يالببسي الطايش

[الـزلـزال]

بسم الله الرحمن الرحيم


للتواصل مع قلوبكم الطاهره أقدم لكم مجاره من القديم

( يالببسي الطايش )

يالببسي الطايش عليكـم تغليـت=وحرمت كل الي يماشي ليمنـاك
حرام مالي فيـك لـو ماتغديـت=كله عشان نصيص واحد كرهناك
ماتدري أنك غاز للكبـد تفتيـت=وماتدري أنك غصب يومآ شربناك
الكبد منك أعوام صارت فتافيـت=ياليتنـا قبـل الفتافـت رمينـاك
ويحرم علينا رعي الغاز والصيت=الي بحرف الكاف لجله عصينـاك
مابه وفاء زود نصيصه بتثبيـت=ماشاك لجل الخلق مايوم تشنـاك
ومـدام يالكـولا علينـا تعليـت=مع البباسي لا رحم مـن تمناك
مدام مع غيرك بزوده تماشيت = خلك برفك لا تفكر بنهناك
حرمت ماجيب البباسي على البيت=وقررت يالكولا مع الببس عفناك

[عبدالعزيز العمار]

شاعرنا الزلزال

يشرفني أن أكون أول المتصفحين هنا

صح لسانك وفكرك ...

كتبت وأبدعت وصدقت فيما قلت

تحياتي وتقديري

[داعي الشوق]

صح لسانك يالزلزال

أجل النصف ريال تسبب في قصيدة

ههههههههه

يعطيك العافية يالشاعر

ولاهنت

[عبير الورد]

صح لساااااااااااااااانك ملايين
سلمت وسلم منطوقك الجزل
ربي يعطيك العافيه

[منيع]

ههههههههههههه
اجل انت ضد اللي يقول
معقوله ياالبيبسي يفرقنا نصف ريال
شكرا لكم
تحياتي

[عبدالرحمن الصباح]

صح السانك دايما مبدع رائعه من شاعر كبير تحياتي

[نفحات حساسة]

صح السانك ولاهنت..سامي

صدقت بهذي..ههههههههه

نص رائع..سلمت.. وسلمت يمينك

ويعطيك العافيه..

تحيتي لك..

[صعبة المنال]

حرمت ماجيب البباسي على البيت
وقررت يالكولا مع الببس عفناك


ههههههههههههههههههههه ابداع

صعوووب

[الطامي]

الزلزال
رائعة جدا
ويالبيبسي الطايشششششش
شكرا لك

[الـزلـزال]

عبدالعزيز بن عمار

تشرفت بتشريفك المشرف غالينا الغالي

وسررت بردك الطيب الغالي رعاك الله

شكرآ لك وملايين ملايين الشكر

على تشريفك المشرف وعلى طيب ردك الغالي

صح بدنك ملايين ملايين

ولك فائق تحياتي وتقديري