اقرب ياعبدالعزيز بن عمار

[محمد بن عمار]

يابن عمار وش قومك تركت الخيل والمهماز ‏‏= ولا لك شوفة ‏‏(ن‏)‏ وسط المحاور يوم يحيونه
‏ تقدم حرك الساحة وبطل جلسة المركاز ‏‏= مدامك شاعر وكل الفطاحل ترغب فنونه ‏ ‏

[سناعيس]

حيلهم بينهم
وبانتظار عبدالعزيز
صح لسانك يامحمد

تحياتي

[عبير الورد]

ياسلام عليك

صح لساااااانك

في انتظار الشاعر المبدع عبدالعزيز ولاهنت اخوي محمد

متابعين لكم

[عبدالله مذكر العقيلي]

صح لسانك

وننتظر الشاعر


متابع

[عبدالعزيز العمار]

المشاركة الأصلية كتبت بواسطة محمد بن عمار

يابن عمار وش قومك تركت الخيل والمهماز ‏‏= ولا لك شوفة ‏‏(ن‏)‏ وسط المحاور يوم يحيونه
‏ تقدم حرك الساحة وبطل جلسة المركاز ‏‏= مدامك شاعر وكل الفطاحل ترغب فنونه ‏ ‏

ارحب يابوعبدالعزيز .... عز الله انك ورطتني تراني عليمي بالمحاوره ولاتشره علي

استلم ..

هلابك مسندي يامن صعد فوق المعالي وحاز=هلا بالشاعر اللي للمشاعر يعزف لحونه
تراني فالمحاور يانديمي دايمن منحاز=على انغام الشعر نحيي هدوء الليل وسْكونه

[محمد بن عمار]

ترى ماكل منهو مد كفه للملأ معتاز = ولامنهو يهل الدمع يشكي علة عيونه
يمدون الكفوف امصافح وشارات للإنجاز = ويهلون الدموع اليا طرا للقلب مظنونه ‏ ‏

[الطامي]

صح السنتكم
رائعة وطيبه
كملووووها وما عليكم من سناعيس
تراااه وده يطب معكم بسسسسسسسسسسسسس مستحي ههههههههههههههه
لاهنتو

[داعي الشوق]

الله الله

صح لساانك يا بو عبدالعزيز

و صح لساانك يا بو نايف

اجتمع الجمال و الابداع

ولنا حق المشاهده و الاستمتاع

لله دررركم

و لاهنتوا

[الطائر المهاجر]

الله ..الله
دسمه
مداخله على الطاير
انا حابرك يا محمد تلاعب ولد ابن قمباز=بسلطانه وكل الخلق يالقنباز يدرونه
ويوم انك تعلمت المحاور صرت ما يعتاز= امير الملعبه لا من وصل فالكل ينوونه

[محمد بن عمار]

لاحول ولا قوة ، وصل النقازة ، ومن طق الباب لقى الجواب ،استلم يالمهاجر /

وإلى من صارمداحك لسانه كنه المخراز=بوجهك يبتسم وإن غبت ينهش فيك بسنونه
ولاله في الملأ ربع(ن) قريبين(ن)عليه عزاز=جميع الخلق عدوانه ولو هم مايعرفونه