مساجلة مع المحيط

[ماجد الزيد]

قـنـا عـنـتـر عـلــى كـفــه خفـيـفـه=وتـفـعـل بـالـعـدا فـعــول(ن) مـخـيـفـه
يـصـبـح مـــن يـصـبــح بـالـطـلايـع=ولا مـــن غـــار غــاراتــه عـنـيـفـه
تهـابـه عـبـس مـــن قـبـلـي خـزاعــه=كــذاك الـــي بـــه الـغـايـه شـريـفـه
وعـنـتـر صـــار مـسـلـم والـقـصـايـد=يـوجـهـا مــــع الـمـلــة الحـنـيـفـه
غــزا بحمْ يـر عـلـى اوثـــان يـعــرب=وهــز هـبــل قـبــل يـاكــل رغـيـفـه
حـشـد ابـنـاء مـعـد(ن) ويــا عـــك(ن)=مــع انـمـار(ن) عـلـى الـعــزا وزيـفــه
رمـى درعـه (وكـش شـح) عــن ضلـوعـه=وبـانــت لــــي نــوايــاه النـظـيـفـه
عـلـى قلـبـه وشــم سـيـف(ن) وكـعـبـه=وعـلــم بالجـبـابـر ضـــرب سـيـفــه
خضـع لـه قيصـر(ن) مــن قـبـل كـسـرى=وابـو رغـال انتـفـظ مــن خــوف طيـفـه
عـمـا الـشـوف البعـيـد ارتـــد خـايــب=كـسـيـر الـجـيـش مـقـفـي دون كـيـفـه
خـبـطـه الـلـيـث بـلـيــوث الـخـلافــه=وقــام السـيـل يـهــدر مـــن نـزيـفـه
نــزل عنـتـر عـلـى عـنـتـر وصـــاروا=ظـيــوف وكـــل ظيـف(ن)مـعـه ظـيـفـه
ابــي حـــل الـرسـالـه فـــي رسـالــه=مــع اقـفـاي الشـتـاء مـاهــو بصـيـفـه
لـــك ابـرقــت الـرسـايـل يالـدلـيـهـي=عـواصــيــف(ن) عراصيـف(ن)صـلـيـفـه
ومـثـلـك يـكـشـف اســـرار القـصـايـد=قـنـا عـنـتـر عـلــى عـنـتـر خفـيـفـه

ماجدالزيد

هلا يامكرم(ن) .. جاره وضيفه=يمد أجزال مامد الضعيفه
نعم ماجد وماجد أخو خضراء=عريب الساس وابياته قذيفه
وابدفنها مثل ماهو دفنها=على .. خلاّْف .. وخليف .. وخليفه
ولايقّْدر .. لها ... ابو ثلاثه=وراها دونها .. بحر .. وحتيفه
وهي قصه .. لها صوله وجوله=ماهي تضييّع وُقت ولاطريفه
ثلاثه والتقوا .. مع .. شخص واحد=خفا ماهو على راس المنيفه
وانا ماني مع هذا وهذا =ولو قالوا .. فعايلهم لطيفه
اشاهد بث ماشفته مُباشر=جناح(ن) .. ماتثّقّْلّه .. الكتيفه
وقايدهم يجي ويروح عادي=كبير افعال .. لو .. الشكل شيفه
درابيل الفضاء .. يمه توجه=ومازالت على وصله كليفه
تنحا شرق والا غرب .. والا =ياكم فرّْق وليف(ن) .. عن وليفه
على دربه نهج لاش ونشاما=وظيفه مالها راتب وظيفه
مدير المدرسه في صف طالب=وفوضة صف من سبة عريفه
وانا ياماجد ابن الزيد دايم=مع شرواك ماني في نكيفه
على قدام وافدي لك بروحي=دهر والا بساتيني مريفه
ولاتهتم من ذاك القطيفي=قصير الباع موته في قطيفه

حمدالدليهي

[الطائر المهاجر]

يعني هذا اعتراف انك النهر يصب في المحيط
والله كلكم ما تنقربون .... كملوا

[ابو زياد]

صح لسانك ولسان الشاعر حمد الدليهي
غموض وابداع

[ماجد الزيد]

المشاركة الأصلية كتبت بواسطة الطائر المهاجر

يعني هذا اعتراف انك النهر يصب في المحيط
والله كلكم ما تنقربون .... كملوا

ياهلا ابو عبدالله
يشهد الله انكم جميع لا انت ولا ابو سعد
جميعكم كبار ولا انا الا من تلاميذكم
مرورك اسعدني يابو عبدالله
وابشر بالجديد ان شاء الله قريب

[ماجد الزيد]

المشاركة الأصلية كتبت بواسطة ابو زياد

صح لسانك ولسان الشاعر حمد الدليهي
غموض وابداع

صح الله بدنك يابو زياد
شاكر لك مرورك الرائع
اخي الفاضل

صح لسانك ولسان حمد


عز الله إنكم من أجزل من رأيت من الشعراء ....





تحيتي وتقديري

[ابومياس]

ماشاء الله

اجتمع النهر بالمحيط

ونتج عنه هدير الامواج ساعة التقائهما

صح لسانك ولسان شاعرنا حمد

ماقصرتوا نستمتع لنتعلم منك

دمت بخير

[نجم الإبداع]

ماجد الزيد

حمد الدليهي

مبدعين

صحت قلوبكم
وكل عام وانتم بخير

فائق الاحترام

[ماجد الزيد]

المشاركة الأصلية كتبت بواسطة محمد البلاجي

صح لسانك ولسان حمد


عز الله إنكم من أجزل من رأيت من الشعراء ....





تحيتي وتقديري

ياهلا ياهلا بالبلاجي
ماعليك زود وشهادتن منك والله اني اعتز بها
تقبل ودي وتقديري

ابدااااااااااااااااااااااااااا اااااااااااااااااااااااااع