من يستهين الشعب لا جاع غلطان

[الطائر المهاجر]

من يستهين الشعب لا جاع غلطان = يثور كالبركان محدٍ يوافيه
وفي تونس الخضرا دلاله وبرهان= ومن لا اتعظ ماجاء على "زين" ياتيه
فقطع الرقاب ولا قطع رزق انسان= ممن يشوف الجوع للموت حاديه
وغيره منعّم ما اشتكى ضيم الازمان= يسرق وينهب والولي مادرى فيه
يخدعه من حوله رخومٍ وغربان = باخلاص كاذب لو تقبّل مواطيه
وتضرب بسيفه بكل ظلمٍ وبهتان= ولا خافت الرحمن يومٍ تلاقيه
اهل النفاق اللي لهم بالمكر شان= منهو وثق فيهم لقى ما يعنيه
ياسرع قلبتهم مثل طير برمان = وياسرع ماهم من يسبه ويشنيه
ومن قلّب التاريخ في عقل وامعان = يدرك بان الشعب مع من يراضيه
ويكسبه بالمعروف في عدل واحسان= ويقرّب اللي بالنصيحه يواليه
ويبعد هل التطبيل من كل شيطان = من كل فاسد بالمدح دوم يطريه
فالكامل الله ما بها أي قولان = ومن لا عرف نقصه ترى ابليس مغويه
ومن عامل لشعبه مثل أي قطعان = وسلط عليه كلاب بالظلم توذيه
مهما يطول الوقت يدفع للاثمان = ويجيه يومٍ ما تحرى حراويه
اما من الله عالمٍ سر الاكوان = بامراض تستعصي على من يداويه
او من قريبٍ ما خذا له بحسبان = يطعنه في ظهره ولوهو مواليه
فاالعاقل اللي واضع العدل ميزان = وادّى الأمانه عارفٍ وش تواليه
فالشعب امانه من حملها ولا خان = كسبان دنيا وآخره في مساعيه
ومن خانها لابد في يوم خسران = ولا ينفعه منهو على الشر يغريه
وحنا بدار العز من خير الاوطان= بقيادة اللي يعرف الله ويرجيه
وعضوده اللي شايلينٍ للاركان = من كل ليثٍ للوطن درع يحميه
ينصرهم الرحمن في كل ميدان = على الحقد والمكر واللي مشى فيه

[الصياد]

شكرا لإمتاعنا بإبداعك
لاهنت
تحياتي

[صعبة المنال]

صدقت يا ابو عبدالله

فاالعاقل اللي واضـع العـدل ميـزان
وادّى الأمانـه عـارفٍ وش تواليـه
فالشعب امانه من حملهـا ولا خـان
كسبان دنيـا وآخـره فـي مساعيـه


صح لسانك وفكرك

جزلة ووافية

[الطامي]

من يستهين الشعب لا جـاع غلطـان
يثـور كالبركـان مـحـدٍ يوافـيـه
وفي تونس الخضرا دلالـه وبرهـان
ومن لا اتعظ ماجاء على "زين" ياتيـه
فقطع الرقاب ولا قطـع رزق انسـان
ممن يشوف الجـوع للمـوت حاديـه
،،،،،،،،،،،،،،،،،،،،،،،
الطائر
صح السانك ملايين
رائعة جدا وجات في وقتها لافض فةوك اخي
الله يديم الرخا والمحبه والألفه بين حكوماتنا وشعبهم
شكرا لك

[عبدالعزيز العمار]

الله الله يالطائر

أبدعت بهذه الفاخره ولاهنت

ومانقول الا الله يرحم الحال ويتغير للأفضل

صح لسانك ولاهنت

تحياتي وتقديري

[بحر الجنوب]

مـن يستهـيـن الشـعـب لا جــاع غلـطـان
يــــثــــور كــالــبــركــان مــــحــــدٍ يــوافـــيـــه
وفــي تـونــس الـخـضـرا دلالـــه وبـرهــان
ومن لا اتعظ ماجـاء علـى "زيـن" ياتيـه
صح لسانك يا ابوعبدالله ونسال الله أن يعين الشعب التونسي ويصلح امره وتقبل تحياتي وتقديري

[عبدالرحمن الغيثي]

صدقت يا ابو عبدالله واحسنت


مثلك من نطرب لقصائده الحاضرة


لله درك ودر هذا المتصفح العذب


دمت بخير

[عبدالإله]

قمة الجزالة حاضرة هنا

لا فض فوك

جمعت الابداع هنا

لاعدمناك يا دكتور

[منيع]

اجدت وابدعت
بارك الله فيك وفي فكرك النير
تحياتي

[داعي الشوق]

ليس كل شعب شعب يا بو عبدالله ؟؟

صح لسانك مليار

ولاهنت

دائما تساير و تسير مع الحدث و الاحداث يالطائر المهاجر

لله درررررك يا مبدع

تقديري لك

**************