اهل الفسق

[عمر ال شيبي]

يالربع صلو على النبي

الموضوع كبير زواج لعربي من بنات الاجانيب الغربيات
وبناتهم شو يطلعون ويعملون ؟
وش رايكم بالوصف لما شفت وشوف كل يوم ؟

واترك لكم الحكم بعد القصيده

يا بنت يللي خصرك ورسمك حريق= يا فتنة ٍ بالارض خطف اغلالها
خافي علينا من الدواهي والغريق = في بحر ملعون الخطايا اشلالها
يومن تدقّي بالكعب خطوه السويق = معزوفة الالحان طق افعالها
اللي تجيب التوه زفره مع شهيق = صمت الحناجر مع نظير اطوالها
شوفة عيون الشّيْبِ رواد الطريق = لي كحلة ٍ جابت لعين اظلالها
تنزل على تلين وادن له رفيق = من فوق ثوب ٍ جا شفيف اخيالها
جاب الدهيه والعنا طوق الطويق = اليا انعمينا من بياض احلالها
يوم الفتن بالوشم مختوم الزّريق = ذاك الكتف باللون شهد اعمالها
ما تنجلي يا بنت خافي من اللحيق = ما كل حد ن يكمتن برحالها
يومك فضيحه والفضايح لك بريق = معلن جريده والسواد اقوالها
بين الحضر مالك عذر عقب المظيق = عند البدوا بالشعر جابوا اكمالها
وصف السنا لبسك خنا وانتيْ بْسحيق= لا كنتي بنت الجاه بيّك زالها
قولة حضاره مع تقدم ما تعيق = كيف الشرف مطرف طرف لخوالها
يوم العرب نسب الغرب حق وحقيق = دارت علينا من حطيط ازوالها
لاْم اجنبيه من بلد ماْبْها محيق = اهل الفسق ملعون بي اوصالها
نار الجحيم اللي مهوده للخَليق = صوب العنا والشين عرض احمالها
وستغفر الله من كلامي ما اطيق = نظرة عيوني بالمدن وجبالها

يكمتن = يخفي

بنت الجاه = بنت غني بالحيل

[الطائر المهاجر]

سلمت
وصح لسانك وفكرك
ولا هان راسك
جزلة وطيبة من راس طيب
تحياتي

[عمر ال شيبي]

المشاركة الأصلية كتبت بواسطة الطائر المهاجر

سلمت
وصح لسانك وفكرك
ولا هان راسك
جزلة وطيبة من راس طيب
تحياتي

صح قلبك استاذنا الجليل

والطيب منبعكم وهنا له نهاله

[عبدالعزيز العمار]

صح لسانك ياعمر وجاد بيانك

قصيدة طيبه بالحيل وأبدعت فيها

تحياتي وتقديري

[عمر ال شيبي]

المشاركة الأصلية كتبت بواسطة عبدالعزيز سعد بن عمار

صح لسانك ياعمر وجاد بيانك

قصيدة طيبه بالحيل وأبدعت فيها

تحياتي وتقديري

الله محي من جانا

هلابك شاعرنا وشكرا لذوقك وفهمك الراقي

[الطامي]

عمر
صح السانك وبنانك
رائعة ومعبرة وهادفه
لله درك يامنبع الشعر والحكمه
شكرا لك

[داعي الشوق]

صح لساااااااااانك يالشاعر عمر

وصف مكتمل في صورة واضحه

ابدعت يالشاعر

وصح لساانك

ولاهنت

**********

[ماجد الراشد الهيري]

صح لسانك استاذنا الكبير كلمات بكل صراحه غزليه من نوع خاص ذائقه شعريه تملك الحس والاحساس ماأراه امامي من تصوير وتطويع الكلمه 0
نص مدهش وراقي اتمنى لك التوفيق

[مسافر]

ابداع × ابداع
وقصيدة رائعه
صح فكرك واحساسك
ولا هنت
تحياتي وتقديري

[جلال ابراهيم الصبيح]

يـومـن تـدقّـي بالكـعـب خـطـوه السـويـق

مــعــزوفــة الالـــحـــان طــــــق افـعــالــهــا

الـلـي تجـيـب الـتـوه زفـــره مـــع شـهـيـق

صـمـت الحنـاجـر مـــع نـظـيـر اطـوالـهـا

صح الله لسااااااااااااااانك