للجادين فقط

[ناصر عبيد الهواوي]

ياسلام الله على اللي يرغب الردية=صغتها في طرق نجدي وبلحن فناني
فالكويت الحبحب يسمونه الرقية=وبالجنوب الخبز يمكن جاله اسم ٍثاني

[الطائر المهاجر]

للجادين فقط
عنوان إعلان بيع عقارات
الظاهر متأثر ياناصر
ههههههههههههههههه

ياهلا ويامرحبا بالهواوي ميه ميه =صغتها في طرق تاجر يضبط العنواني
وش دخلنا فالخبز الا ان كان لك نيه= اشترك وياك نفتح مخبز لبناني

[ناصر عبيد الهواوي]

صح لسانك يابوعبد الله واستلم

يوم دكتور العرب طبٌح بوسط الهية= مايحصٌل مستواه الا رجل فهماني
احذر احذر لا تدوس الرجل راس الحية=التسرع صاحبه ياصاحبي ندماني

[الطائر المهاجر]

كان رجلي داسته فالرجل مبليه= وش يجيبه بدرب الراكض الظمياني
والحذر ما يمنع من القدر لو اصفي النيه=خل ابركض واطامر طمرة الشيباني

[صنداح الزلامى]

يالهواوي شاعرٍ تلعب على الرمزيه = والعرب تلعب وبعض اللعب بالمجاني
يالهواوي كل دارٍ فيه شمس وفيه = وانت لوتخفي على العلم مايمخفاني

[ناصر عبيد الهواوي]

مايجيك الباس مادام إن نارك حية=اعرض اعقود الذهب والماس والمرجاني
حط لك وقت احتياطي لو نويت الجية=لا توهق بالنفود وموترك حمياني

[الطائر المهاجر]

خلاص هالحين انا ابشجع
الله يقويكم ياصنداح ويالهواوي
مادام فيها رمزيه ... مالي ومالها

صحت السنتكم وواصلوا

[ناصر عبيد الهواوي]

من رقا قمة طويق بحزة العصرية=يمكن يشوف السحاب اللي على الصماني
ولا تصدق ماتقول النشرة الجوية=دام عقلك زين وانت تشوف بالاعياني

[ناصر عبيد الهواوي]

كان صنداح الزلامي راغبن بالجية= مرحبا لو هالرسالة مالها عنواني
يابن عالي جود حزامك كفيت السية=لاتسل السيف فوق وخيك السيحاني

[ناصر عبيد الهواوي]

تصبحون على خير الوعد لمن اراد غدا مساءا الساعة التاسعة ان شاء الله