حزب القلوب السود من اي مله

[حي الضمير]

جاني صحيبً غاليً يشكي الحال=يشكي ودمع العين بالحيل همله
عشرة عمر واعرفه للحمل شيال=ويبكي ولاهي ياعرب عادةًله
سميت بسم الله وقلتله بالحال=عطني صحيح العلم دقه وجله
ياصاحبي لاشفت انا دموع الاطفال=عيني تجافي لذة النوم لاجله
وشلون لاشفته على خد رجال=تدري بعيني يظلم الكون كله
اطلب فداك اللي تبي يابن بتال=الروح ويا المال تاتيك عجله
خالد تعرفه يقرن القول بافعال=وماهو من اللي ينقض القول فعله
ولك في ضميره يالخوي قدر واجلال=وانطق تكلم جاوب الذيب قله
ثم نطق يقول والدمع همال=حقد القرايب ماله علاج لله
يقول عود من القرايب علي صال=يعيب فيني والردى شاهدًله
ويطعن بفعلي كل ماجيت مدهال=وبليا سبايب حطني من عدىً له
ولامن هرجت يلومني العم والخال=ولامن طعن هالعود محدً فطن له
لوقلت صلوا الفرض من غرب ياعيال=ينطق يقول الشرق حطوه قبله
ومياه دلوي سقتها عذب وزلال=ويوم ارتوى ذب الدلو فوق حبله
ومديتله من دلة الطيب فنجال=ويمدلي من سود الافعال دله
مدري تزر العودعذبات الافعال=لامن ذكرني راعي الطيب قبله
والا تزر العود لباسة الشال=وعقله عقل عنتر لياشاف عبله
تلعب بعقله والضحايا لها اعيال=اعيال عمً مالهم ذنب لله
وان كان حقد العودمن ثار قدزال=وش ذنب راعي الطيب وش ذنب نسله
عجزت افسر والقى للجيم مدخال=عاجز الاقي للمضامين حله
مدري ذنوب اتوب والهم ينزال=والا القلوب السود بالحقد بتله
ادري اليهود احزاب ليكود وعمال =وحزب القلوب السود من اي مله

[الأموره]

الحمـد ..~

و بوحٌ من نوع آخـر ..~

سلمت أخـي الكريم ..~

و سلم فكرك ..~

صح لسـآآنك ملآآيين ..~

ألف شكر لك ..~

دمت برعآية الخآلق ..~

[مبروك بن ماضي]

الاخ الفاضل:
الشاعر القدير / خالدالحمد
لازال اعجابي بشعرك وإبداعك يزداد يوما بعد يوم
حضرت لأنال شرف التوقيع تحت هذه الباسقه
صح لسانك وسلمت يمينك
تقبل تحياتي الطيبه واحترامي ،

[عبدالعزيز البليهد]

تسلم اخوي خالد وصح لسانك

[نجم الإبداع]

الله الله

صح لسانك ياخالد

ومادري القلوب السود من اي مله

لله درك

لاهنت

تقبل مروري

وودي

[الطائر المهاجر]

تميز في الإبداع
جزله من راس جزل
صح لسانك
ولاهنت
تحيتي واحترامي

[صوت الإحساس]

محجووووووووووووووووووووووووووز

[زهرة اللوتس]

خالد الحمد

صح لسانك ملايين

مصافحة رائعة

تسلم ويسلم فكرك

تقبل اخي

تحياتي

وتقديري

[النهج المختلف]

ياسلام عليك ياخالد دائما رائع ومميز ,, ,,

صح السانك قصيدة جزلة من شاعر جزل ,, ,,

الله يعطيك العافية معاني الراقي من شاعر مبدع ,, ,,

لاهنت يالغالي ولاهان راسك وفكرك ,, ,,

تحياتي وتقديري ,, ,,

يصعب تصنيفهم وليسو من أي ملة

وقصيدة جزلة وراااااائعة وفقك الله