من يشتري الدار

[ابو أنس]

على لسان صديق يعاني من أحد جيرانه

ياللي تبون الرخص من يشتري الدار=نبي نبيع الدار نبغي بداله
نبي نبيع الدار والسبه الجار=ياشيب عينه من بخس في حلاله
قطعت فيه اوقات واوقات محتار=ابيه يطلع نادرٍ في جماله
ارخص به الدينار واحث الافكار=واشجع الصانع وازيد بدلاله
في كل يوم اصبحه عقب الاسحار=قبل طلوع الفجر وآقف قباله
نوبٍ اجي حداد ومرار نجار=ونوبٍ الاغي في المقاول حكاله
ونوبٍ اصير مهندسٍ حذق بيطار=بس انتخي بالمعرفه والشكاله
ويامارقيت بسلمٍ هش وانهار=وياماتشغمرت الخشب والصقاله
ويامارقيت جدار اوطحت باحجار=وياما تلقيت الخطربالعباله
افطر مع العامل واجيب الخبز حار=والبيت خبزه بايت في البقاله
وعلى الغدا مشوي وساعات كفيار=واسقيه بيره ياعساه يهناله
حتى الولدلاشاف فعلي معه غار=يقول حظه ليت حظي بداله
كله نبي نصحه يجي منه مدرار=عشان بيت العمر حلمي واناله
يوم استتم وقلت اسوقه خبر سار=لاهلي واشيل العفش دق وجلاله
اخذت لي مده ولاشي لي صار=الين جاري جار وابدا الجهاله
ماسمع لي رجوا ولاابدالي اعذار=ولاقبل قول اللذي قدعناله
ساق الضرر متحديٍ سروجهار=حتى طلع من خاطري من فعاله

أجارنا الله وإياكم من جيران السوء

[الطائر المهاجر]

هههههههههههههههههه
حقك وما جاك ، مفروض تنشد عن الجار قبل تبني الجدار
راح البيت براس ماله
صح لسانك
ولا هنت
تحياتي

[داعي الشوق]

صح لسانك يا بو انس

والله يهني زميلك بداره المبارك ان شالله

و قله ان الصبر على اذى الجار من صفاة النبي صلى الله عليه وسلم

و اوصى به ،

ولاهنت يالشاعر

وصح لسانك مدد

مع تحياتي لك *

[هترل]

افطر مع العامل واجيب الخبز حـار
والبيت خبـزه بايـت فـي البقالـه
وعلى الغدا مشوي وساعات كفيـار
واسقيـه بيـره ياعسـاه يهنالـه



ياسلاااام عليك يابو انس
< يستاهلون الكفيار ههههه

الله يسعد ايامك اخوي ابو انس ويكرمك بالجار الصالح ومن يعز عليك
وصح لسانك مدد ابدعت وامتعت لاهنت يالغالي


تحياتي وتقديري لشخصك الكريم

[احمد الكثيري]

صح لسانك يا بو انس
وتصدق ان بعض الجيره تسبب الحيره
سلمت وسلم فكرك الراقي

[ابو أنس]

المشاركة الأصلية كتبت بواسطة الطائر المهاجر

هههههههههههههههههه
حقك وما جاك ، مفروض تنشد عن الجار قبل تبني الجدار
راح البيت براس ماله
صح لسانك
ولا هنت
تحياتي

أنا...

تركت لي جيران واكبرحسافه=والله رزقني عقبهم خير جيران
مايعرفون البصبصه واللقافه=وان غبت عن داري غدوا خير خلاّن
في كل جمعه نجتمع بالتفافه=دورية نركض لها وين ماكان

[ذيب الجبل]

اجزلت وابدعت
صح لسانك يالقرم
ولاهان راسك
تقبل تواضع مروري
واطيب تحياتي

[الحوباني]

للجزالة رونق خاص وجدته هنا
لله درك
وصح لسانك مليار ولا تكفي
تحياتي الطيبه

[صنداح الزلامى]

صح لسانك يا بو انس
وتصدق ان بعض الجيره تسبب الحيره
سلمت وسلم فكرك الراقي

[الـزلـزال]

ابوأنس

نص رائع ووميز وهادف
من شاعر متميز ورائع في كل مايقدمه لنا
أبدعت وأمتعت شاعرنا الراقي
دمت بخير ودام لنا حرفك الراقي
صح لسانك ملايين ملايين
ولك فائق تحياتي وتقديري