بعض القصايد تنرسخ بالمفاهيم

[عبدالكريم اليوسف]

بسم الله الرحمن الرحيم

احبتي اسف على انقطاعي
واتمنى ان تصافحوا هذا النص وأنتم بخير

بعض القصايد تنرسخ بالمفاهيم=لوهي على مر العصور القديمه
غيث المعاني تعجبك كنها ديم=تبهرك بالمعني وحكمه سليمه
تبقى على خد الزمن كالمراسيم=وتطرب لها كل القلوب الكريمه
والبعض الاخر دون معنى وتعليم=مامن وراها فود وإلا غنيمه
ماهي على سلم العرب والملازيم=ما تحترم معنى وفيها هزيمه
وانا مع الشعار بالطيب اباهيم=بحرف كما النسناس محلا نسيمه
ابنصر المعني بوقت المظاليم=اللي بدنياهم تشوف الثليمه
اكرّم اللي يستحق التكاريم=وارفع عن المظلوم نار الظليمه
الفكر معشب بعد ماشفت انا الغيم=اتوج المعني بصبر وعزيمه
مانيب من يشرب كما تشرب الهيم=وابعد عن اعرض البشر والجريمه
قصايدي وضحً ولا به مجاهيم=اوثق المعنى بحكمه وقيمه
الحِل عندي حل مافيه تحريم=واللي عصى ابطعمه من جحيمه
ماهمني من يقنص الزين والريم=اخاطب بشعري قلوب فهيمه
نهج نهجته بالحكم والتعاليم=سلم الجدود موثقه من صميمه
وصلاة ربي بالقصايد ترانيم=على نبياً ما مشى بالنميمه

دمتم بخير
محبكم

[الباهلي]

شكرا لإمتاعنا بإبداعك
لاهنت
تحياتي

[داعي الشوق]

صح لسانك مليووووووون يالشاعر عبدالكريم

و الحمدلله على السلامة

و عوداً حميداً

و لاهنت على القصيدة الجزلة

ابداع جميل من شاعر مبدع

تقديري لك

و يا هلا بك من جديد

و صح لساانك

****************

[الراقي]

صح لسانك وقلبك على هذه الرائعـه ..

دمت ودام تالقك واحساسك وشعرك ..

كل التقدير والاحترام ..

[عبدالإله]

قمة الجزالة و المعنى

حاضره هنا

صح السانك ملاييين

ولاعدمناك

@@@@@@@@@

[عبدالله الدخيل]

صح لسانك


واسعفنا بالحل لا هنت


ودي واحترامي

[ابراهيم عبدالحميد]

أسجل اعجابي الشديد تألقت فأ بدعت
تحياتي واحترامي
دمت و سلمت و غنمت

[الطائر المهاجر]

هلا والله والف ترحيبه
يارجل واحشنا ... سلامات
مصافحة بعد هجران
من شاعر تعودنا منه الإبداع والجزاله
صح لسانك مليار ولا يكفي
مع أطيب تحياتي

[مبروك بن ماضي]

اخوي المبدع :
الشاعر /عبدالكريم اليوسف
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري

أخوك / بن ماضي

[جرير]

ارويت الذائقه
لله درك من مبدع
صح لسانك وكلك
احترامي وتقديري