الزين واجد لاكن الشين ماقل

[الطامي]

http://b.top4top.net/m_2407nbo0.m4a

الزين واجد لاكن الشين ماقل=بس العرب ياخوك مدري شبلاها
عليك بكل الزين ان كثر ون قل=واترك جميع الشين لبقعا وغثاها
لانقول شيطان المخاليق يمهل =هاذي يجهزها والاخرى وراها
ان كان رايك يالسنافي بك اشكل =خالف طريق النفس في مبتغاها
وان شفت خبلان الرفاقه تبجَل =بهروج ماتدري عن اقصى مداها
تركض ورى هراجة القيل ماتمل=ونفوس خلق الله تبيح خفاها
فارق مجالسهم سريع وعجِل =وتلقى من الاجواد حسنٍ نباها
ودنياك هاذي كل يومٍ لها خل =مثل الغنوج من الجمال اتباها
دنيا تقلب ماعرفنا لها حل= نوبٍ تحدَانا ونوب نحداها
صبرك عليها واتكالك ولا تمل=على الذي ينشي السحايب بماها
يغنيك من قولة فلانٍ تجمل =وناس غناتك من مجيهم عماها
العز عز النفس من كل ماخل=فيها ولا يرفع ابد مستواها
والعز نوماسٍ جنيته مع الكل =وسمعَتك بالافاق يِسمع صداها
وتبقي تمم بالمكارم فقم صل =وأد الفروض اللي خُلقت لأداها
تسعد مع العالم جميعٍ وتقبل =وتصير من ناسٍ ينومس نباها

[منيع]

ياسلام عليك
مبدع وجزل
شكرا لكم
تحياتي

[الطائر المهاجر]

صح لسانك واعتلى شأنك
رائعة من شاعر رائع
ومتجدد الإبداع
دام ابداعك
تحيتي ومودتي

[حرف وشعر]

جزلة يالطامى جزلة

تقبل الود ،،

[بنت النور]

صح لسانك مليون ولا يكفون
جماله من رأس جمال
لاهنت
تقديري واحترامي

[الطامي]

بو حمد
صح بدنك
وما عليك زود
وشكرا لمرورك
لاهنت

[الطامي]

بو عبدالله
صح بدنك
وما عليك زود
وشكرا لمرورك
لاهنت

[الطامي]

محمد العمران
صح بدنك
وشكرا لمرورك
لاهنت

[الطامي]

بنت النور
صح بدنك
وكلك ذوق
وشكرا لمرورك
لاهنتي

[داعي الشوق]

صح لسانك و طاب حالك يا بو محمد

ابيات جزله و حكيمه في معناها

دمت و لاهنت يالشاعر