ردة فعل مريضه بامريكا ع ابنها المرافق

[داعي الشوق]

يقول محمد المهنا كنتُ في أمريكا، مقيماً مع والدتي المريضه
*(حصة بنت محمد المهنا) أربعة أشهر أجرت خلالها فحوصات طبية
*وفي أحد الأيام الربيعية الجميلة أخذتها إلى منطقة (بلس فيردس)
*من ضواحي مدينة (لوس انجلوس ) وكنت أثناء تجوالنا في تلك الضاحية حيث الخضرة *والجو الجميل،
و كنتُ أثني على ما نرى "لأدخل السرور على قلب أمي"
*فأقول لها : *انظري يا أمي، ما أحسن هذا، وما أجمل ذاك
*لكنها كانت تقابل كلماتي بصمت غير معتاد ثم لم أشعر إلا وقد أجابتني وقالت :

الزين والله شوف وادي حنيفة
...*مهيب ديرة كيفرانٍ خبيثين

أبي ديار أهل الطبوع الظريفة
...*اللي على طبع الأجاويد رابين

أهل الكرم وأهل النفوس الشريفة
...*وإذا أذن المذن يقومون عجلين

بيوتهم فيها قهاوي وضيفة
...*ويقلّطون الضيف في العسر واللين

قصورهم دايم وساعٍ منيفة
...*مهوب كوخٍ فيه كلب وعجوزين

عسى ديار العز دايم مريفة
...*اللي هل التوحيد فيها مقيمين

ينشي لها نوٍ سريع رفيفة
...*يسقي جميع نخيلها والبساتين

ومن البرد زخات ثلج خفيفة
...*تطهر أرض بلادنا للمصلين

عساه يسقي جو من مزن صيفه
...*ينشي عليه الغيم مدة سبوعين

تسمع لواديهم إذا أقبل وحيفه
...*يسقي المزارع عقب ما همب عطشين

ولا زلّ فصل الصيف يمطر خريفه
...*ترعى مواشيهم من العشب فصلين

عسى السعودية بعزٍ وكيفة
...*اللي إلا طرّيتها تدمع العين

فرقا مرابينا علينا كليفة
...*الله يرجعنا عليها سليمين

*ودي بفرقا أهل الوجيه المخيفة
...*ناسٍ بوسط السوق يمشون عارين*

*أنذال ما فيهم من الرب خيفة
...*ما عندهم شيمة ولا عندهم دين

عبّادة الدنيا ذممهم ضعيفة
...*ويحاربون الدين مثل الشياطين

يا شيخ ما عندك علومٍ ظريفة ؟
...*ما كلموك اللي على الدين ناشين ؟

أهل الشهامة والنفوس العفيفة
...*اللي على ستر المحارم حريصين

*يا زين صف أهل القلوب النظيفة
...*ويا زين ضجتهم إذا قالوا آمين

*

[الطامي]

ماشاء الله
العجوز جابتها على الجرح لمن هم مثلها
لاهنت بو سعد على اتحافنا بها
شكرا لك

[الطائر المهاجر]

بيوتهم فيها قهاوي وضيفة
...*ويقلّطون الضيف في العسر واللين
هذاك منول هالحين لو طقيت على احد قال مخلي وش جايبه ليش ما اتصل بالتلفون

عبّادة الدنيا ذممهم ضعيفة
هالحين الحال من بعضها


شكرا لك

[منيع]

رائعة جدا
تسلم اخي الكريم داعي الشوق
تحياتي

[داعي الشوق]

المشاركة الأصلية كتبت بواسطة الطامي

ماشاء الله
العجوز جابتها على الجرح لمن هم مثلها
لاهنت بو سعد على اتحافنا بها
شكرا لك

ههههههه اي ولله ع الجرح

ولاهنت يابو محمد و مشكوور ع المرور

[داعي الشوق]

المشاركة الأصلية كتبت بواسطة الطائر المهاجر

بيوتهم فيها قهاوي وضيفة
...*ويقلّطون الضيف في العسر واللين
هذاك منول هالحين لو طقيت على احد قال مخلي وش جايبه ليش ما اتصل بالتلفون

عبّادة الدنيا ذممهم ضعيفة
هالحين الحال من بعضها


شكرا لك

الله يعين يا بو عبدالله

ومشكوور ع المرور
ولاهنت

[داعي الشوق]

المشاركة الأصلية كتبت بواسطة منيع

رائعة جدا
تسلم اخي الكريم داعي الشوق
تحياتي

الله يسلمك اخي منيع و مشكور ولاهنت

[نفحات حساسة]

صادقه...صح السانها

هذي من ربعنا.. وعرفها..

وزادت معرفتي بها امل جت امريكا علاااااج الله يشفيها ومرضي

المسلمين..شاعره وتحب الناس والخير

[داعي الشوق]

المشاركة الأصلية كتبت بواسطة نفحات حساسة

صادقه...صح السانها

هذي من ربعنا.. وعرفها..

وزادت معرفتي بها امل جت امريكا علاااااج الله يشفيها ومرضي

المسلمين..شاعره وتحب الناس والخير

ما شالله .. اجل ما رحنا بعيد دامها من معارفكم ..

اثاريك من سلالة شعر و شاعرات وحنا ما درينا 😁

ع فكره . ترا ال مهنا من شيوخ القبايل و رايتهم بيضاء

. اجل لا تبخلي علينا بقصايدها كان عندك لها شي ،،

والله يشفيها و مرضى المسلمين

و مشكوورة نفحات ع المرور و دمتي بخير