الشاخوفه

[سمّار]

من جدّ أنا رمّآي ماحد مثله=تشهد لي البلجيك والشاخوفه
وتشهد لي البرنو وتشهد شعله=وسميجر الروسيْ وكلاشنكوفه
انا اعشق البندق وانا اعَشق نقله=من صغرتي والروح له ملهوفه
ابواردي وارمي بعيد المثله=وآقول علوى بالهدف وآحوفه
واغليه واغلي من يقدّر حمله=وانصت لمن يتفننوا بوصوفه
واتذكر اللي كان قلبي كله=يعني احتوى قلبي وقلبي جوفه
اللي صدفته عند نبع الجلّه=ينزف براد الماء ويدْرِج شوفه
واقبلت له ظامي وقلتّ اعلّه=واسقاني المويه بترف كفوفه
واطعمت مثل الشهد لكن احله=اثره شرب قبلي وبلّ شفوفه
ذكّرني البندق وانا فيه ادله=صابت فلا راغت ولا هي نزوفه
من يد رامي بندقته اتجلّه= تثور لكن ما تهزّ اكتوفه
رمّاي ما تلقى ولا حد مثله=تشهد له البلجيك والشاخوفه

[نجم الإبداع]

الله الله


كفووووووووووووووووووو ياسمار

وصح لسانك على المصافحه الجميله

لاهنت

تقبل مروري

وتقديري

[كظيم]

الله عليك ياسمـّـار
صح لسـانك وفكرك
قصيده باذخـة الجمـال والمعـاني
نص شعر رائــع
ابدعت فيه لله درك
تقبلني وتقبل مروري المتواضع لاهنت
ودي وتقديري

[حي الضمير]

صح لسانك يامميز
ابدعت وامتعت
وسجل اعجابي وتقديري

[سناعيس]

ههههههه
اجل مثل مانت بواردي
جاك بواردي من نوع ثاني
صح لسانك ياسمار وبيض الله وجهك
على هذه الجزله
لاهنت

تحياتي

[داعي الشوق]

صح لسانك و اعتلا شانك يا بو هاشم

و لاهنت يالبواردي

شاعر جزل و مبدع

سعداء بتواصلك و ابداعك يالغالي

وعساك سالم

مع التقدير لك

[حوريه]

رائعة تستحق الإعجاب
وعذبة تستحق الإشاده
دمت كما انت مبدعا
تحيتي واحترامي
0
0

[الراقي]

نص اكثر من راائع

وحضور جميل

صح السانك شاعرنا القدير

[عبدالله الشويمان]

صح السااانك يا اخ سمار

قصيده جزله واعرفك بالجزاله.يا الجزل

دمت بخير وصحه وسلامه ولا هنت

[منيع]

اكثرمن رائعة
تسلم اخي الكريم
ربي يرعاكم
تحياتي