وقـــار و زريـــه ..

[فايز بن جبيل]

من اقرب النصوص الى قلبي اتيت بها من الارشيف ارجو ان ترقى الى تطلعاتكم

بكل الحب ...



( وقار وزريه )


كثرة وانا ما بين هذي وهـذ يـك

حاولـت اقللها وكـثـرة علـيـه

ليله عوى ذيب وليله عوى د يـك

وكل" نوى عسـر الليالـي بنيـه

هذا تبع مسراك وهـذ ا مسريـك

,, وهذا ورى دربك يحـث المطيـه

يا شينها لاصـار وقتـك معاديـك

,, حظـك ردي وليلتـك سرمـديـه

من اول " ضاقت بعينك مساعيـك

,, لا لـك بهـا روحـات ولا مجيـه

واليوم اشوفك ضايع" في مماشيك

,, لا الدرب درب ولا الحذيـه حذيـه

والعبره اللي بالحنايـا تنـا ديـك

,, اسمع رعدها مثـل وسـم برديـه

سحابة" فيهـا جروحـك مباريـك

,, تبي الظلـوع المعشبـه والنديـه

عيا رعدهـا يـا عيونـي يبكيـك

,, يالعين ما با قـي وقـار وزريـه

هلي علـى جفـن" تعنـا يناجيـك

,, لو مـرة" خلـي وقـارك شكيـه

ما عمرنا يالعين شفنـا شكاويـك

,, ولا شك مانتي من جروحك خليـه

الصبر ماهو دايـم الـدوم بيديـك

,, واخاف انـه ينفلـت مـن يديـه

معك على موتي موقع على شيـك

,, نبصم قبل ناطى حيـاض المنيـه

وكانه على قبري تراني مخاويـك

,, الخـوف ماعقـب قلـوب" قويـه

الموت ماهو جاهل" بـي ومغديـك

,, الموت لا صـارت حياتـك شقيـه

وياحلم ماني واقف" فـي محاريـك

,, ويالعين اضناك السهـر والخطيـه

وياقلب ماني شايف" مـن يسليـك

,, منته خوي اللي سرى عن خويـه

وياجرح ماضن الدوى اليوم يشفيك

,, لاصـار مقصدنـا دروب" نبـيـه

لابد ماناطـى حفـوف وشرابيـك

,, هالدرب شايك والخطـاوي حفيـه

الكل سامك من يبيعـك ويشريـك

,, كنـك بعيـن البينـه والخفـيـه

الحيل طايح وابتـدى ليلهـا فيـك

,, لا الصبح صبح ولا المسيه مسيـه

طيبك وعيبـك ماتخلـي مباديـك

,, والناس شحـت بالوجيـه الوفيـه

واليوم شفتك بين هـذي وهذيـك

,, من وين نبدا يا لـدروب الرديـه
دمتم بخير ...




بن جبيل

[وليدالبسطي]

الله يافايز

نص جزل

وابداع وتميز

لاهنت

تحياتي

[حي الضمير]

ابدعت وامتعت شاعرنا المميز فايز
وقصيده تلامس الوجدان
ومدد صح لسااانك ياجزل

[ابو أنس]

نص جميل وجزل
من شاعر جميل
طربت له كثيرا
تحيتي وودي

[طوفـــان]

هالله هالله

صح لسانك شاعرنا الكريم ابن حبيل على هالقصيدة الطيبة

بارك الله فيك أخي الفاظل وفي ماتطرحة من قصائد


تحياتي لك

[الطائر المهاجر]

تميز في الإبداع
جزله من راس جزل
صح لسانك
ولاهنت
تحيتي واحترامي

[داعي الشوق]

صح لسانك و اعتلا شانك

و طاب حالك و فالك يا فايز

جميلة جدا

لاهنت لاهنت

وصح لسانك

[حوريه]

نـص رائع وجـميل
صح قلبك ودام حرفـك
ودمــت بكل خـير
0
0

[الطامي]

ف بن جبيل
صح السانك
رائعة جدا
لاهنت اخي

[منيع]

ياسلام
مبدع ومميز
شكرا لك
تحياتي