يا الله ياللي جعل للبحر جزر(ن) ومد

[احمد الكثيري]

احد الشعراء اهدى لي هذه الابيات

لاح بارق هجوسي والقصايد رعد =والفكر مايجيب الا قراح زلال
قمت اوجه قصيدي صوب وجه السعد = شاعر المعرفه والحكمه ابوجلال

وكان ردي على هذه الابيات

يا الله ياللي جعل للبحر جزر(ن) ومد=يامن انبت شجرها والعشب بالجبال
مرحباً هيل ياحروف الذهب والشهد=من جمال الحروف ما عاد عندي احتمال
مرحباً هيل ياللي محتمي كل حد=سجلت له ميادين المعارك سجال
جت حروف(ن) جميله عصر يوم الاحد=قمت ارحب واهلي يوم جالي مجال
قلت باولف افكاري وبكتب عدد=وانتقي من حروف الشعر عذب الزلال
انتم اهل الوفاء والطيب اب(ن) وجد=وانتم اهل المراجل للصعايب رجال
المراجل لشخصك يابطل تستعد=يابن عمي وياعزي بوقت النزال
من ديارك الين اقصى حدود البلد=لو ندور كما شلوان قالوا محال
اسم شلوان من يقراه شاف السعد=بين من يلبس المشلح وشال العقال
الجمايل تسجل بسمك اللي ورد=اسم شلوان بن عمي كريم السبال
اسم شلوان عبق استنشقه عن بُعد=ارتكى للصعيبه والحمول الثقال
اشكرك شكر محدود بعيد المدد=ياعديم الوصايف ياعريب الخصال
اعتذر لو حروفي قصرت عند حد=ما فيه مخلوق كامل للولي الكمال
في النهاية صلاة الله عدد من سجد=عالنبي اللي نهانا عن دروب الظلال

[عبدالله السويلم]

صح لسان الشاعر

وصح لسانك ملايين


جزاله لاتقاوم بون مجامله


سبك وحبك مبنى ومعنى


لافضت افواهكم


تحياتي لكم جميعاً

[داعي الشوق]

صح لسانك ابو جلال و طاب حالك

وتستاهل المدح يا راعيه

و صح لسان شلوان

ولاهنت يالشاعر

[عبدالله الشويمان]

صح لسانك يا الكثيري

نص رائع يا ارائع

لا هنت لا هنت

[الطامي]

بو جلال
صح السان الشاعر والسانك
ابيات طيبه وردها اطيب
لاهان راسك
وشكرا لك

[الطائر المهاجر]

رائعة من شاعر رائع
ومتجدد الإبداع
صح لسانك وفكرك
ودام ابداعك
تحيتي ومودتي

[حي الضمير]

صح لسانك ملايين
قصيده رائعه وابدعت
بارك الله فيك

[نجم الإبداع]

صح لسانك يابو جلال

لاهنت

[غازي الفكر]

صج الله لسانك ابو جلال
وتسلم وبيض الله وجهك رديت واوفيت
وصح لسان من استنطق هذا الجمال منك
تقديري واحترامي اخي الغالي

[منيع]

مبدع ورائع
شكرا لكم
تحياتي