوفه

[نجم الإبداع]

نجم=الابداع
الفتى عثمان لو يشحذ سيوفه=ماقوى الميقاف بين اهل الرمايه
يوم يلقاني يصفق في كفوفه=مانفع جيشه ولا عنده حمايه
الطائر=المهاجر
من رأى وجهك يعدك من ضيوفه=ولا سمع هرجك درى انك مثل دايه
وجه ضب عكرته طالت كتوفه=وصار قنفذ ناوي في شر غايه
نجم=الابداع
انت وجهك منصلخ ومعاك لوفه=لو يودونك على دار الرعايه
فيك من وجه البعير ومن خفوفه=وفيك من عين الجراده فيك ايه
الطائر=المهاجر
وفيك من روغ الحصيني في شفوفه= ذيلك المقطوع يصلح في الدعايه
وفيك من عين الأتان اللي محفوفه= والده بجحيش غطته بعبايه
نجم =الابداع
زهرك الوردي لنا زانت قطوفه=ياحرامي بين ربان الجبايه
راح شنبر منك ثمن راح صوفه=مايفيد الطب فيك ولا القرايه
الطائر=المهاجر
اشهد انك مثل ليبيه مخطوفه=صارخت للناس تبعد للردايه
لو تحاول ما تحاول يالحتوفه= دربك الاقشر ترى اخليته ورايه
نجم=الابداع
بنت بقعا شونها كسرّرت جوفه=لو تصيح ولو تلوح للنهايه
ماعلى الشمطاء مع العالم حسوفه=ساقها مقبل على ضوح الغوايه
الطائر=المهاجر
مضيّع داره ولفه بعض خوفه= ارجع لشركس ودور للبدايه
كان تبغى لك دليله مر كوفه= واسأل البصري يدور في النهايه
نجم=الابداع
ديرتي ديرة كرامن وامعروفه=وانت طرش ولك مع اهل الغدر رايه
لاتحاول وانت مقبل من كسوفه= كل ماغنيت صارت لك جنايه
الطائر=المهاجر
ديرة الشركس وخزمر في كنوفه= حج لكن لم يعد يبغى الغنايه
ارجع لأصلك وفصلك في ضفوفه= وش تبي بارض العرب واهل الهدايه
نجم=الابداع
العرب من فعلكم دوم امكسوفه=مايبون البيع منك ولا الشرايه
مايهم الخزمري قول الضعوفه=ياسجاح مسيلمه مابك كفايه
عمر= ال شيبي
يالنجم فصل ولبس من تشوفه = طيرنا طير السعد منْوّ العنايه
غلوتك ستر وغطا ما حد يحوفه = دام قلبه ويا قلبك لك مرايه
للعلم يالطير منشار العفوفه = كم يراعي حشمتك ونت بدرايه
الفتل والنقض شيّ ن ما نعوفه =والسوالف كيف مرسوم البدايه

[داعي الشوق]

صحة السنتكم يا فطاحلة

و لاهنتوا جميع

و يعطيك العافية يا نجم الابداع

على النقل الجميل

[الطامي]

صح السانتكم
فلاح × الطائر
ابيات طيبة وماورة اطيب
شكرالكم

[سناعيس]

ههههههههههههههه
فطاحله توسعون الصدر
لاهنتو

تحياتي

[زهرة اللوتس]

صحت السنتكم
مبدعين وممتعين
تحياتي

[عمر ال شيبي]

يا زينها وان اشهد انها من الطيب

صحت الالسن لا هنتم ابد

[عبدالعزيز العمار]

صحت ألسمتكم يالقروم

ابدعتو وأمتعتو

تحياتي لكم

[عبير الورد]

الله الله


صحت السنتكم يامبدعين



لاهنتو ويعطيكم العافية

[صعبة المنال]

صحت السنتكم

صعوووب

[لحن الحياة]

صح السنتكم
شيء حقا جميل
وتقبلوا ودي واحترامي