بعض من قصائد الشاعرة رشا المطيري

[فارس القوافي]

السلام عليكم ورحمة الله وبركاته

اخواني واخواتي الكرام اعضاء منتديات الفطاحلة الغرّاء

وددت ان انقل لكم هذا الابداع للشاعرة ( رشا المطيري رحمها الله )

واليكم بعض من قصائدها

بين صمت الريح وازعاج السكون = أنولد طفلٍ على صـدر السحـاب
طاح في قطره وشالتـه العيـون = ونام في صدري سؤوال بلا جواب
له ثمان سنين كاين مـن يكـون؟ = ماقِدرت اسلاه .. والقرب اغتراب
في شحاحاته عطا كثر المـزون = في عطاءه بخل يرويني سـراب
به كثير اوصاف من عقل الجنون = لو كذب صادق ولو أخطا صواب
القسى طيبه وبجروحـه حنـون = في وضوحه غامضٍ وقت العتاب
ماعرفته .. واعرفه لا ما يخـون = اجهله واقراه فـي عينـي كتـاب
في سطوره حب محبوس بسجون = يجمع إلهامي ويكتبنـي خطـاب
اكرهه واعشقه عشقٍ مـا يهـون = اغتني به فقر وارضى به عـذاب

0
0
0

ياقساة الحظ والناس وزماني = ياخسارة عمر ما جاله نصيب
كلّما عدّلت ميله طاح ثاني = وكلّما ظنّيت يا ظنّي تخيب
وش بقى لي فالزمن ياعمر فاني = كل أيامي عبوسه ما تطيب
ياسواد الوقت ياقتل الأماني = ياشروق الشمس من وجه المغيب
يانهاية صبر يا يأسٍ براني = ياطفوله شيّبت قبل المشيب
آه منّي كم على شاني أعاني = وآه منّك انت يا أغلى حبيب
وآه من دمعي إذا صحت وبكاني = يحرق اوجاني ولا يوقف نضيب
ما بكت عيني لغيرك يا أناني = وما نبض قلبي لناسٍ من قريب
لو شكيت الهم وعيونك تراني = كان دمعك من عنا همّي يجيب
كم سؤالٍ بات في صدري ودهاني = ما لقيت الحل واكثرت النحيب
هزّني في بعدك الشوق وحناني = وارتعش كلّي وكلّي بك صويب
كم اجيلك شوق واحساس وأغاني = وانت تتناسى وكنّي لك غريب
قبل اموت ارجوك إرجع لي ثواني = بس أبي كلمه قبل أرحل واغيب
قول احبك بس وانساني عشاني = قولها أرجوك يالصمت الرهيب

0
0
0

بسم الله الرحمن عـلاّم الاسـرار = علّمنـي اقـرى وابتـدي بالكتابـه
عقب التحيّه جيت ياساكـن الـدار = اكتب بيوت الشعر فـنّ وخطابـه
من غلبي اكتب بين صفحاتي اشعار = مضمونهـا ظلـمٍ وحـزن وكآبـه
صبرت لين الصبر ولّد بي النـار = سكت لين القلب همّـه غـدى بـه
وجيت بعزيمة جامحه كلّها اصـرار = فيني ثقه فينـي ركـود ورحابـه
اسوق شعري مثل قطرات الامطار = اقفي سحابه ثمّن ارجـع سحابـه
بكتب رساله للـذي يطعـن العـار = يآصله علمي لجل يرجع صوابـه
آنا عريبة جد من نسـل الاحـرار = ابوي شيـخٍ مـا قفـل يـوم بابـه
ماهمّني الجاهل ولو صار ما صار = ولا همّنـي قولـه ولا حـدّ نابـه
ان كان حبره غير عن كلّ الاحبار = حبري عفافي يوم ربي حمـى بـه
هو يحسبنّي ماشيه درب الاخطـار = أو يحسبنّي معجبـه فـي جنابـه
لا والله الاّ خاب ظنّـه والاعـذار = يموت في غيّه ودربٍ مشـى بـه
ان كان طيبي صار له ظلّ وستـار = والله لابطّل طيب واشعـل حطابـه
اكبر عيوبي طيبتي بيـن الاشـرار = امشي على النيّه واعدّي الخطا بـه

0
0
0

يالّلي بشباك جاري لا تناظرني = ترى قليبي له اشواقه وله ناسه
ارجوك تبعد ولا تحلم تسايرني = مالي بحبك وشيطانك ووسواسه
عندي حبيبٍ بكل الحب حاصرني = لو مال قلبي كشف لعبي بإحساسه
تفداه روحي على كل شي يآمرني = والله مآريد غيره يافدى راسه
فيه الوفا غير والأخلاق تجبرني = اصون حبه ولو فيني قوى بآسه
اصيل نسلٍ وفيه اوصاف تسحرني = معدنْه غالي ولا ينقاس مقياسه
هذا حبيبي وتكفى لا تناظرني = قلبي يحبه وهو اهله وهو نآسه

0
0
0

مـسافره لـــبعد مدى لآخر مسافات الحــــيـاه = بـروح لـــبعد نقطةٍ فيها تكون نهــــــــــايتـي
بآخذ معي في رحلتي دمعٍ خـــــضْب زايد أذاه = واوراق ذكرى شاحبه مكتوب فيها روايـــــتي
بشوف كم لحظة فرح بترتسم فوق الــــــــشفاه = واعدّ أيام الحـــــــــزن الّي بدت ببدايـــــــــتي
بـسرح بفكري واندفن في ليل يجهلني خفـــــاه = بـشوف بعيوني أنا ومن أنا وش غايـــــــــــتي
بغوص في صمتٍ جمع قلبي وعقلي في سـماه = واكتب على لوح الزمن إسمي ونزف حكايتي
واشتاق لـــيامٍ مضت وابكي على قلبٍ خــذاه = واعضّ اصابيع الندم واكسر غموض إمرايتي
واحزن على عمر الوفا الّي تربّى في عطــــاه = وذاك الشـموخ الّي انكسر وارخيت منّه رايتي

تحياتي

[عذب القوافي]

الفاضل / فارس القوافي

رحم الله الشاعره إحساس عالي لايستطيعه الكل

كتبت قصائد خالده

شكرا ً على جهدك الرائع

تقديري ,,,,,,

[صعبة المنال]

الله الله يا فارس
ابداع فى النقل
وشاااعرة الله يرحمها متمكنه

صعوووووووووب

[حمود السكراني]

قمة الإحساس المتوهج الصادر في مايبدوا


من حروف القصيد من ألم دفين


رحم الله الشاعرة فعلا مبدعة


وسلمت يافارس

[حي الضمير]

منقول رائع
والف شكر

[شجون القصيد]

الله يرحمها

رووووائع خالده

قصااائد في منتهى الجمال تنم عن ذااائقه عاليه

شكرا لك خالد على هذا النقل

تحياااتي

[الطامي]

فارس القوافي
شكرا لك على النقل واختيار الجزل
ورحم الله الشاعره
قصائد رائعة جدا
شكرا لك

[نفحات حساسة]

صح السانها..والله يغفر لها ويرحمها
وتسلم على نقلك..

[الخنساء]

صح لسان الشاعر ة

ورحمها الله ولاهنت لنقلك

المبدع

[فارس القوافي]

اللهم آمين


هلا ك يابو ابرهيم

اشكرك على مرورك

دمت بخير