ياطير يامهاجر بدون الجناحين

[نجم الإبداع]

ياطير يامهاجر بدون الجناحين=يالي تغرد بالوفاء فوق الاوطان
انا انتظرتك داخل القصر يومين = ماشفت عواشه ولا شفت سلطان

[الطائر المهاجر]

شوفك شجر ما تعرف الزين والشين= خل النظر مادام بالحيل نعسان
اية قصر وانته ببيت من الطين = يحتاج له ترميم والباب خربان

[نجم الإبداع]

في قصرك المقرود طاب الجنا حين= زاير ولا جيت ارتجي منك الاحسان
في عشر ذي الحجه ترى الذنب ذنبين= اعوذ بالله من وساويس شيطان

[علي محمد العتيبي]

ياسلام


شعار كبار


صحت السنتكم


سجلوني متابع


احترامي

[الطائر المهاجر]

ذنب انكتب لك يوم حطيت بيتين= واخاف ما يلحقك عفو(ن) وغفران
طفيت نورك ثم قبّلت يالشين = تنشر شويب ما بقى فيه اسنان

[راجي الحاج]

ههههههه هههههههه

[نجم الإبداع]

ياعود وشبك راكبتك الشياطين=من جاك راضي راح ياعود زعلان
شايل عصاك وتضرب الي معدين=لو قال كيف الحال شبيت نيران

[نجم الإبداع]

علي

راجي

حياكم الله شرفتونا بالحضور

لاعدمناكم

[راجي الحاج]

الله يعطيكم الف عافيه على هالروح الحلوه

[الطائر المهاجر]

من شاف زولك قال هذا مسيكين = اخطى عليه العود من غير حسبان
وانا اعرفك خابرك بالبراهين = ذيب يتمسكن لو خفى منه نيبان