اكبر خطر نعره(بدو وحضر)(بالصوت)

[الطائر المهاجر]

اكبر خطر نعره توز الشياطين= كلمة بدو والاّ حضر ياجماعه
"فرق تسد" قانون كل الحقودين=ممن يعرفون المكر والخداعه
وحنا عيال اخوان بالدم والدين= والأصل واحد ما يبي له رماعه
احدٍ هوى البران في جوها الزين = واحدٍ مسك ارضه بدا بالزراعه
واحدٍ بدكانه على العسر واللين = واحدٍ بوسط البحر يرفع شراعه
ارزاق تتقسم بكل الميادين = وكلٍ فخور بما تجيبه ذراعه
المشكل إنّا جاهلينٍ من سنين = ما نفهم اللي نحدثه من شناعه
الناس تتطور وحنا مساجين = للجهل بالتفكير في كل ساعه
جونا وفودٍ من جميع البلادين = متكانفين وفاهمين الشفاعه
صاروا هل الجاهات واهل الملايين= وحنا تفرقنا ونخشى المجاعه
وعيالهم بالعلم حطّوا نياشين = كل ويقحش راتبه فوق صاعه
وحنا رواتبنا على الالف والفين = ويا ليت نسلم من عشاً للجماعه
فينا الكرم عاده ولو ناخذ الدين= وهم باقتصادٍ عايشين بقناعه
وهم مع بعضهم بالوسايط خبيرين = الكل ياصل لو مشى بالخضاعه
وحنا كبار الروس ما نعرف اللين= كلٍ اميرٍ والجفاسه طباعه
نحقر بعضنا لو نوطّيه بالطين = ونّبّش الماضي بخبث ولكاعه
هذا وحنا مجتمع يعلي الدين = بدوله اوامرها علينا مطاعه
وشلون باكر لو نوونا المعادين= ثم ضربونا في بعض ياجماعه
واجب علينا نثمن الأمر تثمين = ونمحي جهلنا بالعقل في شجاعه

[داعي الشوق]

وشلون باكر لو نـــوونا المعاديـن
ثم ضربـــونا في بعــــــــض ياجماعـه
واجب عليـــنا نثمن الأمـر تثميـن
ونمحي جهلنـــــا بالعقل في شجاعـه

.........................

صح لسانك يابوعبدالله جبتها على ما تمنى وفي الصميم

نعم لا يعكر خاطري إلا قولة هذا بدو وهذا حضر .. رغم أن الكل إخوان في الاسلام

كما تفضلت بقصيدتك .. وليس لهذا الحد بل تعدى ذلك إلى علاقات شعوب عربية

فيما بينهم ولكن هذه المره ليس بقولة بدو وحضر .. لا .. لكن بجنسية الشخص

ومذهبة .
حمانا الله و إياكم والجميع من أصحاب الفتن و من كل مكروه

بارك الله فيك وجزاك عنا الف خير ياالطائر المهاجر

تحياتي وتقديري ،،،

[خالد العمري]

اييييييييييييه صدقت وربي ابوعبدالله
ما ضيعنا غير هالسوالف اللي مالها أساس
لكن لاحووول ولاقوووة إلاّ بالله
كلام كثير ابو عبدالله بخاطري وأنت جسدته هنا في أطروحتك الرائعة
صح لسانك وأعتلى شانك

فديت قلبك

[الطائر المهاجر]

قصيدة اخرى اكثر شرحا
http://www.ftahilah.com/showthread.php?t=9663

[الطامي]

اكبر خطر نعره تـوز الشياطيـن =كلمة بدو والاّ حضـر ياجماعـه
"فرق تسد" قانون كل الحقوديـن =ممن يعرفون المكـر والخداعـه
وحنا عيال اخوان بالـدم والديـن = والأصل واحد ما يبي له رماعـه
دكتور كم هي رائعه
لاهنت وصح السانك
قصيدة تسوى ديوان بأكمله
دمت سالما غانما

[عذب القوافي]

صح لسانك ابوعبدالله وعزالله إنك ماجبت الا الصحيح


وارجوا قبول هذا البيت هديه من تلميذ لأستاذه

يامرحبا(ن) ببيات كلّه مضامين=من شاعر كل المعالي طباعه
عثمان مثلك راجح(ن)بالموازين=فيك الوفاء والطيب وايضا الشجاعه
واللي يحاول يفرق الناس لأثنين=مسكين مثله ضايع(ن)باللكاعه

دمت بخير حال .

[الطائر المهاجر]

شكرا داعي
على كريم المتابعه
لاهنت
تحياتي

[داعي الشوق]

وشلون باكر لو نـــوونا المعاديـن
ثم ضربـــونا في بعــــــــض ياجماعـه
واجب عليـــنا نثمن الأمـر تثميـن
ونمحي جهلنـــــا بالعقل في شجاعـه

ابدعت وصح لساانك وفكرك

[منيع]

الناس تتطور وحنا مساجين = للجهل بالتفكير في كل ساعه
جونا وفودٍ من جميع البلادين = متكانفين وفاهمين الشفاعه
صاروا هل الجاهات واهل الملايين= وحنا تفرقنا ونخشى المجاعه

اجدت واصبت
شكرا لك
تحياتي

[الطامي]

صدقت ياعموووو
وصح السانك
ولاهنت