عطني صبر ماعاد فيّ استطاعه(بالصوت)

[الطائر المهاجر]

عطني صبر ماعاد فيّ استطاعه = فاللي بقى من عمري اليوم لحظات
فارقتني والقلب احرق شراعه = يبحر به الهوجاس في كل غبّات
ابحث عن اسباب الجفا والقطاعه= واعيتني الحيله لفهم الذي فات
ان كان رب الخلق يقبل شفاعه = فشفاعتي بالقلب مجموع آهات
من يوم غاب البدر واعلن وداعه = ساد الظلام الكون لو به مجرات
لك مسكنٍ وسط الحشى عن قناعه= ولي من عذاب البعد همٍ وحسرات
مظلوم لكن ما نجح في دفاعه= وش حيلته والحكم ينطق بلا اثبات
ان كان في شرعك دروب اللكاعه= فشرعي بدرب الحب تقديس آيات
وان كان تسلاني على البعد ساعه= يذكرك قلبي كلما دق نبضات
لليل فجر يختفي مع شعاعه = وفجري رجوعك لو تطول المعانات
باقي على عهد الوفاء والتياعه= وارجي من الله يجمع قلوب الاشتات

[الأموره]

من يوم غاب البدر واعلن وداعـه
ساد الظلام الكون لو بـه مجـرات

صح لسانك ملايين يالشاعر ،،

سلم هالبوح و هالنبض ،،

الف شكر لك ،،

دمت برعاية الخالق ،،

[عبدالرحمن الصباح]

يذكرك قلبي كلما دق نبضات =ياسلام يابو عبدالله صح السانك وعلا شانك ا سجل اعجابي استاذي

صح لسانك
قصيدة رائعه جدا ً

يعطيك ألفـ عافيه ودمت بخير

[الطائر المهاجر]

شكرا للفاضلة الأموره
على كريم الحضور والتفاعل الراقي
دمتي بخير
تحياتي الطيبة

[الطامي]

وان كان تسلاني على البعد ساعـه
يذكـرك قلبـي كلمـا دق نبضـات
لليل فجـر يختفـي مـع شعاعـه
وفجري رجوعك لو تطول المعانات
باقي على عهد الوفـاء والتياعـه
وارجي من الله يجمع قلوب الاشتات
"""""""""""""""""""""""""""""" """""""""""
الطائر
صح السانك
ولاهنت
؟؟؟؟؟؟؟؟؟؟؟؟؟ خلاص انا بطلت الشعر بالمقارنه معك اساتذي العزيز ؟؟؟؟؟؟؟؟؟؟؟؟؟؟؟؟؟؟؟؟؟

[نجم الإبداع]

ابو عبدالله

يسلم قلبك

ولي عوده لازم

لاهنت

فائق الاحترام

[بارق السيف]

ابو عبدالله صح لسانك

لاهنت على هذا الإبداع

تقبل مروري

[ابومياس]

لليل فجـر يختفـي مـع شعاعـه
00000000000وفجري رجوعك لو تطول المعانات

لو تطول المعاااانات



ابوعبدالله نص دخل القلب

صح لسانك وبيض الله وجهك

دمت بخير

[الغريب]

صح لسانك

ياشاعرنا ومانقول الا الله يعطيك طوالت العمر