هل ترغب في الزواج

[الطائر المهاجر]

الفرصة متاحة للجميع ، فقد أعلنت جمعية تطلق على نفسها ، الرحمة بالشباب والشياب ، استعدادها
لمساعدة أي رجل لديه النية للزواج ، من قائمة طويلة لديها من شابات ورضم يبحثن عن ازواج ..
وكمساهمة من منتديات الفطاحلة في انجاح المشروع ، فماعليك أخي الراغب في الزواج، إلا الإجابة على مايلي:
1- شروطك بكل دقة
2- مواصفات العروس التي ترغبها بكل دقة
3- هل تستطيع فتح بيت او بيتين او ثلاثة او اربعة ، وإلا تبي اكثر من وحدة وتجمعهن في بين واحد وإلا لاتستطيع فتح ولا بيت واحد
4- سنك بالتحديد ، واذا كنت فوق الخمسين هل أنت ممن يلهم حبوب فياقرا

كل راغب في الزواج يجيب على هذه الأسئلة ادناه ، فمندوب الجمعية سيراجع ما تكتبونه وسيبعث برسالة
خاصة لكل من يستطيعون مساعدته..
ووفق الله من وفق بين رأسين بالحلال
ولا تنسونا من دعائكم ، وانسونا من الدعاء علينا ..

والله شف يابوعبدالله أعتبرني من الداعمين لهذي الجمعية بس المشكله أني عزوبي

والصراحه راحه ودي أعرس بس مضيع الطاسه لين لقيتها علمتك علشان تضموني ضمن جمعيتكم المباركة

متحمسة أشوف الشروط

اهم شرط انها تعرف تطبخ اكل ما يسمن ^_________^

[الريم]

وش هالجمعيه يا مشرفنا

وان شا الله كل واحد يتحقق له مناه ويلاقي الي تنطبق عليها شروطه الله يوفقكم

[سعود القحطاني]

الغالي ابوعبدالله

انا ارغب

ولكن انا لي شروط بما ان واحد من الجمعيه يبي يقرأ ردي

بالعاميه

شرهن على الزين

وبنت حموله

وعلى فكره انا متزوج

وعمري وسط قلتها بصراحه مادري يابو عبدالله انت جاد بكلامك ولا

وتليفوني عندك

تحياتي ياغلاي انت

اجمل ماقرأت لك ياخالي:d

[ثار التميميه]

خخخخخخخخخخخخخخخخخ

مشرفنا بيدعون عليك الحريم

[الطائر المهاجر]

مندوب الجميعة يقول :
الرجاء من الجميع الإجابة على الأسئلة بدقة ، حتى ينظر في الطلب.

1- شروطك بكل دقة

شروطي :

1-بنت نجديه

2-عزيزة نفس

3-بنت رجال بكل ماتعنيه الكلمه

4-من قبيلة تعرفها يابوعبدالله(مانيب ذاكرها علشان مايقولون عنصري)

-

مواصفات العروس التي ترغبها بكل دقة

1-مايهمني طخمه ولا لا لكن لين تزينت تملى العين

2-لطيفه بس عربجيه

3-مرجوجه بس عاقله

4-متجدده يعني كل يوم لها طلعه مدري وش تبي علشان الحياة تصير متجدده موب ميته روتينيه

5-لها رأي موب تابعه لي في رأيها ياتقنعني يا أقنعها يانوصل لرأي وسط بين رأيي ورأيها

6-تدلع بعض الأحيان دلع يخليني أجي على وجهي

7-توقف معي وقفة شنب ولا تسمع لأحد ولا تسمح لأحد يدخل في حياتنا مشاكلنا بينا مهما كبرت

8-تحب البساطه ولين زعلتها بأقرب مركى في وجهي طبعاً أكيد برد عليها بوساده على خشتها

9-رومنسيه محبه للشعر والأدب والثقافه لا وترادني بالقصيد مكسر أنا وياها متأكد أنا أنه بيجي مكسر من خبالي
3

- هل تستطيع فتح بيت او بيتين او ثلاثة او اربعة ، وإلا تبي اكثر من وحدة وتجمعهن في بين واحد وإلا لاتستطيع فتح ولا بيت واحد

ما أستطيع فتح بيتين وزياده لأني ناوي أقعد على قلبها لين أموت علشان كذا لازم يكون الأختيار دقيق

4- سنك بالتحديد ، واذا كنت فوق الخمسين هل أنت ممن يلهم حبوب فياقرا

سني 25-26

ترى يابوعبدالله صدقت أنا بحتري الزوجه بس تكفى أبو عبدالله باب واحد فتحه دفرسين الله لا يهينك

شروطك غريبة يا ذيب

تبيها تطحك بالمركى ؟؟