من ماكتب بلعم الفارس/ فارس بن عجرف

[عمربن عجرف الشمري]

السلام عليكم ورحمة الله وبركاته


يسعدني ويشرفني وينومسني ان انقل من ماكتب بلعم الفارس فارس ابن عايد بن بوقان بن عجرف الشمري واتمناء من الاخوان المشرفين تثبيت هذا الشي وان لاينقل لانه هو وامثاله شرف لنا نحن في الجيل الحالي ان نذكر ماكتب بهم وبغيرهم من فرسان وكبار شمر,,,,,,



وهذه قصائد من ماكتبت بلعم ابو لافي/ اطال الله في عمره

البارحه ضاقت علي المساليك=مثل السجين الي ثقيل حديده
عيني جزت والقلب فيه الدواكيك=وماظنتي كل المعالج يفيده
سلام مني يابو لافي عوانيك=عد الكتاب وماتخط الجريده
اطلب من المولى يعزك وينجيك=ينجيك من غبر السنين الجليده
طير السعدحايم فوق متنيك=يالله عسى عمرك يطول مديده
اشهد شهادة حق من غير تشكيك=كل الزمول الهايجه صرت جيده
الطيب والمعروف غايت مباديك=ومواقفك بين الجماعه عديده
سمح المحيا والمراجل مراكيك=وطرايفك مثل الجواهر فريده
يانادر وافي بعيده مراميك=حر جزيل الصيد دايم تصيده
حر تطول الغانمه في أياديك=تطولها لوهي سماها بعيده
سلايل الشايب عريبه مجانيك=اهل الحميا والفعول الحميده
عز الرفيق وسعد منهو يخاويك=وشوفك يجلي الهموم النكيده
فارس على اسمك يرحم الله مسميك=يفداك لاش ماوفا في وعيده
وختامها عد اليالي المحاليك=وعد المزون الي تصافق رعيده
سلام من قلب على النفس مغليك=وعساك تسلم يابو لافي الوليده

الشاعر/عدهان بن منذر الشمري

اللي اغتنم دنياه في خير الافعال= عساه يوم الدين حسن وثوابه
في ساعة تعرض بها كل الاعمال=والرابح الي في يمينه كتابه
وبأاذن الله ان فارس على مافعل نال=للدين والدنيا وخير المثابه
أقولها وماني خايف ولاذال=لفارس البوقان محد مشابه
والنعم بالاجواد لكنه الحال=قدره تجلا في وقار ومهابه
وقفات ابو لافي وطيبه والأفضال=والله تحضرله ملك في غيابه
لاعم مثله بلموقف ولاخال=في شدة عنها تهج القرابه
ان صكت ادنى الناس بابه بالأقفال=فارس الكل الناس مفتوح بابه
ماعقد احجاجه ولاضاق له بال=شوفه يجلي للكدر والكابه
سباق للمعروف في كل الاحوال=والمصلحه ماحطها في كتابه
ماهمه الدنيا ولاهمه المال=يبي رضا الله والنبي والصحابه
متواضع ماهو متكبر ومختال=يكفيه كل مجلس بخير حكابه
دامت سجاياه الحميده ومازال=راعي اليمين اللي بسطها سحابه
ان جاه محتاج شكا ضسقة الحال=يعطيه لو مايملك الاثيابه
هذا وكم للمرجله تتعب رجال=رغم المراجل يأفيهم معابه
الاولد بوقان بالفعل رجال=عن كل عيب كرم الله جنابه
من قال فارس ذيب ياليت ماقال=لا والله هو ذيب الذيابه
يثني عليه المجد تقدير واجلال=يستاهل التمجيد واللي حظابه
لاخير باللي خش رأسه ولاقال=ان ابولافي عن ثلاثين لابه

الشاعر/غانم بن عدهان بن منذر الشمري

يامرحبا بكم ترحيبه الارض بلحيا= ولاغيرير حبا عن والده
فارس هلا يوم شاف القرايب=في حفل جمع الشمل وحنا نعايده
ويحثهم فيها على الطيب والكرم=يوم فعول الطيب صارت كايده
وعلى النلاحم بين ربعه الحالحه= وعلى سلوم للقبيله وعوايده
وعلى التأخي بينهم والتألف= وعلى التواصل والوصل له فوايده
وعلى علوم الطيب نتعب ونسعى=نرحل وعلوم الطيب هي السايده
وعلى العزم والجزم وقت الشدايد=وتفزع لربعك يوم تذكر شدايده
وعلى احترام الجالر وللجار منزله=واكرام ضيفك والكرم للولايده
ودمح خطاء ربعك وزلة حديهم=واصبر ترا بصبر حكمه وفايده
اقولها لربعي وانا عنها اسئل=وقولو ابن راكان قاله بصايده
يحث ربعه عالكرم والمكارم=وعلى فعول الطيب لانه سايده

العم الشاعر/نافع بن راكان الشمري

ابدأ كلامي..بالتحيه والأمثال=والحب وتقدير مغزى كلامي
تحيٌة..تعداد ماهل همال=واعداد ماتشرب من الماء ضوامي
وأقدمه للي ...له الطيب مدهال=وبلاقصور بالرجال الحشامي
فارس عريب الساس ممدوح الافعال=ذرب اليمين...ولايجيه الملامي
مواقفه بالفعل ماهي بالاقوال=يعيش ( ابو لافي ) عزيز المقامي
الطيب والمعروف..دربه ولا زال=ومن يلتجي به يهتني مايضامي
وياماحكى عن سيرة العم رجال=تاريخ إبن عجرف مشرف وسامي
عنه الوبيري خط بأقلامه وقال=محمد الفراج رد العلامي
يقول إبن عجرف كما السيل لاسال=ودون الخوي وقت اللقى والزحامي
ارخص بروحه يوم صكات الأهوال=لاجل الخوي حتى بروحه يحامي
وانافرحت بسيرتك يابن الابطال=وسجلتها بالشعر حسب النظامي
وللي مثل شرواك..للحمل شيال=اسمه يسجل مع كبار الاسامي
وصلاة ربي عد ماتخلق اجيال=على النبي صفوة جميع الأنامي

الشاعر/نمش ذباح الثابتي الشمري


وسلامتكم

[الطامي]

عمر
شكرا على النقل الطيب
وصح االسان الشاعر
لاهنت

[همس الورد]

نقل رائع و مميز

يسلموووووووا اخي الفاضل عالاختيار الرائع

[نفحات حساسة]

يعطيك العافيه اخوى
نقل رائع لشعراء كبار
تسلم..

[عبدالمجيدالعنزي]

قصائد جميله وبارقه


ويستاهل الممدوح مدحه


تحياتي لك

[حي الضمير]

منقول رائع من ذوق اروع
الف شكر

[عالي مستواها]

صح لسانه



تسلم على النقل الرائع


يعطيك العافيه

[المؤذن]

مشكور
على المعلومه الجيده
تحياتي

[البتار]

مشكور
على ما افدتنا به
تحياتي

[المتابع]

بارك الله فيك
كتبت فقرأت فاستفدنا
تحياتي واحترامي