|
الشعر المنقول(خاص بالشعر النبطي) يشترط كتابة اسم صاحب القصيدة الصريح |
![]() |
|
أدوات الموضوع |
![]() |
رقم المشاركة : 1 | ||
|
مايعن الراس ويسوق القدم = إلا مسيرً فوق رووس الطايله
على ضعيف الراس مافاد الزهم = لو تزهمه بسـّـمه وبسم العايله وأذا فعلنا الطيب رفرف ياعلم = هذي وقوعاته ,,, وذي دلايله عليك أمان الله ومد أم الشحم = أنـّا حزامك فى الليالي المايله أمنحرين البل عدوان الغنم = سكّـينهم من كل حمراً سايله أحدً لما طرّوه قالو والنعم = وأحدً لا قيل أسمه يفشل قايله الكفو له في هاتفي أسم ورقم = وأللاش مالي رقم في موبايله لاصار مال الرجل لون ولا طعم = ولايعرف الحايله والشايله بهيمةً ينعد من جيز البهم = لو أمطرت ماسـُـيلت مسايله فلا كـُل لاً لا ولا نعم نعم = ولاي أحب أحايل المتحايله ولا يجي فوق المهم إلا ألاهم = واشد من غـُب البحر هوايله والسالفه لاجبتها ما أقسم قسم = الجزل لاتشتك في جزايله فألاحترام أبرز صفات المحترم = في وقتنا أللي تـُحترم قلايله وإن صارت الخطوات أكثر ماللقم = فالله غني وأرزاق ربي ضايله فقط لاجاء الطاري وحنـّـن ورتزم = فالقاع أعسه والسحاب أخايله معمةً ماتحتها عمه وعم = ما تـمِـّـن المـِرسل على رسايله كبر الطموح ايطوّل أجال الهمم = وقل الطموح يحطـّم المتفايله قلب ولسان الرجل والباقي رسم = كنزين في ذا الخزنه المتشايله ورب مكه,,والمدينه,,والحرم = ما شور في عليا .. ولارّضى عايله يا قـلــّـة ألاصحاب في وقت اللزم = في ساعةً فيها الوقوع أمكايله الله يزيد أرزاق شاكرّة النـِعم = والخاسر أللي ما شكر فضايله وأللي يحفر القاع ويحـُط اللغم ؟ = يطيح في شره وفي عمايله زلاّت ألألسن ماوراها إلا الندم = والحق يبني الطايح المتهايله لولا السلوم وحشمة أرجال الشيم = يسود جهل أهل الصدور الغايله ما كل حيً حي لو جر النسم = وش لي بحيً ميـّـته فعايله وأذا عزمت أتطاول النجمات رُم = إلكل ظلعً يتـّعـِب الرقــّاي له وأذا جهلت بعـِرف رجلً ما ؟ فكم = شخصاً تعرّفه عـِرف من زمايله ومن قال أنا فاهم وخلق الله غشم = بكره يشوفون العرب نـثايله طفنا ,, وشفنا,,وتـّعضنا ,,وفـّـتهم =قلبً لقا فى التجربه دوايله حياتنا تـُحـّسب كذا: لنا لهم = الغش فيها طوّرت وسايله ياسيدي سلطان من طيب الكلم = لك من ضميري عذبه وزلايله ماوصلت ألاعراب ساسك والعجم = الجد مقرن والمعنـّز وايله تفهم وغيرك جعل عمره مافهم =العلم لك مواخره وأوايله أطول طويل أهل العطا حولك قزم = بدري على كفـّينه وطوايله أجنوبك الله خالقنها للدحم = وعظام راسك هي سبب صمايله مدّت يديك أتوسـّم أللي ما أنوسم = وسمً تشوفه في أرقبة الحايل يامدح أبوالطيب ووصف أبن الجهم = كرمك شيخان الكرم سلايله الوقت هجنه سود,, وخيوله دُهم = فى الصدر تسعى عـُرّبه وأصايله لما غلبني الضيق وأزداد ألالم = والدمع ألازرق مـطـّـلقاً سبايله فلوما عليك أشكي من الحال السقم = فغيرك بموت ولا سِـمع شكواي له تلزمني الخوه معك يوم ألتزم = بك يامغرقني بحر جمايله ياسيدي من رحت من نجد أنعدم = مالقاع وزنه وأكثرت علايله عوّد عليه أرب يحيه الوسم = تنبت ورود وتنتشي خمايله انت الحيا ,, وانت الضيا ,, وانت العزم = ياوّل أسم في كاسبين النايله ترني بوجه الله ووجهك مالعدم = القـِل خيله صايلاتـاً جايله فيك أنت ياسلطان ظني والعشم = للظن قدحه ,, والعشم فتايله الله يطوّل عمر جالي كل هم = مدام حي أغناي له وأبكاي له لوفيه مثله كان سقناها شمم = لاحووول لامثله ولا مثايله يطّـرونه الجـُلاس لاطروو الكرم = لبـّا طواريه ولبا قايله حتى المكان اللي يجي به يزدحم = أسمه فقط لا مر سوّى ضايله سيدي وسيـّد سادتي منذ القدم = من عهد شيبانه وعصر اوايله العزف عزفه ..والوتر له.. والنغم = وصوت الكمنجه له وصوت الناي له ماتنزف ألاشعار من راس القلم = النزف من جوفي ومن دخايله لوأنت ياسلطان سراً ماكـُتم = وش يحجبك يانور شمس القايله وأذا فصلت أللحم من فوق العظم = فالحال لك دقه ولك جلايله وإن شفت فى الجوال صورتك أبتسم = لو إن قبر أخوي توّي هايله أنت الذرى,,وأنت القرى ,,وأنت الشكم = وأنت الرجا,,وأنت الحجاة الحايله ياكثر ما املك من بيوتك يالنظم = وعجزت لأملك بيت وأستر عايله أبنيه في حلمي وأذا أصبحت أنهدم = ياجوع قلبي له وياضماي له مالاً بدون أرجال زرعً ماصـُرِم = الشمس فوقه والهبوب أتمايله ورجلاً بليا مال سيفً منـثلم = لوإنه مـُقّـدم ربعه وقبايله فخوي أبوخالد مايفرك له خشم = ولايوريه الزمن نكايله وخوي ابوخالد من الوقت ايحشم = ومن فرسة أذيابه ومن ثعايله وخوي أبوخالد مايخطيه ألدسم = ألشد شده والنـِزل نزايله ياسيدي بالروح نخدم وانخدم = العمر دونك عاقلاً رحايله وأللي يحسـّب خوّتك شرم برم = نلغي عرب ساته ونلغي نايله نقراء عليه الزلزله وأيلآ فهم = كلام ربً محـّكماً نزايله بعيد لي بيتين من قبل آختم = عن شكة القاصر وعن جهايله ما كل لاً لا ولا نعم نعم = ولاي أحـب أحايل المتحايله ولا يجي فوق المهم إلا ألاهم = واشد من غـُب البحر هوايله والسالفه لاجبتها أقسم قسم = الجزل لاتشتك في جزايله |
||
![]() |
![]() |
رقم المشاركة : 2 | ||
|
صح لساان الشاعر |
||
![]() |
![]() |
رقم المشاركة : 3 | ||
|
شكرا لك |
||
![]() |
![]() |
رقم المشاركة : 4 | ||
|
صح لسااااان الشاعر |
||
![]() |
![]() |
رقم المشاركة : 5 | ||
|
سعود |
||
![]() |
![]() |
رقم المشاركة : 6 | ||
|
زهره |
||
![]() |
![]() |
رقم المشاركة : 7 | ||
|
عبير |
||
![]() |
![]() |
رقم المشاركة : 8 | ||
|
صح السانه |
||
![]() |
![]() |
رقم المشاركة : 9 | ||
|
نفحات |
||
![]() |
![]() |
رقم المشاركة : 10 | ||
|
اختيار رائع منك ياالطامي |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 5 ( الأعضاء 0 والزوار 5) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
قصائد الفطاحلة في الوطن وضد الإرهاب | الطائر المهاجر | همس القوافي للشعر النبطي | 24 | 09-12-2010 01:26 AM |
هذا ابن حمري يفتخر به إزاره | نجم الإبداع | همس القوافي للشعر النبطي | 51 | 04-12-2010 09:13 AM |
مختارات علي بن حمري | الطائر المهاجر | الشعر المنقول(خاص بالشعر النبطي) | 36 | 05-06-2009 03:39 PM |
قصائد بمناسبة اليوم الوطني للمملكه | الطائر المهاجر | همس القوافي للشعر النبطي | 5 | 14-04-2009 05:28 PM |
قصائد باتحاد الكتاب تناجي الذات والوطن | محمد عبدالله الخولي | الصحافة والعلاقات العامه | 3 | 08-04-2009 06:19 PM |