الطائر المهاجر + عايض بن سرحي ( الشات )

[خالد العمري]

هذه مساجلة الأحبة في الله الأخ ( الطائر المهاجر ) و الأخ ( عايض بن سرحي )

وقد حصلت بينهما في شات الفطاحله في يوم الجميعة بتاريخ 22/2/2008 م

وإليكم ما ورد من قلوبهما الإثنين وصح السنتهم جميعاً

عايض=
سلام الله على الموعد حضرنا يارجال الشات=نبي الريس وحراسه نبي الريس وعوّانه
المهاجر=
عليك الله وسلام الله تراجع ما مضى او فات= تعرف اللي قشطك البارحه بعيون نعسانه
عايص=
نبي يطلع لنا رجال وافي يعرف الجزلات=نبي نكسر اقرونه لن طلع يموت شيطانه
المهاجر=
وانا الليله ولو نعسان ابقشط ما بقى بالذات= تروح لمكه مجربع وبيتك ضاع عنوانه
لقيتك مثل بارود الهوا حسٍ بلا رميات= تصرقع غير ما عندي سوى ابيات مليانه
اظن احسن توخر لاتجي في مقدم الطعنات= لأنك غالي ولا بي يصيبك سهم بجنانه
ترى منتاب قد الطير الى سلفح على الهامات= يغار بمخلب كالرمح لو قللت من شانه
عايض=
وشّرك يالمهاجر جيت بين العود والعّمات=مابي ياصحابنا من عودكم خوخه ورمانه
المهاجر=
ولا انته قد صاروخ المهاجر لا وصل بسكات= يحطم مابقى بالقاعده ويهد اركانه
عايض=
تذكرّ يازعيم القوم بكره هادم اللذات=ليا قالوا لنا شوفوه هاك الجسم باكفانه
المهاجر=
اشوفك مثل من غبر على قرنه ولو هو شاة= فلا تبحث عن المذبح اجيب الرمح وسنانه
تبي يفزع معك ماظنتي تعرف القرآن ولآيات= فكلش من تدابير الكريم ولا نت بلسانه
تبي تقشط قشطنا وانتهينا وانت في غبات= غريق ولا لقى منقذ ببحر بين حيتانه
عايض=
ياليت اسنانكم يرجع ويضرب جيّد الخالات=يجي بين الجبين وبين سيقانه
المهاجر=
واذا بندقك ام صكمه فعندي شوزن بميات= تصيب ولا خطت اهداف دام الطير ربانه
ضربنا وانتهينا وانت بلشانٍ براح وآت= فصح النوم قبل الفجرما ياتيك بآذانه
تبي تجمع تبي تطرح تبي تقسم على عشرات= ترى خسران من باكر ولاانته يوم كسبانه
الى منه حمى الماطور جاك هجوم مع غزوات= ولو تشرد ترى مطرود مثل ضبٍ وخيفانه
عايض=
انا احذرك ياشيخ الجهام وراعي العيلات=قبل قطعة لسان العود والا كسر جنحانه
المهاجر=
قليبك وانتهى جمه ولا ظني به الجمات= ونارك انطفت والعج انهى كل دخانه
الا يادليم قله هلا على تهديد من اموات= طويق ولادرى نسناس مر اليوم بوزانه
ترى للحين ماجاك الهجوم وعاسف الضربات= ولو سلمت احسن لك فسهمك طاش نيشانه
تبي تفزع لصنداح الزلامي وانت في عركات= اظن تفزع لنفسك خل صنداحٍ وجيرانه
انا ما اصبر على موتر يناتع كن به علات= ابي موتر سريع غبرته من خلف شكمانه
حرام الطق في ميت يعيش بوهم في القشطات= وهو مقشوط طول الليل من رجليه لآذانه
عايض=
مرار تصير عادل والمرار الثانيه شماّت=ياليت العود ثبّت كيلته وعيار ميزانه
المهاجر=
شهود الحق في الصفحه وعلمك من ورا النيات= تبرد كونر ماشي ولو ما تقدر اوزانه
تبي مشي السلحفات امشه ونا مالي بها شفات= عطيتك كل ما عندي وماعندك ترى عانه
عايض=
يالراعي البندق اللي رميته زمّت عن الشارات=اليا طال المدى للبحر يالاجواد رباّنه
المهاجر=
تحسب البحر يسكت لك بمشيك ناقص الخطوات= به امواج تهز اللي غطس ماقاس قيعانه

الله يعافيك ياخالد ماقصرت

وصح لسان الشعراء الله لايهينهم

ماقصروا مساجله رائعه

تحياتي

والله ياخالد مااااااااقصرت يوم انك جمعتها ورتبتها

وصح الله لسانهم ومتعونا الله يمتعهم فيما تبقى من خريف العمر ههههههههه

الله يساعدكم
ارحبوا

[الطامي]

الله الله الله
شيبان المنتدى
احسن محاوره شاتيه سريعه
لاهنتو وصح السنتكم جميعا

[صنداح الزلامى]

خالد العمري

شكرأ لك على نقل هذه المحاورة الجميلة والتي جمعت

شاعرين عملا قين وعرفوا بقوتهم في المحاورات والنظم

شعراء الاثنين مع الحماس ياكلون الاخضر واليابس لا يجاريهم

الا شعراء كبار ادعو لهم بمزيد من التوفيق

[خالد العمري]

المشاركة الأصلية كتبت بواسطة فهدالمطلق

الله يعافيك ياخالد ماقصرت

وصح لسان الشعراء الله لايهينهم

ماقصروا مساجله رائعه

تحياتي

يعافيك أخوي

تقبل ودي

[خالد العمري]

المشاركة الأصلية كتبت بواسطة عاشق الشهادة

والله ياخالد مااااااااقصرت يوم انك جمعتها ورتبتها

وصح الله لسانهم ومتعونا الله يمتعهم فيما تبقى من خريف العمر ههههههههه

عاشق الشهادة

حيآك اخوي وعافاك

تقبل ودي

[خالد العمري]

المشاركة الأصلية كتبت بواسطة السموأل

الله يساعدكم
ارحبوا

يسلمووو على المرور

[خالد العمري]

المشاركة الأصلية كتبت بواسطة منصور المري

الله الله الله
شيبان المنتدى
احسن محاوره شاتيه سريعه
لاهنتو وصح السنتكم جميعا

عاد اللي يسمعك منصور يقول صغير ههههههه

حيآك يالغالي

وشكراً لمرورك