الله من هم ضلوعي تشيله

[منيع]

من الارشيف مثل ماقال اخونا الشويمان ابيات مؤرخه عندي في 6/08/1407هـ
حبيت اضعها بين ايديكم لتنال شرف اطلاعكم عليها ولكم مني جزيل الشكر والامتنان
----

نجم تلى نجم وعيني تخيله=والدمع من موق النظيرين شلال
الله من هم ضلوعي تشيله=لوهو على حيد الصفا هقوتي مال
متمركز بين الحنايا العليله=يغلي ويزفراو تقل فيه زلزال
ماصاب بيروت بقلبي اشيله=عزاه لمن مثلي به الهم سلال
مصايبي بالحيل صارت جليله=وانا لوحدي صرت للغم مدهال
قدمي امور كايدات ثقيله=ولامن رفيق للمهمات شيال
ضحيت مالي بالمقادير حيله=هذا هو الواقع قصر اوبعد طال
وهذي سوات الوقت عدله وميله=يسقي عذاب ويسقي امراروزلال
عزيت نفسي فوق حامي المليله=تقبل بواقعهاولوحال ماحال
ولابد ماعقب المحيله مخيله=تمطر على جدب الليالي والامال
وتسقي روابع مقفرات بسيله=ويخضر هاجوس الضماير والاحوال

منيع


صح لسانك مدد بلا عدد يالجزل


سعدت بأن أكون أول المعانقين لهذه الفاتنة


دمت ودام إبداعك


تحياتي لك.........,

[سناعيس]

الأخ منيع

صح لسانك
قصيدة جزله ورائعه

تحياتي

[الطائر المهاجر]

الله مـن هـم ضلوعـي تشيـلـه= لوهو على حيد الصفا هقوتي مـال

صح لسانك وجاد بيانك واراحك الله من همومك
رائعة بكل المقاييس وفوق كل تقييم
لاهان راسك يالغالي
اعجابي اللامحدود
تقبل أطيب التحية والإحترام

[المرواني]

مصايبي بالحيـل صـارت جليلـه
وانا لوحدي صرت للغـم مدهـال

كل عليه من الزمان واكف
صح لسانك واعتلا شان
ولاهنت
احترامي وتحياتي

رائعة اقل مايقال عنها


صح لسانك يامينع


جزل جزل



هالقصيدة وانا عمري 5 سنوات اجل شايب ههههههههههههههههه



صح لسانك حتى ترضى



تحيتي

منيع

صح لسانك عدد نبضك

وشكرا لك وعليك

راائعه من روائعك

دمت بسعاده

[السهل الممتنع]

عزيت نفسي فوق حامـي المليلـه
تقبـل بواقعهاولـوحـال مـاحـال
من لاقبل واقعه مانام ليله = وما كل شئ لو تمنيت ينطال
صح لسانك وفكرك
البوح هو سر قوة الشعر
وهذه الجزلة خير دليل على ذلك
لاهان راسك
تحيتي وتقديري

[سليل المجد]

ماصـاب بيـروت بقلبـي اشيلـه
عزاه لمن مثلي بـه الهـم سـلال

عندما تكثر الأخلاط في بلد معين
ولا يكون هناك شئ يجمعها ، فهي فرصة
للقوى الخارجية للعب فيها

صح لسانك واعتلى شانك
فقد اجزلت واجدت
شكرا لضميرك الحي
دمت بود

[الــذاهبه]

كلمة راائعه قليله بحقها
اخي منيع
الف صح لسانك ولاهنت