غيمة فكر

[مشعل التريباني]

بسم الله الرحمن الرحيم
الشاعر\ مشعل عسام التريباني الشمري
((غيمة فكر))

ياغيمة الفكرهلي واروي القاع سيـــل (1) وهاتي من الشعر مايتحف سموع الرجال

هلـّي بعذب القصيد اللي كما السلسبيل(2) واروي خصيب النفوس من القراح الزلال

البارحه قمت افكـّر بالزمان المهيــــل (3) وشلون بعض الاوادم يرغب الانحـــلال

يشبه لغصنن ليا هب الهوا به يميــــل (4) مع هوج الارياح تصفق به يمين وشمال

ناسن تخلـّت عن الشيمه ونهج الخليـل (5) والبسهم الغرب جلباب الخنا والظــــلال

تقليد الاعدى على الاسلام شيّن دخيـل (6) ماكان يعرف قبـــل تقليد تلك الهــــــزال

مايرغب الهزل ياكود الظمير العليـــل (7) اللي بشئم المعاصي داخل القلـــــب شال

اقرو تواريخكم ياقليـّلين الحصيـــــــــل (8) امجاد الاسلام دايــــم باقيه لاتـــــــــزال

اقرو تواريخ ناسن سوو المستحيــــــل (9) شهد لهم محكم التنزيل فـــي كل حـــــال

امثال خالد عدو الشرك سيفن صقيـــــل (10) اللي قطع دابر المشرك بحد الســــلال

سيف الله اللي على الكفار حدّهـ سليـــل (11) اللي برز في فعوله في نهـــــار القتال

في خدمت الدين باع الكثر واوى القليل (12) لانه يعرف ان نفسه مقتفيها الـــــزوال

والدايم الله والعالم مداهــــا الرحيـــــــل (13) اعرف ترى كل نفسن حدّها الارتحال

ياكبرها من مصيبه كان ضاع الدليــــل (14) مع جمع ناسن يحطون العدا راس مال

اقسمت باللي وسر بالليف عسب النخيل (15) اني عليكــم شفوق وصادقـــــن بالمقال

وازعل اليا شفت مسلم عن طريقه يعيل (16) لان البنا ياتفكــك صارفيـــــه اختـــلال

وازعل اليا شفت بالبنيان شيّن يميـــــــل (17) وش عاد لوهم يسمونـــي سريع انفعال

يالله يا المعتلي وانت القديـــــر الجليــــل (18) الطف بنا يااله الكــون يـاذا الجــــــلال

ياحسبي الله على الاعدى ونعم الوكيــــل (19) كم ضيعو نفس مابيــــن الامل والمحال

[نجم الإبداع]

الله الله

صح لسانك يامشعل

مصافحه تطرب العقول بحق ياشاعر

لاهنت

تقبل مروري

وودي

[منيع]

ياسلام
مبدع وجزل
شكرا لكم
تحياتي

[الطائر المهاجر]

ياكبرها من مصيبه كان ضاع الدليــــل (14) مع جمع ناسن يحطون العدا راس مال

وقتٍ تغيّر ومثلك صار جمعه قليل = ينظر لهم من جموع الناس ظلٍ وزال

احسنت
ولاهنت
وصح لسانك وقلبك
وضميرك الحي
تحياتي

[مشعل التريباني]

نجم الابداع
منيع
الطائر المهاجر
شكرالكم جميع على المروروالاطرى الله لايهينكم
وشكر خاص للاخ الطائر على البيت الشعري بيض الله
وجهك اخي الفاضل تحياتي للجميع بيض الله وجيهكم

[ساهر الليل]

صح لسانك وقلبك

جزله من راس جزل

ابدعت في صياغتها

ومضمونها الجميل

تقبل تحيااتي وتقديري

[هترل]

وفيت وكفيت ..
صح لسانك واعتلا شانك يالنشمي
نص جميل وحضور مميز .. شاعر متجدد الابداع
بارك الله فيك

تحياتي وتقدير

[داعي الشوق]

الله الله يا مشعل

ولله درررك يالشاعر

قصيدة تبرد الخاطر

و نابعه من فكر شاعر كبير

تحياتي لك يا مبدع

و صح لسانك ملايين
كلها جزاله و شاعرها جزل

[نفحات حساسة]

صح السانك،،ولاهنت

ابيات رائعه،،تستحق منا المتابعه

تحيتي لشخصك

[بنت النور]

صح لسانك
ولاهان راسك
تقبل اطيب التحيه