ابو عبدالله وفلاح ولّعوا القاز

[فارس القوافي]

ع. ارحب يابن منشار ياراعي القاز=تحتاج لك قازٍ وانا القاز مني
ع. اخذت لي غطه كما غطة الباز=وصحيت مثل الذيب ما يرجهني
ف. ابك البقاء ياصاحب الشيخ موفاز= ماعندك الا الهجوله والتجني
ع. هذا لأنك راقص بحفلة الجاز=تبي من التطبيل من كل فني
ف. مات الشيوخ ومات من قبل بن باز = ماباقي الا اهل الهوى والتثني
ع. كل بدربه يوم لابد يجتاز= والعاقبه للي حصد للتمني
ع. هات العلوم وكل علم به انجاز= وصحح ضميرك من دفانٍ وكني
ف.الي يبي الجنه ترى مايبي ايعاز= معروف درب الحق ياشيخ بني
ف.لاانته مع الرومان واصحاب الاعجاز=ولا انته بشيعي واعتقد مانت سني
ع.البني اللي جاء من ارضٍ بقوقاز=مثلك ياطرش البحر اصل متدني
ع. ثم اشتغل في البدء باشغال خباز=ياكل حقوق الناس ذولا وذني
ف.ياطرش في الصحراء بلا نور وشراز= مادري عن اجداده ودربه مخني
ف. يقول انا الطائر ويرضع ببزاز= واليا لقيته صار به خوف دني
ع. الظاهر انك اسطوانة بوتوقاز=منطولة تسمع لها كل حني
ع. صدت مع الايام والحظ منحاز=وصارت عبال في الخرايب توني
ف. ياعود انا قررت حطك ببرواز= لاجل العرب تضحك على كل سني
ف. وارسلك لاجدادك حوالين شيراز= ياضبتن مكسورتن ماتكني
ع. تستاهل التمجيد ياراع الاهواز=تاريخ واضح كنت فيه متهني
ع. يومك تدور كل بكره وشيفاز=ولو لحيتك كالمكنسه حسب ظني
ف.قالو لي انك صرت تمشي بعكاز= من عقب زمرك صرت عندي توني
ف. واليا لقيت صحابنا قمت تجتاز= كل الحدود وتعتدي يالمغني
ع. انا اعترف وانته بجحدانك الغاز=العمر ماشي في طريق التدني
ع. على الاقل ماني على الزير نقاز=كالقرد ذيله واضح لكل جني
ف. ياباب يعجز يصلحه كل قزاز= لاتحسب ان الرمي منكم مكني
ف. يومك فقدت اعكيرتك جاك كزاز = ودوك للدكتور وانته تزني
ع.اكيد بابك صالح لكل مخراز=سوقك بسوق الشام ماهو يعني
ع.تتاجر على كيفك مثل اي بزاز=ولا من انتهى دورك تقربت مني
ف.لاتقترب سلك الخطر وانت خراز= بالسوق لك موقع وماتاه عني
ف. لامن مشيت تدق للناس غماز =في خنشليله لك مواقع وشني
ع.خلاص توبه ماقترب صوب الخناز=شفي بريم في الخضاب متحني
ف.البنت ماتقرب من الهرش لو حاز= كل الوسوم الراقيه وامتحني
ع.هذاك اول يومك بسوق الاعزاز=كل يبي قربك ومنك متهني
ف.لاجله حطيئه ماحدن منه قد ناز= يهجي جميع الخلق وده سكني
ع.ماعاد لي بك شف بريال وابياز=لله تايب عن طيورٍ غزني
ف.ياعود انا لولاك ماقلت الارجاز= ولاهجيت اصحابنا الي رعني
ف.حسبي عليك الله ياعود منتاز = يومي عجنته مير هو ماعجني
ع.اكيد دامك منتهي صابك نقاز=الله يباعد بيننا يابن هني
ع.عجينتك تحتاج ياخوك خباز= وانا غشيم في عجين التجني
ف.يانخلتن فيها التحني بالاعجاز= وعذوقها بالليل تخرب مطني
ف.من شجرة الزقوم تجتث الافراز= علقم وفيها ريح ماقد فتني
ع.ويابعرة طارت سما كود تجتاز=وفي الاخره طاحت بواد الهبني

صحت الالسن لاهنتم

[الطامي]

خالد
ياليت توضح الأسم او اللنك كامل للجميع
صح السنتهم
وشكرا لك لنقلها

[داعي الشوق]

صحة الالسن

محاورة جميلة و دسمه

عندما يتقابل الطائر ونجم الابداع

نجد المتعة و الجمال حاضران


يعطيك العافية فارس القوافي على النقل

و الاخراج الجميل

و لاهنت

،،،،،،،،،،،،،،،،،

[عدنان كريزم]

هههههههههههههه

شعار كبار ومحاوره ولا اروع وقافيه رووعه


لا هنتوا

[عالي مستواها]

ههههههههههههههههههههه حليهم بينهم
صحت السنتكم ابدعتوا وامتعتونا
يعطيكم العافيه

[سناعيس]

هههههههههههههه
انتم عليكم القاز وانا علي الكبريت
الكل منكم صح لسانه محاورة شاتيه ولا أروع
شاعرين مافيكم حيله زي مايقولون
تحياتي

[حي الضمير]

ابدعتم وامتعنم ياشعار
وصح السنتكم

[نفحات حساسة]

صح السانكم جميع.. ولاهنتو
ويعطيك العافيه خالد على نقلك.

[البتار]

مشكور
على ما افدتنا به
تحياتي

[نديم الحيارى]

بارك الله فيك
كتبت فقرأت فاستفدنا
تحياتي واحترامي