(تحذير) للقلوب الخضر (فقط)

[احمد الجريفاني]

ارغب البيض وابحر في غرام السمر=عندي الملح والقبله هن الميزتين
بس يامن بغيت الحق (موت) الشقر=كل مااوفيت دين ينشٍبنك بدين
مشبعات العشيق ومطربات العمر=ما لهن عند مجنون العواطف وزين
حسنهن فاق كل الوصف يآسر أسر=لومدحت العيون تلومك الحاجبين
شعر خمري ليا ناداك يآمر أمر=لختلط مع شروق الشمس عيًا يبين
لاشلعه الهبوب لفوق عوًد حدر=وكل ما هزته نسمات يرجع يزين
لارتكز عودها ياصل لحدر الخصر=بينه وبين روس اردوفها بوصتين
سايحٍ فوق متنه ما يبي له ظفر=لانسفته سرق راس النهد خصلتين
ظلل خدود لاهن بيض لاهن حمر= خوخ شامي يموع ليا لمسته يدين
بينهن مبسمن لونه بلون الجمر=يلعب بحسبة اللي يذكر انه رزين
وجيد ريحه طبيعي عاف ريح العطر=كيف يحتاج طيب وريحته ياسمين
والصدر آآه عزالي وصلت الصدر=طالبك عطني اخباره على دفعتين
اتق الله فيني واخش يوم الحشر=شرع ربي يحرٍم ذبحة المسلمين
ان وصفته اخاف يضيع منك الاجر=يا رجل خل عشاق النهد غافلين
غالت الثوب بردوفه الين انثبر=والعباة ارغمت كل المحاسن تبين
تزعل ان وصفوا حسنه بنور القمر=من يلومه وهي تفرق طراوه وزين
لا تسبه بطول ولا يعيبه قصر=كامله والله الكامل على العالمين
من خذاها دعن له عجز ليلة قدر=ساعة الفجر يوم ان البشر خاشعين
بنت تفرح ليا منك نويت السهر=نومها لو يطوٍل ما وصل ساعتين
العمى لو يشوفه رد فيه النظر=والمفتٍح يطيح اعمى من اسبال عين
منوتي ماربت با الشام والا مصر=مسكنه منطقة (....) واهلها قطين
البدو ما يقارن زينهم با الحضر=حكمةٍ سامعينه من قديم السنين

[داعي الشوق]

سايحٍ فوق متنه ما يبي لـه ظفـر = لانسفته سرق راس النهد خصلتيـن

..........................


هذا إرهاب مو تحذير يا بو فراس الله يهديك ،

تسلم يمناك على هالراقيه

قصيدة جزله وصداها اجزل صح لسانك و صح نبضك و إحساسك

وافيه ومن راس وافي

ولاهنت

[الطامي]

الجريفاني
ههههههههههههههه
صح السانك ملايين
متولع يالجريفاني بالشقر ،،، لاكن البدويات يأتينك حنطاويات ،،،، اوووووووووف ذكرتنا
ابيات ووصف رائع لافض فوك اخي
شكرا لك

[فارس القوافي]

ياويل حاااااااااااااالي

الله واكبر عليك

صح لسانك ولاهنت يامبدع

يعطيك العافية

دمت بخير

[نجم الإبداع]

احمد الجريفاني

مبدع انت

صح لسانك على الاشراقه العطره

ولاهنت

تقبل مروري

وتقديري

[طوفـــان]

هههههههههههههههه

فرمل فرمل لانروح فيهاااا


قصيدة جزله ووصف صاروخي عابر القارات ...

لاهنت يالغالي ..

[منيع]

مبدع ومميز
ودي وتقديري

[عمر ال شيبي]

الله عليك ما اجملك

وما اجمل موضوعك
صح لسانك الطيب يا طيب

[الخنساء]

صح لسانك مليوووون

قصيدى جزلة من شاعر متمكن

سلمت ودام حرفك

[الـزلـزال]

أحمد الجريفاني

نص في قمة الجمال والروعة والجزاله
من شاعر متميز ورائع في كل نصوصه
حمل لنا هذا النص أوصاف خرافيه
أبدعت في وصفك وتميزت
دمت بخير ودام لنا حرفك المرهف الراقي
صح لسانك ملايين ملايين
ولك فائق تحياتي وتقديري