اللي وده يقلط

[الطائر المهاجر]

الشعر من دون المحاور سواليف = ومحاورٍ ماله هدف وش نبي به
وقصر الفطاحل واجبه يكرم الضيف= يفتح له الميدان يلعب بهيبه

[نجم الإبداع]

الله يديم الود بين المواليف = ياصاحبي وين العقول اللبيبه
خابرك يالي كلمتك كنها السيف = لكن نفوس الناس ياخي غريبه

[مهدي الحبابي]

أخوي ابو عبدالله صح لسانك والله درك

أخوي فلاح بن منشار صح لسانك والله درك

[الطائر المهاجر]

هلا بكما يا فلاح ويا مهدي
تشرفت بالحضور والمتابعة

الحرف مثل السيل يحتاج تصريف = وان ما عدلته لاتساهل بعيبه
والنفس حساسه اذا شافت الحيف= وكل البلى من حرف محدث لريبه

[نجم الإبداع]

دنياي ماجت يارفيقي على الكيف = يوم الغصون الي تبيني رطيبه
واليوم ناداني الهوى وانت حريف = ابغى النصيحه عاملوني بطيبه

[الطائر المهاجر]

تركتني واقفيت والرد تغليف = تطرد ورى من قلت عنها الحبيبه
ولمن ملزت اقبلت والهرج تخريف= تقول قلبي يشتكي من لهيبه

[نجم الإبداع]

ياعود ماعرف للردى والتلاقيف = جيتك وقلبي يشتكي مالمصيبه
اما غيابي فالحقيقه لفى ضيف = عابر سبيل وقلت لازم نجيبه

[الطائر المهاجر]

وش هيضك والضيف جالك بتشريف = لولاه حرك ضامرك بتخريبه
اخذك بحرٍ فيه عمق وتجاويف = يحسبك مثله ماعرف عنك شيبه

[نجم الإبداع]

كنت احسبك دكتور بتحلل الطيف = وتحس نبض العاشق وتعتني به
واثرك معكر جو وتريد تلطيف = دنيا الهوى ياخوك دنيا عجيبه

[الطائر المهاجر]

خل الهوى لاهل الهوى والغطاريف= وارجع لأمرٍ كن ودك تسيبه
قلنا المحاور قلت كله تصانيف = ياسرع ما يزعل رفيق تغزي به