الشـاعر الكبيـــر عبداللـه ألاشقـــر

عبدالعزيز- · 24-09-2010, 10:25 PM

الســلام عليكم ورحمة الله وبركاته - اسعد الله مساكم - حقيقه يسرني ان اتواجد معاكم والحقيقه اغتنمها فرصه للأعتذار عن الانقطاع عن المنتدى الكريم سنه لظروف الوقت والانشغال التام ولكن ارجو ان يشفعلى الاختيار اختياري لشاعــــــــــــر المرحوم الكبير عبدالله الاشقــــــــــر صاحب القصيده العصماء المسماء بعــــــــــــــــروس القصيــــــــــد حقيقه قصيده تستحق القراءه الف الف ضرب الف الف مره شاعر كبير علم من اعلام حائل : دار الغرام ولاف بالقلب لافووووووووووف 0 قراءه ممتعه

عبدالعزيز- · 24-09-2010, 10:26 PM

دار الغرام ولـف بالقـلب لافـوف
لاع الـولـع قـلبي وروحـي صرمها

ياخشم ريم مـن عنا العـين مشـفوف
سيـف الهـوى بالحـال يـلحى لحمها

القلب رفـرف وانغرف غـر بصـدوف
والـروح فـوح الجوح يلفح فحمها

جسر الغرام ابرا معي زل بزلـوف
نـزع الزغازغ زلـةٍ عـن قـدمها

مـانيب كـف الـذل عـنـي بمعـروف
لا تبـحثه بـالله يقبـس لـغـمـها

الله خلق بالنـاس نـاسٍ لـها نـوف
والشمس ما تخفى العرب مع عجمها

كاس الهوى بالباب الأسباب مـذروف
مـن ذاق رشف شـفاه يفرق طعمها

لولا الهـوى مـارشـرش الريم بخـشوف
والنـاس نسناس الهوى هـو نسمها

خشف عفر فارع ظـفر عـشر مكشـوف
تـل القلوب وسلـها واستـلمـها

رعـبوب راعـب كــاعب طرب غطروف
عمـهـوج داعـج لاعـج عـاج فمها

تمـشـي تـهز الخصـر تنعاج بعطـوف
مـال الهـوى به مال عوذا كصمها

بعيـونـها رايـات وايات وحـروف
يـرمي هل الغايات سم سهمها

مـادار دور نهـدها نـز بـوقـوف
نشـو نشى مـانيش مشـمـش حـرمها

واكثل كثيلٍ لـه كثـاثيـل وزلوف
يلعـب علـى هـاضم ضـميره هضمها

عفرا برا طرز الطرا صدر واردوف
اطـخم طـخم طخم الطراخم طخمها

شربـت شـذى شذر الهوى كمع وكفوف
مـن طـاح بتفاحه حـرق من وحمها

يانـاس خلـوني احوفـه وابـاشوف
لا مـوت فـوت وناضري ما فهـمها

يسـلب قـلب المبتلي فيك مـكلـوف
ارفـق تـرى نـفسي تقـطع وذمها

امنع طريح طـاح بيـديك مـكتـوف
سلم العـرب مـن سالمه في لـزمها

عبدالعزيز- · 24-09-2010, 10:32 PM

دار الهوى محمل حــوامــل لـهــوده
طار الكرى ، والـــدمع عــمّال همّال

عــلى مـدلّل دلّ دلّـه ركوده
صارم هوى لا مال لاهل الهوى هال

حـال الحـلا والملح كـله لعوده
كـله عـلى عــودٍ للارواح ســلاّل

ساد المها واهل الهوى ساد أسوده
راع الهوى سلّم لها الحال والــمال

راس الهوى كله ، وحــاكــم حـدوده
مرسل سهومٍ للملا دمــهـــا ســـال

سلاحها لاهل الهوى ســود ســـوده
وسْلاَل وردوعٍ على الطرس وهلال

سحره سرى مع رامع الـولـه دوده
كلاه كله ، واودع الصدر مـــدهــال

لا مرّ مار الروح ، واومى عــموده
حرم عمار العمر عــمــره الى مال

كمل كـــمالــه ولـــده مــع ســـدوده
سم الـمــوده سم حــاله ، ولا حــال

سِلّم هــواها طال ما ادرك صعــوده
طـرّادها ، لحمول الاكــدار ، حــمّال

ساهر حسر ماسور وسوس حسوده
معكوس ، ما حصّل وصال ومرسال

والله ما اسـلاها ، ولا احمل صدوده
ما دام راس مودّها ، والدهر طال - للــــــــــــــه دره قصيــــــــــــــده بـــــــــــــدون نقـــــــــــــــــــط