على بو سعيد القرم ردو سلامي الحار

[الطامي]

على بو سعيد القرم ردو سلامي الحار
حميد السجايا وافي الجود والمدّي

سلامي عليه إعداد ماغنت الاطيار
عدد من نزل بالارض ومقيم ويشدّي

راعي مجلسٍ لمفتوح للضيف ويا الجار
وهلا ومرحبا واقلط هلابك ولا تعدّي

حريب الردى بن عجيم وافي وله اذكار
وان قلت بن نوره ونعم الأب والجدي

صناديد ضرفاسٍ الا سرّجت الامهار
الا زعزعو بحيح المسمى هل الرّدي

وفي وقتنا الحاضر اهل مركزٍ وكبار
مقاديم ربع تلطم الضد ماتصدّي

واهل منصبٍ مرموق مديرٍ مع طيار
وتمثّل قبيله في اللوازم صُلب جدي

انا اقولها وبها اتنومس ومثله صار
لاتلومونّي في مدح ربعي وانا ودّي

يقول المثل الله يقطعش يالاشجار
اللي ماتحامي عروقها لاحصل شدّي

تقبل تحياتي يابن نوره وهذاإقرار
بصحيح الفعول اللي بنتعب لو نِعدّي

[الطائر المهاجر]

صح لسانك واعتلى شأنك
رائعة من شاعر رائع
ومتجدد الإبداع
ودام ابداعك
تحيتي ومودتي

[منيع]

جزل ومبدع ويستاهل المدح راعي الطيب
تحياتي لكم

[داعي الشوق]

ونعم يابو محمد
وصح لساانك مدد
ولاهنت