شجاع × مشهووووور × شجاع الأكلبي

[شجاع عمر الأكلبي]

هذه المساجلات جرت بيني وبين أخي العزيز شايع العيافي 0


صوتي محدّثكم شجاع الأكلبي

الهجر موتك يالهواوي والأبعاد=والصبر قلبك يابو فارس علاجه
يازينها صدفه على غير ميعـاد=لاشفت من تهواه بالـود ناجـه
وقد لك سنين مانفعك التوجـاد=اقصاك ودٍ مع وليفك خراجـه

الصدى من شايع العيافي

يالله يامرسي على الأرض الاوتاد=انك تيسر ضيقتي بانفراجه
غره شهر شعبان من بين الأفراد=رتبه لوا يحمل مقصه وتاجه
سجل قسيمه باسم شاعر وقصاد=وقام الخبر فالأرض ياخذ رواجه
لقحت ليال الصيف ببني واولاد=وايامه من الظلم فيها عجاجه
لاعاد ميقافي على الضلع لاعاد=يوم الجمل دك المسيله مداجه
يابو عمر لحقت غياب الأجواد=اللي يسوق البعدعنهم زراجه
ماخفت من تجريح فلذات الأكباد=مالك ورى جرح الاجاويد حاجه
حذفتني حذفٍ على غير معتاد=ادخل على الله وش لزوم العواجه
خليتني مابين شامت وحساد=من ضحك سنه ماتعقد حجاجه
وانا لا جات الصدق مانيب جحاد =كم عارضٍ كثر علي اللجاجه
الا اني اسبر كوكبٍ الجم هداج=يطفح قراحه قبل يطفح هماجه
عيده على قلبي ماهو عيد ميلاد =عيد العيون اللي طمعها مواجه

وهذا صدى آخر مني محدّثكم شجاع الأكلبي

هبّت على قلبي ذعاذيع الأنواد=ذعذاع رد القاف للقلب هاجه
من يم شاعر للبواكير حصّاد=ينظم عقود الماس في صفح عاجه
عساك يامشهور في خير وأسعاد=أخذ الخبر زبدة بليا لجاجه
الحر لارفّت جناحيه هـم صـاد=يصيد ظبي ٍ ماطمـع بالدجاجـه
وأنته عرجت بعالي الضلع مرتاد=وفرعتبه والحض فيـه إنعواجـه
وحولت ماخلفك من الناس هبّـاد=ونور السعد خلفك يشع إنبلاجـه
ورقيت في ضلع ٍ طويل ٍ ومنقاد=يزبن به الخايف ويلقى محاجـه
واللي له طماعه مع النـاس ورّاد=والضاميه تصبر على ماتواجـه
وأخاف لونك على اللعب معتـاد=وهذي نقرها طير وهذي خماجه
دربي مع خلـي جديـدٍ ومنقـاد=أما علـى رجلـيّ ولا حداجـه
ولاجات مع قلبي على كيف ماراد=وأخلصت له حتى بلغني زواجـه
والكل منا من هوا صاحبـه فـاد=جرح ٍ عميـق مالقينـا علاجـه
فيالله ياللي لك ركـوع ٍ وسجـاد=أجعل تواليهـا فـرج وأنبهاجـه

[الصريح العتيبي]

شجاع الاكلبي

صحت السنتكم
وبيض الله وجيهكم
تقبلوا مروري
ودمتم بخير حال

[الـزلـزال]

الحر لارفّت جناحيه هـم صـاد=يصيد ظبي ٍ ماطمـع بالدجاجـه

,

وأخاف لونك على اللعب معتـاد=وهذي نقرها طير وهذي خماجـه

,

ولاجات مع قلبي على كيف ماراد=وأخلصت له حتى بلغني زواجـه
والكل منا من هوا صاحبـه فـاد=جرح ٍ عميـق مالقينـا علاجـه

شجاع عمر الأكلبي


صح لسانك وصح لسان شايع العيافي


مساجله راقيه بين شاعرين قليل أن نقول في حقهم راقين



تقبل تحياتي

[حي الضمير]

صح لسانك ولسان الشاعر العيافي
ابدعتم والمساجله رائعه ياشجاع
ودائمآ مبدع بقصائدك

[محمد عبدالله البدراني]

العزيز الموقر شجاع عمر الاكلبي سلمه الله


صح السانك والسان الشاعر شايع العيافي


وبيض الله وجيهكم


تحياتي
مع اسمى ايات الشكر فائق الاحتراام واطيب المنى رعاك الاله

[داعي الشوق]

صح لسانك يالشاعر شجاع الاكلبي

صوت وصدى رائعين من شاعرين كبيرين

دائما متميز يا شجاع ،

إعجابي وتحياتي ،،،

[الخنساء]

صح لسانك اخى الشاعر شجاع

لاهان راسك قصيدة رائعة


سلمت ودمت بخير

[حوريه]

شجاع عمر الأكلبي


صح لسانك وصح لسان الشاعر شايع العيافي


مساجله راااائعه بين شاعرين رااائعين

دمتما وداااااا م الشعر

[سعيد الصاعدي]

الاخ الفاضل / شجاع عمر الاكلبي
صح لسانك لاهنت
تسلم ويسلم شايع العيافي
تحياتي
أخـوك
س / ص

[الطامي]

شجاع الأكلبي
صح السانك والسان من جاراك
طيبة للغايه
لاهنتو جميعا