اهداء لأبن مجلاد صوت وصدي

[حرف وشعر]

عطر خدك سلب قلبي وزلزلني معه زلزال=وخالك خلخل أعظامي وعين فيك ذباحه
ورمشك راشت أسهومه علي قلبي وأنا معزال=أكفكف سهمك بكفي وأنا مطعون برماحه
ونحرك ظالم أوشاحك وخدك مفتري بالشال=طغي خدك علي شالك و نحرك حرق أوشاحه
أشوفك بالحسن شامه وأشوفك للحسن تمثال=وحسن الناس من بعدك سبي من حسنك أملاحه
كيف أصبر وأنا خيلي تناديني وأنا خيال=أسيح بسايحات الشوق وخيلي دوم سياحه
طويت ألجامها مرات وتليت أكعوبها بحبال=أرددها عن وصالك وهي للوصل جماحه
وألوم النفس في ودك ولومات الغرام أعظال=هقيت اللوم ينفعني وألقي في الصبر راحه
لقيت الوقت من بعدك فراغ وزاده الترحال=عذابن وأرتياب وهم وشوق وعين فضاحه
حياتي غايتي روحي رياحين الزهر والهال=سلاتي مهجتي عمري حياة القلب وأفراحه
أنا عشقي لكم صافي غديرن حالين وزلال=صفاتة من صفاة الروح ماشابته ضحضاحه
أنا والعشق من صغري تخاوينا علي منوال=ونفسي تعرف أحقوقه ونفسي فيه دماحه
أحب العشق وأعلومه وأبغض خاين ختال=يظن العشق ميدانن يقاتل فيه بسلاحه
تري درب الهوي ياناس كريم الشان والمنزال=وحده في حدود العرف همس ولمس ومزاحه
طوير الشوق وصلي سلامي وعتجل با الحال=علي أهل الكرم والجود وأهل الطيب وأرياحه
أبن مجلاد عبدالله كريم صادق الأفعال=فخر للشعر وأمثاله نباريبه علي الساحه
كريم العم بهلولن حشيمن يعربي الخال=أبوبسام نبع الطيب وبيته للكرم ساحه
نصيتك ياخوي الخير وأنته للشعر شلال=رفيقك في الهوي غرقان وسفن الخل سباحه
تجمل عطني أشوارك تري شورالرجال أعقال =وسامح مغرمن شفقان ونفس الحر سماحه

ــــــــــــــــــــــــــــــ ــــــــــــــــــــ ــــــــــــــــــــــــــــــ ــــــــــــــــــــ ــــــــــــــــــــــــــــــ ــــــــــــــــــــ ــــ
رد الشاعر بن مجلاد00

هلا يامرحبا ترحيب الارض بصادق الهمـاّل=تراحيب الغلا اللي تجمع المركـب وملاّحـه
هلا بك كثر مايوجد بقلب اهل الغلا مدهال=وكثر ماللغلا ورده بعطـر الشـوق فوّاحـه
وانا يالشامسي طيرك وصلني مع بيوت اجزال=وريّحته على غصن الغلا والـروح مرتاحـه
تلقيته بحب وشوق ومعانق وطيـب الفـال=وقلت اخبر محمد غيمـة الاحـزان منزاحـه
وانا سدّاد يامحمـد إذا فزعـه واذا بالمـال=أقول ابشر بعزّك نجلب الساحـر ومصباحـه
تطمّن يارفيق الخير وخلّك مستريـح البـال=عليه بالحرام الاّ نجيـب الجيـش وسلاحـه
وانا يالشامسي لو درب محبوبك عليّه طـال=ولو بابه مسكّر حالف الاّ اجيـب مفتاحـه
عليّه بالحرام ولو تنحّت خلف ضلع وجـال=لاّجِيْها لو عَرَبْهَا من وراء النهريـن نزّاحـه
واذا مات الجمل يبقى على صَدْقْ الْعَهَدْ جمّال=وَلاَ أرْجَعْ إلى ما يجتمـع زَرْعَـكْ وفلاّحـه
يقولون العرب مافيه عقـده مالهـا حـلاّل=وانا لعيونك امشي مَاحَسبْ للعمر وارباحـه
تصبّر لين ماعوّد ترى صبر الرجّـال اجبـال=ودار الدمعه اللي في عيون الشوق فضّاحـه

[سناعيس]

حرف وشعر
وألف نعم بالجميع
صح لسانك وبيض الله وجهك
صوت وصدى رائعين
شكرا لك على اتحافنا بهما

تحياتي

[عبدالله البهلولي]

حروف وشعر
صح لسانك وبيض الله وجهك
صوت وصدى رائعين
شكرا لك على اتحافنا بهما

ولك تحياتي

[ابو أنس]

الفاضل حرف وشعر.....................
نعم لقد صغته حرفا متألقا وئت به شعرا جميلا
أكمل جماله وزاده مجارات ابن مجلاد بصدى الصوت الرائع والعذب
لك كل الشكر وعاطر التحايا

[زهرة اللوتس]

الاخ الشاعر حرف وشعر
صح لسانك وبيض الله
وجهك
صوت وصدى رووووووووعة
تسلم اخي
هطول رائع
وبوح راقي
تحياتي
وتقديري

[الـزلـزال]

حروف وشعر


صوت مميز بل رائع ورائع غالينا

ضم الجزاله والتوجيه المتقن

وصدى من ابن مجلاد

مدوي ويستحق الأشاده به

صح لسانك ولسان بن مجلاد ملايين ملايين

تقبل غالينا فائق تحياتي

[احمد الكثيري]

نص رائع ورد اروع
لكم تقديري

[داعي الشوق]

صح لسانك يالشاعر الشامسي

وصح لسان ابن مجلاد

صوت و صدى رائعين

أمتعتنا بإطلاعنا عليها وما قصرت ولا قصّر صاحب الرد ،

تحيي لك

،،،،،،،

[محمد عبدالله البدراني]

العزيز الغالي محمد عمران الشامسي سلمه الله


الف مليون صح السانك ياحرف وشعر

ولاهان راسك


قصيده ولاأروع صوت وصدى رائعين حقاً


لله دررك

تحياتي
مع اسمى ايات الشكر فائق التقدير واطيب المنى رعاك الاله

[صوت الإحساس]

صح لسانك ولسانه



صادق الود